سجل مش مدني بقلم لولي سامح
المحتويات
التصحيح حصل ورحت العباسية اول امبارح لاقيته اخيرا تم .
والنهاردة جيت أكمل ورق تجديد بطاقتي لاقتهم عامللي غرامة تأخير علشان عدى علي الميعاد شهرين ونص ...
نظرت لها باندهاش وعلقت قائلة بس كدة التاخير من عندهم!!!
مش معاكي ورق عليه التاريخ من ساعة ما بداتي في تصحيح البيانات
_ قولت والله وورتهم الورق ومفيش فايدة حملوني أنا التاخير علشان يدفعوني غرامة ....
دانا صرفت قد ال ٥٠ ج عشرين مرة والله ....
مواصلات وفطار علشان بس اصحح اسم جدتي اللي هما سجلوه غلط ...
_ يعني برضه الغلط غلطهم من البداية !!
_ أيوة والله الغلط غلط الموظف اللي ببدخل بيانات وفي الاخر نتحملها احنا ...
انتبهنا كلانا علي صوت رجل يدخل لغرفة الخزينة مهللا والله تعبت وكدة حرام بجد حراااااام. سجل مش مدني بقلم لولي سامي
_ مالك يا عم داخل بزعابيبك ليه
_ تعبت يا ريس تعبت والله وشكلي هطلق الولية في الاخر ..
_ لا حول ولا قوة إلا بالله العلي العظيم هطلق الولية علشان ٥٠ ج أو ١٠٠ ج غرامة !
_ لو على الخمسين والماية جنيه كانت خلصت لكن أنا شغلنتي شغلانة ...
نظرت له والفضول يكاد يقفز من مقلتي لاسأله ليه هو انت هتدفع كام
ليلبي فضولي ويبدأ يسرد مأساته ...
فنظر إلي والدموع تكاد تتغلغل من محرجيه يا مدام أنا كتير نصحوني أن اتجوز زي باقي البشر وكل الرجالة مغلطتش يعني ...
واتجوزت فعلا واحدة بنت حلال علي سنة الله ورسوله...
وبطاقتها أثناء كتب الكتاب كانت منتهية وبرغم كدة كتبنا الكتاب واتجوزنا عادي جدا ....
فخلفت بنت الحمد لله ...
وطبيعي بعد ما اخلف اسجل البنت علشان اطلعلها شهادة ميلاد ...
حلو لحد كدة
نطقت بكل تلقائية لأقول له تمام جدا فين المشكلة
_ لا مش تمام ... مش تمام خاالص ...
فوجئت برد فعله لاتراجع للخلف خطوة أثر صياحه ليكمل هو رحت أسجل البنت ومعايا بطاقتي وبطاقة الام ...
والام لسة والده مش هتقدر تتحرك دلوقتي ....
فقولت استنى اسبوع علشان اقدر اخدها تجدد بطاقتها .
بعد اسبوع فعلا رحنا نجدد البطاقة لاقينا عندها غلط في اسم الجدة...
وطلبوا مننا نعدل اسم الجدة ونطلع قيد عائلي لها علشان نثبت إن اسم الجدة اتعدل ..
علشان اقدر اسجل بنتي ....
تخيلي كل ده علشان اسجل بنتي
ناهيكي عن مصاريف التعديل
ومصاريف القيد العائلي
وشغلي اللي سايبه كل اسبوع في مرتين إجازة بجري علي الورق ....
لحد ما الحمد لله عدلت الاسم وطلعت القيد العائلي علشان اتفاجئ أن السجل المدني باعتلي أن بنتي سقطت قيد ....
علشان مسجلتهاش بقالها ٣ شهور لحد دلوقتي من غير شهادة ميلاد من وقت ولادتها .....
علشان اتولدت في مستشفى حكومي والمستشفى بلغتهم بالولادة ومفيش عندهم ما يثبت شهادة ميلاد أو ۏفاة بعد الشړ ...
_ ازداد فضولي وتعجبي لاعلق قائلة طب ما كانوا سجلوا البنت ..
ملهاش دعوة بكل ده !!
_ لا إزاي واتمرمط أنا إزاي
_ وبعدين !
_ ولا قابلين...
رحت اقولهم أن تسجيل البنت متوقف علي تجديد بطاقة والدتها
وتجديد بطاقة والدتها متوقف على تعديل اسم جدتها.
وتجديد اسم جدتها متوقف
متابعة القراءة
