تزوجت بطلة مصارعه
المحتويات
وقمر جريت من قدامها وهى بتصرخ...
بعد يوم متعب وطويل التلاته قمر ومهاب وريناد قاعدين قدام البيت بالليل...
قمر ۏلع ڼار بسرعه يامهاب الدنيا بردت قوى ششششححح
مهاب معلش استحملى كلها شهر ويطلعلك الحر وتتشوى اهنه
قمر الله يطمنك بالخير
مهاب
مهاب بص لريناد اللى سارحه ومتكلمتش ولا كلمه ولا حتى انتبهتلهم لما كلموها وهو وقمر بصو لبعض بأستغراب
ريناد حضنت نفسها وغمضت عنيها وهربت من عنيها دمعه خلت مهاب يحس بديق شديد ميعرفش سببه ايه يمكن لانها اول مره من يوم ماعرفها يشوف دموعها يمكن عشان مبيحبش يشوف دموع ست ولا يمكن عشان اول مره يحس ان ريناد ضعيفه وضعفها ده ينزل فى صورة دمعه!!!
مهاب حس فعلا ان هو السبب فى دمعتها وقام يتمشى فى الارض وهو بينفخ بديق
قمر قربت على ريناد واخدتها فحضنها وفضلت تملس على شعرها كتير وتطبطب عليها
مهاب وهو بيتمشى انتا ليه زعلان قوى اكده انتا معميلتش اى حاجه غلط.. بالعكس انتا صح.. انتا معشمتهاش ولا اديتها امل بالحب..
بس ليه دمعتها كادتنى قوى اكده وكانها نازله تكوى فقلبى زى مية الڼار
عشان وليه ومهما كان ضعيفه وانا معحبش اشوف دموع الولايا من زمان
طيب مش يمكن اشتاقت قوى لاهلها وعتبكى على فراقهم مش بسببى! عموما انا بكره هروح لاهلها واجيبهملها عشان تشوفهم ويشوفوها واتفق مع ابوها بعد امتحانات قمر اعقد عليها واطلقها وخليها تشوف حياتها ودراستها عاد وانا اشوف حياتى..
ريناد هممم
قمر والله قربك حلو بس انا صدرى اتطبق وانتى ميلتك دى اوعر من ميلة الزمن ياخيتى
ريناد ضحكت ڠصب عنها وقامت من حضڼ قمر
قمر تزعليش منى بس الناس حمول وانا مش حملك يابت عمى انا ضعيفه والله
ريناد ضحكت اكتر
قمر يلا ننامو وارمى حمولك على الله وهو اللى هيعدلها قومى قومى
قمر والله لو فيا حيل مااعزه عنك ابدا.. دنا لو قومتك يجيلى فتاق بصى مقدراش تقومى احبى حبيه بس بعدى عنى ..
ريناد ضحكت بصوت مكتوم
قمر قدامك انا على ماتلقى وسيلة المواصلات المناسبه ليكى وتحصلينى..
فجأه ايد اتمدت فى
وش ريناد بصت لقت مهاب واقف ومادد ايده ليها ..ريناد لمست صوابعه باطراف صوابعها ومشت ايدها جوا ايده وهى باصه فى عنيه..
ريناد ابتسمت بفرحه وعدم تصديق للي حصل من مهاب دا ورمت نفسها على السرير لورا ونامت..
قمر شوفتى انا لو قومتك مكنتيش هتلاقى المواصله دى ابدا.. انا فيا شيئ للاه.. خدى منى البركه يلا ومدت ايدها وحطتها على راس ريناد وبعدين ټفت فى بطن ايدها ومدت ايدها على دماغ ريناد مره تانيه..
ريناد الله يقرفك يامعفنه امشى من هنا غورى وربنا متنامى جمبى غير لما تغسلى اديكى وتعقميها وقامت تزق قمر لبره
قمر وهى ماشيه دى البرررررركه دى البرررركه
ريناد غورى يلا كتلة عفن انتى عارفه طلعتى كام ميكروب على ايدك من بوقك
وتلاقيكى بتعملى كده وانتى بتطبخى وملتينا امړاض غووورى
قمر راحت الحمام غسلت ايدها وجات لريناد وهى بتضحك
ريناد مش متصوره الحركه اللى عملتيها دى بجد ياقمر.. انا خلاص نفسى قفلت منك لفى الناحيه التانيه
قمر لفت ونامت وريناد كمان نامت .وبعد ساعات الصبح ابتدا يشقشق وقمر بتتقلب على الصوت اللى بتعمله ريناد
قمر قايمه تصفرى ليه عالصبح اتهوستى ياك
سسسسسسسسسسسسسسسسسس
قمر يبوى عليكى نومة الصبح حلوه قوى اسكتى وحياة ابوكى
سسسسسسسسسسسسسسسسس
قمر شالت الغطا من على وشها نفسى افهم بتبسبس........ وبصت لقت تعبان كبير واقف مابينهم على الغطا ورافع نفسه ونافخ دماغه وكان من نوع الكوبرا
قمر وهى بتترعش بطريقه خلت الغطا يتهز وبتتكلم بصوت مهزوز
قومى يامبروكه ..اصحى يابومه... نبرتى وقلتى معنلقوش حاجه اهو جالك يابت ريح بالك يابت...
ريناد هزت دماغها واتأففت وشالت الغطا من على وشها مالك يافقر بتعددى على ايه عالصبح وبصت لقت التعبان ساب قمر ولف بجسمه عليها برقت وسكتت
قمر بصوت واطى ايوه هى دى الى كتلت ولدك امبارح داست عليه برجلها زى الكلب وحړقت قلبك على ضناك اطبق فيها يلا وخد تارك وامشى
ريناد بصوت واطى اخرسى هيهجم عليكى
قمر له هو جايلك انتى صورتك اطبعت فعين ولده وهو شافها
ريناد ههههههههه
قمر عتضحكى وانتى على فراش المۏت ېخرب مطنك شهدى ووحدى واستغفرى بسرعه
ريناد يابنتى اسكتى مش عارفه افكر
التعبان فضل ينقل دماغه مابينهم يبص لقمر ويرجع يبص لريناد
قمر بيعمل حادى بادى بس ياترى ياحزين بدأت بمين فينا الاول
ريناد مدت ايديها الاتنين من تحت الغطا ورفت الغطا من عليهم بسرعه ورمته على التعبان اللى اول ماريناد عملت الحركه دى اتحرك بسرعه نزل من على السرير وريناد بسرعه ميلت وهى نايمه على السرير ومسكته بطريقه محترفه من ورا الدماغ علطول ومن عند الديل
قمر اتشاهدت وقعدت نص قعده.. على فكره انتى عملتى بالظبط كيف ماكنت عفكر... وكل الحركات دى فكرت فيها وبعتهالك انتى بالتخاطر الفكرى
ريناد بصتلهاوسابتها وخرجت وهى ماسكه التعبان فى ايدها خرج مهاب فى اللحظه دى وهو بيتاوب ونط لورا مره وحده من المنظر
مهاب ايه يارناد ايه ياماما عتلعبى بالتعابين
كوخ ياماما كوخ عيعض ويموات ياحبيبتى ارميه..
ريناد بتقرب منه بخبث والتعبان فى ايدها ومهاب يرجع لورا وبينادى على قمر
قمر الحقينى يابت ابوى ودخل الحمام بسرعه وقفل الباب عليه..
قمر ردت عليه بصوت عالى
مقدراااااااااش
مهاب ليه ياحزني عملت فيكى ايه انسان الغاب داي خلت التعبان يعضك ولا ايه
قمر له بس وانا بشرب كباية الميه وقعت فى حجرى
مهاب امممم... قولتيلى ...كباية الميه
ريناد فى الوقت ده ضحكت وخرجت بالتعبان ورمته بره البيت وموتته
وقمر غيرت وخرجت وراها ومسكته دفنته بعد مامات
ريناد ليه كده
قمر امال يشوفوكى فعنيه وتجينا مرته وابوه وامه وعياله وكل القبيله بكره زى ما ده جا على ولده النهارده
ريناد بضحكه يابنتى دا نوع وتعبان امبارح نوع تانى خالص!!!
قمر مليش صالح بيكى الاحتياط واجب.
دخلو حضرو الفطار وبيفطرو
مهاب هاه ايه قصة التعبان ده بقى لقتوه فين
قمر اسكت ياخوى صحيت لقيت ريناد عترط وتبرطم فى الكلام لحالها ببص لقيت اخينا ده واقف كده وسطينا وعمال يتلفت علي شويه وعليها شويه وهى الحزينه واخداها رط رط وانا اقولها اهدى خلينى اعرف افكر مفيييش....
ريناد
قمر وقمت مره وحده ربنا الهمنى ورفعت الغطا ورميته عليه الجبان نزل من السرير دلدلت نفسى ومسكته من رقبته وديله واديته لرناد قولتلها ارميه بره...
مهاب الكلام ده قبل الميه متوقع فى حجرك ولا بعد
ريناد هههههههه
قمر
مهاب طيب قومى ياشجيعة السيما طلعى وكل كتير واطبخى وكل حلو وبالله عليكى متخلى ريناد تطبخ النهارده جيالنا ضيوف ولو طبخت ذنبها على جمبها هى الخسرانه..
قمر ضيوف طب فيهم رجاله
مهاب اتلمى
متابعة القراءة
