سلسة عشقك اهلكني بقلم سولييه نصار

الفصل الثالث عشربداية العلة 
وحبك إدمان أريد التعافي منه ...
رمشت عدة مرات وهي لا تصدق ما تسمعه..
.لا لا ...هذا ليس حقيقي ....
انت كداب صح !بابا كان يعرف وخبى عليا ...ده مستحيل يحصل ...
قالتها بصوت مخټنق على الرغم من معرفتها أن والدها بالتأكيد سوف يصل لتلك الدرجة من الدناءة الا انها ترفض أن تصدق هذا ...فهذا سوف يحطمها....سوف تشعر أنها تم خداعها....كان ينظر إليها مشفقا....تمنى أن يضمها ويمحي ذلك الألم من قلبها ...تمنى أن يعتذر منها ألف مرة على ما تسببه من ألم لها ...أراد أن يتوسل غفرانها ....
نظرت إليه مياسة واختنقت بسبب نظرات الشفقة بعينيه وقالت

متبصليش كده ...متبصليش كده ...متشفقش عليا !!!!
مياسة !
قالها برفق وهو يحاول أن يمسك ذراعها ولكنها دفعت كفه وصړخت به 
متشفقش عليا ...اياك تشفق انت فاهم 
..أنا مش محتاجة شفقة منك ...مش محتاجة شفقة من حد ...متعملش نفسك برئ انت خدعتني ...كدبت عليا ...انت انسان غشاش كدبت عليا مرتين ...مرة في جوازك ومرة لما قولت هتطلق مراتك ومطلقتهاش ...وكمان جيبتها تعيش هنا ...تعيش في البيت معايا وطز في مشاعري ...طز في اللي أحسه ...اصلا أنا مش مهمة صح ...أنا العبيطة اللي انت وبابا خدعتوها ...قولي يا قصي ...كنت مبسوط وانت بتخدعني ...مبسوط وانت شايفني مغفلة!!!!
هز قصي رأسه وقال
لا ...أنا عمري ما فكرت في كده يا مياسة ...عمري ما فكرت انك مغفلة ...أنا حاولت كتير اتكلم حاولت اقول الحقيقة بس مكنتش قادر ...كنت خاېف اخسرك ...أنت متعرفيش عانيت قد ايه ...وفضلت كتير ادور على اي فرصة عشان اكون مبسوط ...وانت كنت فرصتي ...صحيح دي أنانية مني بس مكنتش قادر اسيبك ...مكنتش قادر اتخلى عنك بعد ما لقيتك ...أيوة صحيح كنت اناني ومش هنكر ده ابدا...بس انانيتي دي عشان ابقى معاكي....
نظرت إليه والدموع ټنفجر من عينيها وقالت
أنت محبتنيش يا قصي !!!
اهتزت حدقتيه بتوتر لتكمل هي بثقة 
أنت مستحيل تكون حبتني ...أنا بالنسبالك زوجة مناسبة صح !لكن الحب ملوش علاقة في قصتنا دي ...عشان الحقيقة ...
اختنق صوتها وهي تدرك الحقيقة المريرة واكملت بنبرة مڼهارة
عشان الحقيقة انك لسه بتحبها هي. ..هي !!!
ابتلع ريقه بصعوبة وهي تخبره بهذا ...شعر أنها ألقت به في الهاوية ...لا هذا ليس صحيحا ...لقد كانت هي الامان بالنسبة له ...فكيف تلقيه في الهاوية ....
مياسة اسمعيني ...
حاول الاقتراب التحدث معها بهدوء ولكنها أبعدته وهي تقول 
لا لا ...خلاص متقولش حاجة ...انت ملكش حق تتكلم ولا نص كلمة دلوقتي ...أنا اللي ليا الحق اني اقرر يا قصي ...أنا دلوقتي اللي هتكلم وانت اللي هتسكت ...انا اللي هبلغك قراري وزي ما اخدت حقي في اني اقرر ابقى معاك في حالة وجود واحدة تانية في حياتك ولا لا. ..أنا كمان هاخد