انتصار القلب بقلم ايمان الصياد
المحتويات
مروان قعدها ع رجليه بعد ماقعد ع السرير وسألها
الأميره بتاعتى زعلانه ليه
ملك علشان بابا مش بيحبنى
مروان طيب مين قلك كدا بقا معقول مراد مايحبش ملك لا مش ممكن أصدق أبدا لانه بإختصار مراد روحه ف ملك
ملك بس هو مش بيخلى سلمى تجيلى زى الأول وكمان مابقتش تيجى المدرسه
مروان آولا قبل اى حاجه لازم تفهمى ان بابا بيحبك آووى لأ مش بابا وبس انا كمان بحبك وسلمى كمان بتحبك
سلمى مش بتيجى المدرسه لأنها تعبانه مش علشان مابتحبكيش ولازم قبل ماتحكمى ع حد تسمعيه الأول مفهوم
ملك هزت راسها وهى ف الحقيقه مش عارفه حاجه
أما بابا فهو أكتر حد بېخاف عليكى واما تكبرى هاتعرفى دا
ملك بتزم شفايفها وبتقول طيب انا عاوزه سلمى وبابا مش راضى
مروان وكأنه بيفكر بعد وقت وملك بتبص عليه ومركزه آووى مروان فجأه بصلها وقال ببعض من نظرات الشړ المضحكه تيجى نعمل خطه
مروان ببلاهه وف نفسه شكلك هاتطلعى مجرمه
ملك قول بقا الخطه
مروان آولا مافيش أكل ثانيا مافيش هوم ويرك ثالثا مافيش مدرسه أصلا ورابعا والأهم مافيش مراد....
ملك بصتله بعدم فهم لأنها أصلا مش فاهمه حاجه منه
مروان اخد باله إنها لسه يادوب طفله خمس سنين فأكيد مش هاتفهم كل الكلام إلى ورا بعضه دا
ملك مفهوم
مروان أنا مش عاوزك تاكلى غير من إيدى انا وبس لغايه سلمى ماترجع يعنى لو بابا قلك تاكلى هاتقوليله أيه
ملك هاقله لأ مش هاكل من إيدك وهاكل من إيد روميو وبس
مروان خبط بإيده ع وشه وهو بيضحك ويقول كدا انا روحت ف داهيه
ومروان كمل لأ انتى هاتقوليله انا مش هاكل غير من إيد سلمى وبس علشان انت مش بتعرف تعمل أكل مفهوم
ملك يعنى لو قلت كدا لبابا هايرجعلى سلمى
مروان بتأكيد طبعااا وكمل وكمان اما يقولك ياله نعمل الهوم ويرك تقوليله
ملك بسرعه هاقوله مش هاعمله من إيدك انا عاوزه من إيد سلمى
مروان ببلاهه لأ كدا غبى منه فيه
مروان ھجم عليها وقعد يضحك معاها بصوت عالى
من المطبخ مراد كان بيقولهم بغيظ
وطو الصوت شويه
مروان وملك اول ماسمعوه حطو ايدهم ع بوقهم وسكتو
وكمل مروان كلامه وهو بيقول
والصبح ف ميعاد المدرسه ماتقوميش أبداا أبداا
و آخر حاجه بقا مراد!! بلاش بوس والا أحضان اققطعى عنه المياه والنور
مروان لأ ماهو مش كل حاجه هاتعرفيها يعنى كل إلى عاوزه منك هو ال أنا قلتهولك وبس
ملك حاضر هاسمع الكلام
كلام ايه بقا الي هاتسمعيه
مروان وملك بصو للباب كان مراد واقف وف ايده طبق كبير وعليه كام ساندوتش
مروان بسرعه كنت باقولها تسمع كلامنا
مراد بشك طيب تمام ياله علشان نتعشى بقا
ملك بصيت ل مروان وبعدها نامت ع سريرها واتغطيت كمان
مراد بص لمروان بمعنى ايه دا
ومروان رفع ايده بمعنى ماعرفش..
مراد قرب من ملك وقعد جنبها ويادوب هايخدها ف حضنه هى بعديت وراحيت عند مروان ودا خلى مراد يستغرب جدا لان ملك عمرها ماعملت كدا وقام خرج من الأوضه وهو ف قمه غضبه منها ومن سلمى
أما مروان فكانت فرحته كبيره بإن ملك قدرت تنفذ كل تعليماته
وقالها برافو عليكى ي لوكا
ملك ببراءه بس انا جعانه
مروان قومى كلى ياله ولو بابا سأل هاقول انا بس ال أكلت
بقلمى إيمان الصياد
ف البيت عند ساره واخده الاوضه رايح جاى تقوم وتقعد وتقعد وتقوم
خطوه متأجله من فتره يمكن كوقت مش كبيره لكن كإحساس فهى سنين
خلاص أخدت قرارها ماهو لازم تتكلم مش معقول هاتقدر تتحمل نظرات الاتهام دى كتير قضمت آخر ظافر ف ايدها وقامت فتحت الباب پعنف وخرجت ع اوضه أخوها
معتصم ف أوضته وبيتكلم ف الفون وفجأه لقا الباب مفتوح وساره قدامه
نهى المكالمه بسرعه وبصلها بمعنى مالك فيكى أيه
ساره انت أنانى ع فكره
معتصم اټصدم جدا من جملتها دى ..وساره نفسها اټصدمت لأنها ماكنتش جايه تقوله كدا خالص لكن اول ماشافت الفون ف إيده حست انه بيكلم نغم وللأسف الغيره سيطرت عليها ف لحظه
اخدت نفس وقعدت ع الكرسى قصاد معتصم وقبل ماتنطق كان هو بادىء بالكلام
معتصم أنانى لأنى بحب بجد والا أنانى لأنى خاېف ع مصلحتك شاورلها بإيده وكمل
انا غير مروان ومش هاقولك ماتقرنينيش بيه لأ لان ف الحقيقه مافيش اى واجه مقارنه أصلا
انا بحب بجد بحب وعارف إن الي بحبها ماكنتش بتحبنى لكن علشان انا صادق ف مشاعرى حاولت معاها لغايه مابقت بتاعتى ومعايا لو هنقارن قوليلى مروان عمل ايه علشانك ماهو مافيش واحد مابيحسش بالبنت الي قدامه او مايعرفش اى بنت عينها منه والحقيقه انتى واضحه آووى ي ساره
لو شيفانى أنانى علشان بقولك بلاش مروان فاممكن بسهوله
متابعة القراءة
