العاصم ليس كما يراه الناس

ثانوي أو مش حكايه بتكرهيهم انتي عايزاه راجل بجد مش زي الرجاله الزمن دة ويوسف راجل بجد سمعته كانت في الحته عندنا كويسه .... ادي فرصه لقلبك يتقبل الواقع وأنه تتعلق بيوسف
سلمي بتريقه
_ من كام مقابله احبه ...
نبض 
_ اه
سلمي 
_ سيبك مني انتي فعلا هتمثلي موضوع الخطوبه دة ...مش خاېفه من أهلك وكمان انتي مصدقه موضوع الاحلام دة
نبض وهي تنظر للنيل 
_ خاېفه بس
اڼتقامي مش هيتنفذ غير كدة ...
وايوه صدقت موضوع الاحلام دة ....
سلمي 
_ اي رايك نتحجب يا نبض
نبض 
_ مش مستعده اتحجب واقلعها تاني
سلمي 
_ وتقلعيها لي أنا حسه دلوقتي اني عايزه ألبسها كنت عايزه ألبسها من زمان بس دايما كنت بقول مش هقدر بس لما لقيتك النهارده قولت ليه لا منبقاش سوي ونتحجب ونشجع بعض لي لي منبقاش قريبين من ربنا اكتر موافقه ...
نبض بابتسامه لصديقتها 
_ موافقه
سلمي 
_ بكره هنشتري الحجاب واللبس اللي يناسبه ....
ثم نظرت لساعتها 
_ طب يلا نروح علشان ميقلقوذ علينا
هزت نبض رأسها وركبوا تاكسي اوصل نبض الاول ثم اوصل سلمي ....
ما اجمل الصديق الذي تشعر معه بالأمان الذي يسمعك بجوارحه ويخلق حلول لمشاكلك .. ويقربك من الله ........صحبه الصالح تصلحك
ذهب كل منهم الي بيتهم
في بيت سلمي 
دلفت سلمي بهدوء الي الشقه
والد سلمي بتساؤل 
_ اتاخرتي لي يا سلمي ....
سلمي بابتسامه 
_ أنا قلت لماما اني قبلت نبض صاحبتي من ايام ثانوي وعلشان كدة اتاخرت أنا اسفه ....
والد سلمي 
_ ولا يهمك يا حبيبتي انا قلقت عليكي وماما نسيت تقولي انك هتتاخري يلا غيري هدومك وتعالي كلي العشا مرضناش ناكل من غيرك ...
سلمي 
_ تمام ... أخذ نفس طويل ثم تابعت 
_ بابا .. أنا بكره هنزل اشتري لبس وطرح علشان قررت اتحجب باذن الله
والد سلمي بفرحه 
_ بجد ... الف مبروك يا حبيبتي ...بس اي اللي حصل خلاكي تاخدي الخطوه ديه ...
سلمي 
_.. احساس جوايا اني عايزه ألبسها ... سمعت أن ربنا لما بيحب عبده بيهديه ..
والد سلمي بفرحه 
_ ربنا يثبتك يا بنتي يلا ادخلي البسي وتعالي ....
بالفعل دخلت سلمي تبدلت ملابسها .. وتناولت العشاء مع اهلها ثم دلفت الي غرفتها لتنام وهي حزينه علي نبض بشده لتنام بعد ذلك ..
أما نبض .. عادت الي المنزل وتناولت الطعام ثم دخلت مع اخيها البلكونه ليتحدثوا .. وأخبرته بكل شئ عن اتفاقها مع كيان ..
نبض بعدما انتهت من قص علي نوح كل شئ اخذت نفس طويل ثم تحدث 
_ ساكت لي
نوح 
_ بسمعك .. انت ازاي تتفقي علي حاجه من غير رائي ازاي تعملي كدة يا نبض
نبض بحزن 
_ علشان بحبه يا نوح الحقيقه اللي مش عارفه اغيرها مهما حصل مهمها أنكرت ... بس برضوا ۏجعي وقهرتي مش قادره انساهم فجاءه لقيت حل يرجع ليا حقي اخليني اتاكد من حبه اخليني احسسه هو وجعني ازاي أنا اسفه يا نوح ....
نوح تنهد ثم أخذ يد أخته وامسكها 
_ أنا معاكي بس شايفه أنه يستاهل حبك بعد اللي حصل كله
نبض. بابتسامه حزينه 
_ القلب محدش ليه عليه سلطان .. بس انت عندك حق يا نوح هو ميستاهلش بس قلبي غبي اوي ...وكمان أنا حسه بتغييره بس مش عارفه وله قادره اصدق ... خاېفه من رده فعل بابا وماما خاېفه من كل حاجه يا نوح ...
نوح بحيره 
_ .. معرفش اقولك متخفيش لاني خاېف من فعل بابا وماما وخاېف عليكي .... بس في أنا معاكي في اي حاجه هتحصل ... بس انتي متأكدة من اللي اسمه كيان دة ....
نبض باطمئنان لاخيها 
_ ايوه يا نوح مؤدب ومحترم وزيك يا نوح اخ ...
نوح 
_ مش هطمن غير لما اشوفه
نبض 
_ تمام أنا هروح معاه بكره لأهله تعالي معايا وانت تقدر تحكم عليه اكتر ....
هز نوح رأسه دلاله علي موافقته وتحدث 
_ والد هدي عايز كتب الكتاب والخطوبه اول الشهر
نبض بتفكير 
_ مش كان بعد ٣ شهور اي اللي قدمها
نوح 
_ علشان يبقي في بينا حاجه رسمي أنا هقول لبابا وماما بكره بس حبيت اقولك انتي الاول علي العموم بكره هتقابلي كيان امتي
نبض 
_ علي الساعه ٤ في وقت البريك وهستاذن ساعه كمان زياده كيان هيستناني تحت الشركه انت كمان استناني
نوح 
_ ماشي ... يا نبض مع اني عارف ان اللي بتعمليه غلط بس هفضل معاكي للآخر ...
نبض 
_ ربنا يخليك ليا يا احلي اخ في الدنيا واتاكد اني عمري ما تهون ثقتك ديه ....
ثم انسحب كل منهم لغرفته لينام ....
في أثناء حديث نوح ونبض كانت داليا تكمل كتابه القصه التي أوشكت علي الانتهاء منها .... وقبل أن تغلق الكشكول دخلت نبض عليها
نبض بابتسامه 
_ بتعملي اي. اوعي تقولي بتكتبي مذكراتك
داليا بنفي 
_ لاء يا ستي .. بكتب قصه من زمان بحب التاليف وكدة بس عمري ما كتبت قولت اجرب اكتب ...
نبض بابتسامه وهي تجلس جانبها 
_طب هاتي اقري ...
بالفعل قرأت نصف ما كتبت داليا لتقول بصوت مبهور 
_ القصه فكرتها جميله وأسلوبك حلو