العاصم ليس كما يراه الناس

حبيبتي ماما عارف انك لاجيئه في بيتي يلا ....
ما اجمل الصداقه التي تهون علي الإنسان كربه وهمه 
مساءا في بيت سلمي ....
دخلت سلمي لغرفه والدها بعد انتهاءه من صلاه العشاء ...
والد سلمي 
_ تعالي يا سلمي بس لو هتكلميني علي موضوع شغلك اسكتي خالص
سلمي بهدوء وهي تجلس أمامه 
_ مش هتكلم عن موضوع الطيران .. بابا انت عارف اني بحب الفرنساوي جدا وإني اخدت فيه كورسات ودورات كتير ففكرت اني اشتغل مترجمه في الشركات وفعلا لقيت اعلان النهاردة وعايزه اروح بكره ممكن
والد سلمي بحنان 
_ روحي يا سلمي علشان انتي عنيده بس انا عارف انك مبتحبيش قعده البيت وعلشان كدة موافق رغم انك لسه تعبانه وعلشان كدة هوصلك بنفسي وهترني عليا ارجعك تاني
سلمي بحب 
_ ربنا يديمك ليا يا احن اب في الدنيا .. ثم تابعت بتساؤل 
_ بابا هو ممكن يكون اللي حصلي بسبب اني بنشر اي جديد في حياتي في الفيس او صور وكدة
والد سلمي
_ كويس انك فكرتيني كنت هقولك اوعي تجددي صورك علي الفيس تاني لأن مش كل العيون شبعانه او كل العيون بتقول مشاء الله في عيون حسودة بتحسدك علي صحتك علي جنانك بتحسدك علي اي حاجه الحسد مذكور في القرآن يا سلمي ... وعلشان كدة عايزك تبعدي عن السوشيال ميديا بس ممكن تكلمي اصحابك منها اكتر من كدة لا المره ديه ربنا سترها المره الجايه مضمنش ...
سلمي بابتسامه 
_ حاضر يابابا. هروح انام أنا بقا علشان الصبح اروح المقابله بدري ..............
.
اول يوم لعمل نبض عند عاصم كان هادئ جادي لم تعطي نبض فرصه لعاصم لخلق اي احاديث جانبيه معها وهبت علي الموعد الي منزلها لتجهز لتكون بجوار اخوها في تقدمه للفتاه التي يريدها
.....
داليا كانت حزينه لكن قويه امام الجميع حتي لا يشعروا بشئ فهي لاتريد من احد شفقه .....
تجهز عائله نوح
وذهبوا وكذلك داليا حيث ذهبت معهم أيضا مبتدئه ملابس رقيقه ومتجهين الي بيت هدي ....
في منزل هدي ........
كانت انتهت من وضع المكياج ثم ارتدت الطقم عباره عن فستان رقيق وطرحه لكن ما أفسد شكلها هو المكياج كانت ستبدو احلي بدونه ...
وصل عائله نوح استقبلتهم والده هدي بابتسامه جميله .... لم تقاوم نسرين وبادلتها الابتسامه
جلس الجميع في الصالون مع والد ووالده هدي ...
نوح باحترام 
_ أنا يشرفني يا عمي اطلب ايد الانسه هدي ...
والد هدي 
_ ويا تري انت عارف ان هدي اكبر منك ودة
نوح باحترام 
_ أنا ميفرقش معايا الموضوع دة ....
والد هدي وهو ينظر لفواز
_ انت مربي ابنك فعلا يكون راجل
فواز 
_ طبعا يا ابو هدي التربيه اهم حاجه وبعدين فين عروستنا .
كانت داليا جالسه حزينه لكن ما بيديها حيله ....
خرجت هدي وهي تحمل صينيه الحلويات والمشروبات ووضعتها أمام الجميع أنزعج الجميع بسبب المكياج لكن لم يعلقوا احتراما لوالدها
لتقول نبض تلطيف الأجواء 
_ فكراني اكيد يا هدي
هدي بخجل مصطنع 
_ اكيد يا نبض أنا اسفه علي اللي عملته المره اللي فاتت
نبض 
_ ولايهمك
انتهت الليله مع توعد نظرات نوح لهدي
عاد الجميع للبيت
دخلت كل من داليا ونبض لغرفتهم وتبقي نسرين وفواز ونوح
نسرين وهي تجلس تستريح من الطريق وتقول 
_ البنت ديه مستحيل تتجوزها ديه حطه كيلو مكياج علي وشها ....
نوح 
_ يا ماما البنات كلها بتعمل كدة
نسرين 
_ افضل دافع عنها بس اسمع مني البنت ديه أنا مش مرتاحه ليها وقلبي حاسس انها هتتعبك معاها بس انتي مش راضي تسمع كلام امك مش عارفه لي
نوح 
_ يا ماما أنا مش عارف احساسك جه منين وانت متعرفهاش غير النهارده
نسرين 
_ يا ابني قلب الام بيحس
فواز 
_ سيبيه يا نسرين وكل واحد مسئول عن نفسه متقلقيش علي نوح ابنك راجل بجد
قبل نوح يد والده ووالدته ثم ذهب لغرفاه ومازالت نسرين قلقه وفواز يحاول طمئنتها ..
في شركه عاصم ......
في مكتب يجلس يوسف منتظر المترجمين للاختيار مما بينهم
يوسف بملل وهو يهاتف عاصم 
_ اغلبيه اللي جم ناس مش عارفه تنطق اصلا وناس للغات تانيه أنا زهقت
عاصم 
_ اصبر يا ابني
وفي الوقت هذا وصلت سلمي بعد توصيل والدها لها ودلفت مكتب يوسف لتنصدم لكن سيطرت علي صډمتها
يوسف 
_ انتي هنا لي
سلمي ببراءه 
_ حضرتكم مقدمين في الجرنان اعلان انكم محتاجين مترجمين فأنا عندي كورسات ودورات كتير علي الفرنساوي فقولت اجي اشوف حظي
....
يوسف 
_ هو مش انتي بتشتغلي في الطيران
سلمي 
_ كنت ...
يوسف وهو يستمع لرنين هاتفه وكان عاصم ليفتح الخط
عاصم 
_ الفرنسيين جايين علي الشركه علشان غيروا خطتهم هيعدوا علينا النهارده بدل ما يعدوا بعدبكره ومعناش مترجم الحل اي
كان يوسف يستمع لعاصم وعينيه علي سلمي و.
روايه _ العاصم ليس كما يراه الناس _
البارت الرابع عشر 
بعنوان ... اعجاب بالشخصية ..
بارت هديه للفانز ....
كان يوسف يستمع لعاصم وينظر الي سلمي واغلق الهاتف بعد انتهاء حديث خالد ليقول يوسف بجديه اتجاه سلمي
_ انتي هتتوظفي هنا لو قدرت تنقذي الموقف في عمله فرنسيين هنشتغل معاهم المفروض ميعادهم بعد بكره بس هما جم