الحادية عشرة للكاتبة ميرنا ناصر

فى كريرها.. الحل اخليها واتابع معاها ليكون زى خاله توكسك ويكسرلى البت
_ مساء الورد والفل والياسمين على احلى غرومة.
يا ساتر يارب عملت ايه فى دنيتى عشان اموت م الخضة كل شويه..خير. _ مساء الورد والفل والياسمين على احلى غرومة.
يا ساتر يارب عملت ايه فى دنيتى عشان اموت م الخضة كل شويه..خير .
أيسل مسرعة فى عناق غرام

_ماااامىكنت عظيمة ياماما انا فخورة بيك اوى أوى.
وإنت وحشتينى اوى اوى اوى ياسولى طمنينى عليك ياحبيبى انا زعلانة منك جدا انا رنيت عليك الصبح ابلغك باللى هيحصل واشاركك وانت مردتيش عليا
_ سورى مامىبس كنت نايمة وصحيت متأخر بس شوفت الفيديو كان جامد اوى اوى والكومنتات كانت حلوة اوى وكنت جميلة اوى وملامحك قمر اوى.
يلهوى على كم الاوى السكر ده النهاردة انا هديك مليون حضڼ انت وحشتينى اوى.
يوسف متبسما
_ايه ياغرام هنفضل واقفين على الباب كدامش هتفتحيلنا الشقة وخلينا ندخل كلنا بدال مااحنا واقفين برا كدا 
وسيم فى تعب يخرج من شقته متجها بنظره إلى غرام متحدثا
_غرام..
اول ما شوفته اتلخبطت حسيت نبضات قلبى بتعلى ومش فاهمه ليه! هو انا ليه مش بحس الاحساس ده مع نور! على الرغم من إنى بحب نور استنوا كدا بحب مين! انا قولتها بسهولة كدا إزاى! انا بحب نور .. نور بيهتم بېخاف ربنا بيشجعنى وبيدعمنى مبيهربش بيسمعنى احكى بالساعتين او اسكت يومين بيستحمل ردودى وبواختى بيبعتلى ورد كل يوم بيقربنى من ربنا بيحاول يسعدنى بكل طريقة.. انا مش هنكر انه روتينى ومش زى وسيم بس عيوب وسيم اكتر بكتير لو هنقارن بين وسيم ونور ف نور مميزاته أعلى بكتير أو يمكن أهم ميزة انه حاسه بالامان معاه انه لو إتجوزت مش هصحى على صدمة هروبة هيكون موجود جمبى
يوسف بلهجة حادة
_أقدر افهم متنحة ليه وصامتة كدا افتحى الباب اما انت يااستاذ مش شايفها واقفه مع جوزها وابو بنتها
كلمة جوزها صعقتنى اتكلمت پحده 
طليقها يا استاذ يوسف دا اولا ثانيا استاذ وسيم الوقت متأخر نأجل حديثنا لبكرا بإذن الله.
وسيم فى إحراج
_تمام ياامدام غرام تصبح على خير ايه ياايسل مش هتسلمى عليا موحشتكيش
ايسل مسرعة تجاهه لتعانقه بشده
_طبعا وحشتنى ياوانكل عامل ايه
_بخير ياحبيبتى شوفت صورتك الصبح على فيس بوك كنت حلوة اوى وكمان اللون الاحمر طلع حلو اوى فيك مش زى ما انت كنت بتقولى.
_بجد يااونكل كان حلو!
_طبعا كنت شبه الوردة الحمرا اللى فى بستان جميل.
_ احكيلك سر
_سر واحد بس! انت تحكى كل الاسرار يااجمل ورده.
_ انا لما لبست الفستان النهاردة افتكرت كلامنا وانك كنت بتحببنى فعلا فى اللون الاحمر انت عارف انا بكرهه خالص.
_دا يبختنا إنى كنت فى تفكيرك يست البنات انا كدا الناس تحسدنى عارف إنك بتكرهيه بس كنت واثق من إنك هتكونى سكره فيه.
كنت فى صدمة رهيبة انا ويوسف للحوار اللى بيحصل بين وسيم وايسل وكأن بنت ووالدها والداها ايه دا حبيبها إمتى عرف يصاحب أيسل كدا وايسل حكياله عن كرهها للون هى فعلا مبتحبهوش وازاى خد باله من صورتها على الفيس بوك ومن امتى أيسل عنده على الفيس أصلا 
يوسف بغض شديد
_مش كفاية يا ايسل فى ايه تسيبى بابا واقف كدا ومتحترميهوش وتروحى للناس الغريبة مهو العيب ..
بصيت له فى ڠضب وكأنه فهم إنى فهمت إنه هيقول العيب عليا ف حب يصلح الجملة عشان ينول رضايا.. يوسف هو يوسف مش هتغير هيفضل لسانه طويل مهما حصل 
_العيب عليا انا.. انا معلمتكيش ده.
وسيم يقبل جبهتها ثم يتحدث معتذرا
_انا اسف يااستاذ يوسف انا مش غريب انا فى مقام عمها وايسل بعتبرها بنتى اللى مخلفتهاش والله وهى بالعكس بتكن ليك كل إحترام وتقدير انا بعتذر مرة تانية لو دا ضايقكم تصبحوا على خير
وانت من أهل الخير.
تحدث وسيم بلطف إلى إيسل
_تصبح على كل الخير والسلام يا أميرتى الحلوة.
_وانت من اهله ياعمو.
يوسف مفتعل الهدوء 
_رخم أوى بس يلا غار.
ما علينا شكرا إنك وصلت أيسل افتح لحضرتك تدخل ليه! بمناسبة إيه.
_جوزك وداخل. مش مالية عينك المناسبة دى.
جوزك!! يالله يابنى انت طليقى..احنا تم بينا الطلاق دا اولا ثانيا انت مش من حقك تدخل اصلا.
_افتحى نتناقش جوه انا النهاردة جاى نتكلم فى موضوع مهم جدا وحيوى
بكرا إن شاء الله نرتب ميعاد واكلم حضرتك.
_غرام الناس كدا هتتفرج علينا لو سمحت دخلينا انا وبنتك وبنتك بدأت تنام على نفسها
كنت شايفة خيال وسيم خلف باب شقته كنت متأكده إنى هعد لتلاته وعمو كامل وماما كريمة هيكونوا متواجدين اخدت نفس عميقواحداثنان ثلاثة
عم كامل مسرعا فى خطوته غاضب
_خير يايوسف عايز ايه ومالك ب غرام.
ماما كريمة بزعر
_عايز منها ايه المرادى مش كفياك مبقتش فيها صحة تستحمل ضړبك.
قصدك بقى عندى كرامة ومش هتقبل ضړبة وهو جرب والمرادى من غير بوليس خالص انا اعرف اجيب حقى بدراعى مبقتش غرام بتاعت زمان خلاص.
يوسف مستعطفا عم كامل
_انا محتاج اتكلم معاها والله بس محتاج اتكلم معاها وحدينا حضرتك ياعم كامل ممكن تكون موجود انت والحاجة جوه معانا الاصول اصول وانا هتكلم معاها بالظبط فى أقل من ربع ساعه.
عم كامل وافق وربت على كتفى يطمنى مكنتش خاېفة منه زى ماهما فاهمين انا كنت بس قرفانه منه بينتابنى شعور بالقرف لما بشوفه وشعور بالاستحقار منه ومنى انى ازاى كنت عايشة مع بنى آدم بالشكل ده وكنت لاغية شخصى وكرامتى وكيانى إزاى كنت متفانية للعلاقة التوكسيك دى وازاى كنت منفية جواها..دخلنا فعلا اوضة المكتب الخاصة بجدو وعمو واقف بره هو خاېف ومتوتر وماما كريمة بتنيم أبسل
خير يايوسف ادينا وحدينا اتفضل إحكى.
_إتغيرتى اوى اوى ياغرام
بالنسبالك أكيد أتغيرت للاوحش طبعامبقتش أمينة اللى بتطيع سى سيد وبتستحمل ديكتاتوريته وضربه وإهانته وقرفه.
_بالعكس إتغيرتى للاجمل ملامحك وشكلك شخصيتك ونجاحك واستايل لبسك وتسريحه شعرك ولونه اللى متغيرش بس أول مرة اخد بالى منه حتى عنفك وريحه برفانك اللى متغيرتش وهادية اوى اوى شبه عيونك عيونك اللى جمالهم غريب مآخدتش بالى منهم كل السنين اللى فاتت.
انت بجد!! يعنى انت كدا طبيعى انت شبه متجوز وبعد كام يوم فرحك انت م
قاطعنى فى حديثه
_مش عايزها انا عايزك انت كل يوم عماله تحلوى فيه أكتر انا حبيبك اللى حبيته من زمانوابو بنتك اللى قلبها مكسور بسبب طلاقنا واللى مش عارف اهتم بيها وهى بعيده عنى.
تهتم بيها!! بنتك!! بنتك اه اللى مشترى ليها فستان احمر وهى پتكره اللون ماانت ماتعرفش بقا بنتك بتحب ايه وپتكره ايه بنتك عندها فوبيا من اللون ده وسبع سنين سن بنتك وملاحظتهوش.. انت مينفعش تستغل بنتك عشان مصلحتك وغرضك كفاية إنك مكنتش اب ليها كويس.
_انا اكتشفت إنى بحبك ومش عارف اعيش من غيرك.
وانا بقرف منك والله العظيم اقولك كلمتين كنت عايزه احكيهم بس مستنية الفرصة.
_قولى ياغرام
انا اكتشفت انى محبتكش.. اه والله ماتتصدمش انا بس كنت جعانة مشاعر لفظ غريب صح! بس وماادراك من جوع المشاعر لما بنت ماتلاقيش أبوها بيحبها وبيسندها ومعندهاش أخ ومعندهاش محبة