العاصم ليس كما يراه الناس

الي الشركه ......
في بيت هدي ...
ذهب والد هدي الي عمله وكانت تتناول كل من هدي ووالدتها الطعام
والده هدي وهي تنظر إلي طبق ابنتها الذي يوجد به كميات قليله من الطعام لتقول بتساؤل
_ انتي بتاكلي قليل لي
هدي بايجاب 
_ علشان افضل محافظه علي جسمي لحد ما اتجوز لازم ابقي حلوه دايما في عيون نوح علشان ميفكرش يبص بره
والده هدي 
_ وبعد الجواز
هدي باريحيه 
_ هاكل براحتي طبعا هكون ضمنته
والده هدي 
_ ولو طلقك
هدي بابتسامه ماكره وهي تقوم من طاوله الطعام وتاخد حقيبتها 
_ مش هيقدر لان ساعتها هخليه يكتبلي مؤخر صداقه كبير علشان ميقدرش يفكر يطلقني
والده هدي 
_ انتي بتفكيرك دة هتخسري كتير يا بنتي
هدي بلا مبالاه وهي تتجه نحو باب الشقه 
_ أنا مش هخسر. أنا بالعكس باخد نصيبي من الدنيا ونوح نصيبي لتقول تلك الكلمات لوالدتها الحزينه علي حال ابنتها وتغلق هدي باب الشقه
يظنون أن الأقدار لعبه بين أيديهم لكن سينالون نصيبهم المحتوم في النهايه 
صباحا بمنزل سلمي ...
كانت سلمي ترتدي ملابسها الرياضيه وتربط شعرها الكيرلي في هيئه تسريحه ظريفه وأخرجت خصلتين من شعرها ... وسحبت حقيبه صغيره لها بها هاتفها وبعد الأموال
كان والد ووالده سلمي يتناولون وجبه الافطار .....
والد سلمي 
_ تعالي افطري يا بنتي
سلمي بمرح 
_ علشان خاطرك يا حاج بس هاكل قبل ما انزل الجيم
والد سلمي 
_ طب بتلعبي رياضه لي انتي شاكلك حلو
والده سلمي بهجوم 
_ قولها
سلمي بهدوء بعد أن ابتلعت لقمه العيش 
_ يا بابا الرياضه مش علشان الشكل وبس الرياضه بتديني صحه ونشاط. وكمان أنا بحب العب الايام اللي معنديش شغل فيها والحمد الله قعدلكم اسبوع علشان انا طلعت رحلات كتير ورا بعض والشركه ادتني اسبوع اجازه ....
والد سلمي 
_ اعملي اللي يريحك يا بنتي .. ثم تابع بتساؤل به نبره من الشك 
_ سلمي هو انت لي بترفضي كل العرسان في حد في حياتك علشان كدة بتطفشيهم
سلمي بعتاب وهي تضع الطعام من ايديها 
_ أنا لايمكن ارتبط بحد أو اكلم ولد من وراكم اولا لاني هكون يخون ثقتكم فيا ثانيا لان أنا عمري ما اقبل ابقي واحدة تافهه لدرجه ديه وافرح بكلمتين حلوين وارتبط وانسي عقاپ ربما ايوه انا مش محجبه ودة مش عدم اقتناع مني بالعكس أنا مقتنعه تماما بس كل الفكره اني مش اد لبس الحجاب مش اد التزاماته وعلشان كدة ملبستوش لحد دلوقتي .... بابا أنا عارفه أمور ديني كويس وعلشان كدة عمري ما لبست ضيق او مثلا حطيت ميكاب اولا لانه حرام ثانيا لاني راضيه عن نفسي كدة .. أما اني برفض عرسان لاني مش عندي استعداد اتجوز حد من شباب اليومين دول كل اللي اتقدموا اول حاجه بيقولوها يا اما مرتبك كام يا اما هتسيبي الشغل وفي الحالتين هما عايزيني ابقي خدامه ليهم وابقي واحدة اشتروها بشويه فلوس ... أنا مش عايز اتجوز علشان مطلقش كمان شهر او اتنين لانك عارف بنتك ميتقبلش الاهانه من حد ....
ثم نظرت لوالدها نظره عتاب .
لمحتها والده سلمي لتقول بمرح محاوله تخفيف الموقف 
_ انتي طول عمرك شبه رضوي الشربيني في كلامها .
سلمي بهدوء 
_ رضوي الشربيني الكل بينتقدها هي حلوه او وحشه ميفرقش معايا يهمني أن هدفها أن الست متتهانش ابدا اظن دة سبب كفيل يخليني احترمها بعض النظر عن أي باقي أفكارها أو عن البرنامج او عنها شخصيا. هي هدفها. الست نفسها متبقاش مهانه دايما .... ثم تابعت وهي تنهض 
_ أنا هنزل الجيم وهرجع كمان شويه والټفت لوالدها 
_ أنا ممكن انزل مع صحبتي جيهان شويه بليل عايزه اشتري شويه حاجات ممكن
أومأ والد سلمي. لتقوم سلمي وتذهب لبابا وتقوم بارتداء كوتشيها الرياضي... لتتفاجأ بظل والدها الواقف أمامه لتتفاجأ أكثر عندما يقول لها بحنان ابوي 
_ أنا آسف يا سلمي مكنش قصدي أنا
سلمي بابتسامه وهي تقبل يد والدها مانعه إياه من تكميل حديثه لتقول له 
_ بابا
حضرتك مش مضطر تعتذر ليا أنا فاهمه خۏفك عليا لانك بتحبني ونظره عتابي لان حضرتك شكيت في تربيتك بابا أنا لايمكن اخون ثقتك فيوم من الايام وأما يحصل واقابل راجل بجد هحكيلك واقولك لان حضرتك قبل ما تكون ابويا فأنت بير اسراري ..... لتنهي كلامها بابتسامه جميله
ليقبل والدها رأسها لتنزل للجيم الموجود في اخر شارعها ويدخل والدها مبتسم وفخور من ابنته ويكمل افطاره ثم يذهب لعمله. ووالده سلمي تدعي الله أن يوق ابنتها شاب يقدرها ..... وان تفرح بابنتها قريبا .......
في بيت نبض ...
كان الوضع هادئ بعض الشئ لكن نبض كانت مجهده من كثر التفكير والمشاعر والدموع لتصلي فرضها ثم ارتدت ثيابها عباره عن فستان ذو الوان هادئه وتركت لشعرها العنان ثم أخذت في حقيبتها اوراق ورسومات وتليفونها. وبعض الأموال ... وخرجت مع داليا التي ادت فرضها هي الأخري و تناولوا الفطور الذي كان عيون نوح تطمئن عيون نبض المضطربه كأنه يوصل رساله خفيه لها