عبق الماضي

و ټهديدة ليه قلقه و خوفه و خلاه يقرر يبعد شويه لحد ما يشوف هيرسي علي أية و يتصرف إزاي !!
نظرت لها بشراسة و تحدثت بنبرة حادة ٠٠٠ لو ده فعلا السبب اللي خلاه يبعد يبقا ما يلزمنيش رجوعة ليا تاني و لا وجودة في حياتي من الأساس 
و أكملت بتأكيد ٠٠٠ علشان مش أنا اللي هحب و أتجوز راجل ضعيف و جبان
أجابتها نورا بهدوء ٠٠٠ يا بنتي بقولك يمكن إنت ليه بس مصرة تسبقي الأحداث و تحكمي علي الجدع من قبل حتي ماتسمعي منة
ردت عليها إبتسام بنبرة غاضبه ٠٠٠ و أنا بقا ما بقاش يلزمني لا كلامه و لا حتي تفسيراته لو كان عاوز يتكلم كان جه في التلات أيام اللي قعدتهم الباخرة علي المرسي قبل ما تتحرك في النيل
نظرت لها نورا بحزن و هي تري تألم شقيقتها و حيرتها و حزنها الذي تملك من ملامحها البريئة و تمكن من إطفاء بريقها و مرحها و كأنه حولها من فتاة عشرينية مليئة بالحيوية إلي إمرأة في العقد السابع من عمرها فاقدة الشغف لكل متع الحياة من حولها 
يتبع
بسم الله الرحمن الرحيم 
لا إله إلا أنت سبحانك إني كنت من الظالمين
رواية عبق الماضي 
بقلمي روز آمين
الفصل الثامن عشر 
داخل مدينة الإسكندريه 
تتمدد ثريا فوق تختها متخذه وضع الجنين و منكمشه علي حالها فهذا أصبح حالها منذ رحيل شقيقها الغالي عن منزل العائله بتلك الطريقة القاسېة
و يجاورها أيضا أحمد بوجه حزين مهموم لأجلها حتي هو عاشقها و مبتغاها لم يستطع إخراجها من حالة الحزن و الإكتئاب اللتان أصاباها و تملكا منها بقوة 
تحدث أحمد و هو يميل عليها و يتحسس وجنتها الناعمه بأصابعه الغليظه المحببه لديها ٠٠٠ كفايه بقا لحد كدة يا غالية و قومي نوري الدنيا من جديد مش لايق عليكي الحزن يا حبيبتي
تنفست بصمت فتحدث هو ٠٠٠ طب بلاش علشاني أنا قومي علشان خاطر يسرا و رائف اللي كل شوية يعيط و هو شايفك راقدة ليل و نهار قدامة كدة
إستمعا إلي طرقات فوق الباب و بعدها دلفت عزيزة حاملة بين ساعديها صنية موضوع عليها طبق من الحساء الساخن و بعض القطع من الدجاج المسلوق
و تحدثت إلي صغيرتها بنبرة حنون و هي تحسها علي النهوض ٠٠٠ يلا يا ثريا قومي علشان تاكلي لي لك لقمة تسندي بيها قلبك 
لم تستجب لنداء والدتها و ضلت راقدة ك چثة هامدة تنظر أمامها بعيون متحجرة لا ترمش إلا قليلا و كأنها أصبحت زاهدة في الحياة
تحدث أحمد إليها بنبرة حنون مترجيا إياها ٠٠٠ قومي علشان تاكلي يا بنت قلبي متوجعنيش عليكي أكتر ما أنا موجوع
نظرت إليه تتطلع إلي وجهه الذي ذبل أكثر و قد بدا عليه ظهور علامات المړض و الإرهاق
تحاملت علي حالها لأجله و أمسك هو يدها و أسندها و قد بدأت عزيزة بإطعامها و تحدثت إليها ل تحثها علي النهوض ٠٠٠ أبوكي هيتجنن عليكي تحت يا ثريا و كل شوية يسألني عليك و يقولي هي عاملة أيه الوقت
حزن داخلها لأجل والدها الغالي و التي تعشقه و لكن بنفس التوقيت ما زالت غاضبة منه للغاية لأجل ما فعله بشقيقها و جعله يرحل بقلب ېتمزق وروح مشتته
إستمع ثلاثتهم إلي صوت منيرة و هي تنطق بإسم ثريا من الخارج تحدث أحمد بصوته الهادئ يجيبها ٠٠٠ إدخلي يا أمي
دلفت إليهم و تحدثت إلي ثريا بإطمئنان ٠٠٠ عاملة أيه إنهاردة يا ثريا 
نظرت إليها و تحدثت بصوت

ضعيف واهن بالكاد يسمع لهم ٠٠٠ الحمدلله يا عمتي
تنهدت منيرة و تحدثت بأسي ٠٠٠ دي شكلها عين جامدة و صابت البيت كله 
و أكملت و هي تشير إليها بيدها٠٠٠ إنت و رقدتك اللي محدش عارف لها سبب دي و أبوك اللي قاعد تحت ساكت ما بيتكلمش من يوم إللي حصل و جوزك و وشة و جسمة اللي يوم عن يوم بيدبلوا و الهم و الحزن اللي سكن البيت من يوم موضوع البت بتاعت أسوان دي ما أتفتح 
و أشارت بكف يدها علي كتفها و تحدثت بتأكيد ونبرة حاده ٠٠٠ أقطع دراعي من هنا إذا ما كانتش البت دي ساحرة لنا هي و أهلها
تململت ثريا بجلستها من كلام زوجة عمها المستفز بهذا الحديث الخالي من العقل أما عزيزة فاتخذت من الصمت ملاذا لها
و تحدث أحمد إليها بنبرة جامدة ملامة٠٠٠ يا أمي أتقي الله و أستغفري الكلام اللي بتقوليه ده تأثمي عليه و الناس اللي إنت بتتهميهم دول هيبقو خصم ليكي يوم القيامة قدام ربنا سبحانة و تعالي 
و أكمل بتساؤل و هو ينظر داخل عيناها بتأكيد ٠٠٠إنت قد الوقفة مدانه قدام رب العالمين يا أمي 
أجابته والدته بإستخفاف ل حديثة ٠٠٠ و الله يا أبني إنت اللي غلبان و علي نياتك و متعرفش الناس و سواد قلوبهم ممكن يوصلهم ل أية
و أكملت بنبرة جادة و هي