خطيبي بقلم هويدا زغلول

النوم ودفعت العربون كمان ممكن ادخل الحمام
ولاء 
اه طبعا وبعدها دخل وخرجت الام
الام 
انا شاكه ان خطيبك ده عنده السكر كل ما يجي هنا لازم يدخل الحمام وبيغيب جوه قوي كده
ولاء 
الف بعد الشړ عليه ماما ايه الكلام اللي انت بتقوليه ده بس باذن الله لا عادي يعني
وكالعادة دخل الحمام وغاب جوه وخرج وقالي

يوسف 
انا ماشي بقا عشان عندي شغل 
ومشي راح لسيد وكان معاه لنيرة وليلى بس خبي بتاع نيرة وطلع بتاع ليلى وقاله ظبطلي الفيديو ده دلوقتي ياسيد تمام
سيد 
عيوني يامعلم بس انا شايفك كده خبيت كارت في جيبك ايه مش عايز اعمله ده كمان ولا ايه
يوسف 
ها لا لا ده بس التاني ده يخصني وعمل فيديو تاني لليلى وبعته لها وهي شافت كده وعرفت انه مبيهزرش وفضلت ټعيط وتطلم على وشها 
والتلفون رن
المجهول 
يارب يكون المره دي بقا عجبك عشان تعرفي اني مبهزرش
ليلى 
طيب انا هعملك اللي انت عايزة بس والنبي الفيديوهات دي محدش يشوفها انا هروح ابيع الدهب اللي معايا واجبلك الفلوس
المجهول
هو ده كلام العاقلين يبقا جهزي فلوسك ياحلوه واستني مني مكالمة بكرة زي دلوقتي هكلمك
يوسف بيقول لنفسه 
والله وشكلها هتلعب معاك يا يوسف
ليلى اتصلت بيوسف
الوو الحقني يا يوسف الزفت اللي بيهددني ده بعتلي فيديو ليا تاني ده طلع مش بيهزر ولازم اتصرف في الفلوس
يوسف
ازاى يا ليلي وهو بيجيب الفديوهات دي منين ده اكيد يعرفك كويس
ليلى
طيب اعمل ايه قولي الحل ابلغ بابا واخواتي وهما يتصرفو ولا اعمل ايه
يوسف
لا يا ليلي اوعي ده عم محروس يروح فيها لو شاف حاجة زي كده اسمعي هو قالك عايز ايه
ليلى
قالي عايز 50 الف جنية ولازم ابيع الدهب النهارده وابعتله الفلوس بكرة
يوسف
طيب جهزي الفلوس وانا هحاول اكلمة واتفاوض معاه ياخد الفلوس عشان ويمسح الفيديوهات من عنده بس انتي اوعي يبان عليكي اي حاجة قدامهم في البيت لحسن يضرك يا ليلي
ليلى
حاضر يايوسف
وفعلا اخدت ليلى الدهب من غير ماحد يحس بيها ونزلت راحت محل الدهب وباعته واخدت من الراجل 70 الف تمنه واتصلت بيوسف واتقابله في المكان اللي قالها عليه
ليلى
ها يا يوسف كلمتة
يوسف
ايوه يا ليلي اتصلت بيه ولقيته مش عايز يتفاهم وقالي لو ماخدش الفلوس النهاردة اخر النهار هينزل الفيديوهات على النت
ليلى
طيب خود الفلوس اهيه يا يوسف
يوسف
انتي برضو بعتي دهب يا ليلي وبعدين انتي جبتيه منين الدهب
ليلى
ده دهبي يا يوسف بابا كان جيبهولي وكنت شيلاه معايا بس والنبي محدش يعرف الكلام ده انت بس اللي تعرف اني بعته وانت كمان اللي تعرف موضوع الفيديوهات دي
يوسف
طبعا يا ليلي محدش هيعرف حاجة هاتي بقا الفلوس دي وبالليل الميموري هيكون عندك
واخد منها الفلوس وفضلت اعده قلقانة ورايحة جاية في الصاله والاوضة وماما شافتها قالتلها
الام
مالك يا ليلي رايحة جاية رايحة جاية في ايه متقعدي في حته يابنتي هو انتي قلقانة من حاجة
ولاء
يمكن مستنية حد ولا حاجة
ليلى
مستنية حد وانا هستنا مين يعنى ياولاء وبعدين انا مش قلقانة ياماما انا بس بمشي رجلي في الشقه عادي يعنى
الام
طيب ياحبيبتي انا داخلة المطبخ
ولاء بصت لليلى بخبث وقالت
انا مش عارفه ايه اللي مغير أحوالك كده انتي ونيرة
ليلى
ومالها نيرة بقا ياولاء
ولاء
والله منا عارفه ملاحظة برضو انها علطول كده زهقانة وقلقانة ومش طايقة حد مش فاهمة في ايه
ليلى
يمكن في حاجة في الشغل مخلياها زهقانة بقولك ايه هو يوسف خطيبك جاي كمان شويه صح
ولاء
اه بتسالي ليه
ليلى بارتباك
ها لا ابدا عشان بس ادخل جوه مانتي عارفه اني مبحبش اقعد معاه وكده
وبعد شوية الباب خبط وراحت ليلى علي