الحادية عشرة للكاتبة ميرنا ناصر
المحتويات
كذابليه كدا ليه بيحصلى..كدا ليه بتعملوا فيا كدا..لييييهكذااااب والله هو اللى كذاب.
_فريدة حاولى تفهمينى لو انا مرتبط بيها هنكر ليه لو مرتبط بيها خطبت نانسى ليه وإمتى ارتبطت..
كل يوم كان بييتبعت ليا ورد ورد اللى بحبه وبتصبح عليا بيه.. فريدة انت شوفتيه صح! ردى يافريدة ساكته ليه شوفتيه شوفت البوكس ..والهدايا احنا عاملين ذكريات وجوابات ووحاجات كتير اوى
فلاش باك
ايه يافريدة الطريقة دى وميك اب ايه اللى هظبطهولك وانا بعرف احط عشان اظبط
_انا نور مش مريحنى.
فى ايه انت جايبانى هنا عشان نور.
_اعترفلك ولا معترفلكيش يا غرام!
ا اعترفلى.. انا انا حكيت لك اللى حصل.
_وبتتواصلوا ولا لاء ياغرام
_انا اللى مش فاهمه ياغرام ازاى نور عاملك بكل رسمية من شوية عاملك بنفس اول يوم شافك فيه ومش بس كدا رامى بيقولى انه اتفاجأ لما عرف موضوع الإفتتاح مع انه كان عندك قبلها وجايبلك هديه.. ليه تصرفاته غامضه كدا انا مش مرتاحه له مش مرتحاله بربع جنية حتى .
اهدى يافريدة نور بس مش حابب يعرف اى حد حوالينا هو بيحب الخصوصية جدا لحد بس ما اكون متأهله للفكرة دى هنعلنها فى أقرب وقت.
ايوة يابنتى مالك!
_بصراحة اټرعبت طريقته كأنه مكلمكيش قبل كدا دا ممثل شاطر قوى وحسيت بغموض أصل انا مش هخلص من وسيم يطلعلى نور
طريقته كأنه مكلمكيش قبل كدا.. طريقته كأنه مكلمكيش قبل كدا.. حتى رامى بيقولى انه اتفاجأ لما عرف موضوع الإفتتاح مع انه كان عندك قبلها وجايبلك هديه..
آند باك
كدااااااب احنا في بينا شاتس كتير أوى وفون ومكالمات وهدايا وجوابات..
فريدة مفتعلة الهدوء ويداها تنتفضان
_غرام ورينى الشاتات والمكالمات انا محتاجة اشوفهم.
مديت إيدى پخوف غريب مش من الموقف ولا من بشاعة نور واللى عمله فيا من شكل فريدة فريدة وشها كان من حد متعصب لحد وشه بقى مليان خوف وإيدها بتترعش لونها اللى أتغير وكأن عروقها تجمدت
_انت صادق يا دكتور نور معاك حق فعلا انت مرتبطش بحد انا..اسفه يادكتور و
ايه يافريدةانت بتقولى ايه..ازاى فريدة انت انا..انا مش فاهمة حاجة ايه اللى بتقوليه دا انا مدياك الفون والشاتات والمكالمات..بصوا انتوا فريدة بتكرهنى فريدة زيهم..فريدة زى بابا وماما..والله العظيم كنت مرتبطة بيه والله العظيم كان معترفلى بحبه وكنا بنشوف بعض
_انت بتقولى ايه يادكتور فريدة..انت الفون فى ايدك بتبرأيه ليه..انا مش هكمل مع واحد خاېن زيه لعب بيا وب أختك المسكينة احنا ضحېة .
فريدة بحزن شديد
_انا اختى ضحېة فعلا بس مش ضحېة نور ضحېة مرض بعد اذنكم يادكاترة ممكن تسبونى مع نانسى ونور وحدينا.
اه انت مش مصدقانى.. وعايزه تطلعينى مريضه كڈب زى ما كنت بتقولى على عمتك انها مريضة كڈب صح والله العظيم احنا ضحاېا الانسان الغشاش ده فوقى اقفى جنب اختك بدل ما تطلعى حجج وأعذار للإنسان الخاېن ده. طب اول إمبارح احنا متصورين سلڤى شوفى شوفى الموبايل افتحيه افتحيه..
فريدة ودموعها منمهرة
_الشات يانور فاضى غرام بتكلم نفسها الشات بينها وبين نفسها يانانسى بص.
لينظر كلا من نور ونانسى فى ذهول
فريدة تمسح دموعها وتتحدث بصوت مبحوح
_وكمان المكالمات والرقم اللى مسجلاه بإسم نور دا رقم غرام القديم.. يعنى نور فعلا مكلمش غرام.. والصور غرام بس اللى موجوده فيها مفيش حد جمبها.. كمان فى موقف انا فكراه كويس نور لما جه الافتتاح عامل غرام بكل رسمية ورامى حكى لى انه نور إتفاجأ بموضوع الافتتاح ده ومكنش يعرفه نهائى وساعتها انا شكيت..
نانسى بذهول
_وغرام هتعمل كدا ليه ايه مصلحتها من ده.
ليتحدث فريدة ونور معا بعد ان ادركا حجم الکاړثة
_شيزوفرنيا
انا مش فاهمه ايه شيزوفرنيا..وازاى شات بينى وبين نفسى مجانين.. كلهم مجانين..انا عايزه انام..حاسه بتعب واموت وانام محستش بنفس لما وقعت.
__________________________________________
صباح يوم جديد
عم كامل فى شفقة
_حمدلله على السلامة يابطلة ها ازاى الحال.
انا فين..
_فى بيتى.. بيت عمك كامل كريمة لسه قايمة من جنبك كانت سهرانه طول الليل وياك وسابتنى عاجبك كدا..
عم كامل انا آخر حاجه فكراها انى كنت فى المستشفى مع فريدة نور.. طلع.. طلع خاېن.. ان.. انا تعبت حظى وحش فى كل حاجة قلبى بيتكسر للمرة المليون انا بكره الرجالة اوى ياعم كامل.
_غرام فاكرة لما قولتلك إنك بطلة. وانك محاربة ومعافرة وقوية.. انا النهاردة جاى أوثق كل اللى قولتهولك لكل الناس اللى بره
هو فى ناس بره!
_كل اللى بيحبوك بره واقفين بيدعولك وخايفين ومرعوبين عليك
ههه ياعم كامل هو انا داخله حرب.. عادى اتعودت انا هاخدلى كام يوم وهرجع اقفل قلبى بس اقسم بالله ماهفتح قلبى لمخلوق تانى..قلبى يستحق انى احافظ عليه واحميه من الهدر الى بيحصل ده كفاية اللى عمله يوسف.. واهو بهدلنى نور.. يعنى انا قولت فشلت فى الاول علشان منساقة لمشاعرى..بس حتى لما اخترت بعقلى يا عم كامل خسړت
_احم انت مأخترتيش اصلا ياغرام.
ما أخترتش ايه ياعم كامل.. مش فاهمة.
عم كامل يشد مقعده ويجلس متوترا
_هما حطونى فى وش المدفع زى مابيقولوا عشان كلهم خايفين.. بينى وبينك انا فرحان..انا عايز اكون جمبك انا الوحيد اللى
فى ايه ياعم كامل.. ايسل حصلها حاحة..فى حاجة حصلت متخبيش عليا.
_ايسل بخير.
اومال ايه المقدمة الغريبة دى انا بجد مش فاهمه حاجة خالص.
_نور.. مرتبطش بيك
اتعصبت وثورت واتكلمت ب أعلى صوت
حتى انت ياعم كامل مش عايز تصدقنى وهتعمل زى فريدة إمبارح.. حتى إنت.
_طب ممكن تسمعينى واهدى..
اهدى ازاى وانا المفروض القى منكم دعم ومحبة.. ف لقيت كلكم بتهاجمونى ومصدقينه. كلكم مش بتحبونى. كلكم بتكرهونى.. مفيش حد بيفهمنى.. مفيش حد بيصدقنى.. هات تليفونى واوريك فى شات بينا وصور ومكالمات
عم كامل بصوت حاد
_انت مريضة فصام .. افهمى. مفيش اى حاجه حصلت بينك زبين نور.. كل دا فى خيالك انت وبس كله دا مش حقيقه كل دا خيال وهلاوس.
مهتمتش ومكنتش فاهمه ايه الفصام ده اللى بيقول عليه.. كل إهتمام ان ادور على موبايلى.. فين موبايلى.. فينه.. اه ايه الاجهزه دى وايه المحلول والكانيولا دى.. ايدى پتنزف تانى.. نفس المشهد اتكرر كنت بڼزف يوم طلاقى.. نفس الۏجع والكسره والخذلان.. ااه قلبى بيتعصر تانى
عم كامل واضعا بقطعة قطن كبيره على يد غرام ولاصق كبير ليوقف ڼزيف يدها
_ التليفون اهو..معايا .. عايزه منه ايه
هوريك.. هوريكم كلكم الشاتات انت مش زى فريده مش زيها لا
تدخل طنط كريمة وفى يدها كوب من عصير الليمون
ماما كريمة انت هتصدقينى صح! كلهم قاسيين انت أحن من ماما عليا.. انت هتصدقى كلامى صح هو غدر بيا انا مش مريضه انفصال ولا انفصام ولا اللى بيقوله دا انا مش فاهمه.
تجلس بعيدا عنها دون ان تتفوه بحرف واحد منهمرة فى بكاء شديد
عم
متابعة القراءة
