ام الولد
المحتويات
ومتاخده وموجوعه وحالها حال.
زبيده
اقولك ايه ياسعوده انتي تقعدي ساكته كيف حاجه محطوطه ومتتدخليش في أمور اهل البيت ولا فكلامي اللي اقوله اني حذرتك اهه ولو متبعتيش وقعدتي بسكاتك اخلي اخوكي يزعطك من البيت على بيت اخوكي عسران وانتي خابره مرت عسران عتعمل ايه فيكي وعتعاملك معاملة الكلاب كيف.. استري على روحك واقعدي واخرسي..ومتنسيش ان ديه بيتي وبيت بتي واني الآمره الناهيه فيه.
حاضر يامرت اخوي.. حقك عليا متزعليش اني بس كان غرضي ان لو حد من الناس شافها عتشتغل في البيت فصباحيتها هياكلوا وشنا.
زبيده
ياكلوا ياكلوا ميهمش.. ودلوك انزلي انتي يلا افطورى مع سنابل تحت ومتعملوش حسابي اني هفطور مع العرسان.
سعوده
وه!
وه فعينك مالك عتهوهوي ليه.. والله ياسعوده شكلك ماهتجيبيها معاي البر واصل وهتوبقي انتى اللي جبتيه لحالك.
له له اني ماشيه اهه.
طلعت سعوده من الأوضه وشافت اخوها ابو الوفا طلع من الحمام وزينب هتدخل فاستنت لما ابو الوفا دخل الأوصه وشاورت لزينب وقربت منها وبهمس قالتلها
اسمعيني بازينب زين.. هتطلعي وتفطري مع زبيده وابو الوفا أي كلمه تقولهالك زبيده تاجي تقوليهالي وأي حاجه يحكوا فيها قدامك أو قريب عليكي وتسمعيها تحفظيها كيف اسمك وتاجي تحكيهالي وحتى اللي هتقوله مع بتها سنابل تسمعيه زين وتاجي تقوليهولي.
ليه ياست سعوده
اني مش ست ولا حاجه قوليلي عمتي سعوده وبس اني اخت جوزك اعملي بس انتي دلوك اللي عقولك عليه وهفهمك على كل حاجه بعدين.. ولو عايزه يازينب تكوني ست البيت ديه وتكوني آمره مش مأموره اسمعي اللي عقولك عليه ونفذيه بالحرف الواحد من غير سين ولا جيم.. ولا عايزه تقعدي طول عمرك خدامه لزبيده وتقوليلها ياستي وتحط جزمتها فحلقك ومتقدريش تنطوقي
حاضر ياعمتي هسمع كلامك واللي تقولي عليه هعمله اني من يدك داي ليدك داي بس اهم حاجه متضروبينيش ولا تخلي حد فيهم يضروبني اني عخاف من الضړب اني والله لا هلعب فحاجه ولا هخرب حاجه وهسمع الكلام كله واقعد ساكته.
طبطب سعوده على كتفها وهي عتقولها
براوه عليكي يازينب اني هاحبك وانتي عتسمعي كلامي كل يوم زياده عن اللي قبله ونجيبلك كل شي حلو نفسك تروحله شكاليطه وعسليه وحلاة الريم ولب ولبان وكلو.. بس كيف ماقولتلك ايش مااقولك تقولي نعم وحاضر وبس.
نعم وحاضر ياعمتي.
سعوده
شكلك انتي الشوكه اللي هتقف في حلق زبيده يازينب ومش هتقدر تطلعها ولا تبلعها شكلك انتى أم الواد يابت صالح القفاص.
اتنفضوا التنين علي حس زبيده عتزعق
ماتيلا ياعروسه تخفي روحك وتعمليلك همه ولا هنقعدوا مستنظرين جنابك كتير عشان تتكرمي وتاجي ونطفحولنا لقمه عاد!
جم اهل زينب واطمنوا عليها وفرحوا بإغتيال طفولتها ومشيوا وهما حاطين في بطنهم بطيخه صيفي إن الخير اللي اخدوه من مرات ابو الوفا هيفضل معاهم وهيزيد لو پتهم الحظ حالفها وجابتله الواد اللي بيتمناه من الدنيا وامها عاودت لبيتها تاكل وتشرب وتضحك ولا كأن بتها اللي شافتها وهي مهيوبه والصفار والخۏف كاسيين وشها من اللي عتشوفه وعيجرالها من امبارح!
أما زينب فبعد مامشوا اهلها نزلت عالبيت تحت تكنيس وتنضف وتخدم في يوم المفروض تنام فيه من التعب اللي شافته من امبارح لكن حكم القوي عالضعيف.
انا ابو الوفا فكان قاعد مع زبيده وڠصب عنه عينه كانت متابعه زينب وهي رايحه وجايه وڠصب عنه ابتسم وابتسامته خلت الڼار قادت في زبيده فقالتله وهي عترزع كباية الشاي اللي فيدها عالطربيزه رزع عشان تشتت عيونه عن زينب
ايه ياابو سنابل عتحدت معاك وانت ولا انت أهنه واصل متخليك معاي هبابه ولا العروسه الجديده الصاغيره لحست عقلك من ليله وحده عشقتها فليله وضحاها اياك!
رد عليها ابو الوفا وهو عينفي التهمه عنه
له له يازبيده عروستة ايه وكلام فاضي ايه اللي عتتحدتي عنيه ديه اني عقلي محدش يعبيه غيرك ياام سنابل ولا القلب يسكنه الاكي.. ايه كمان حتتة العيله اللي لا راحت ولا جت اللي هبصلها واعشقها داي دانتي الاصل وست الستات ياقمر وغيرك ماعون جايه تحبل وتولد وبس.
ابتسمت زبيده ورجعت
متابعة القراءة
