رواية للكاتبة ايه عرفات
المحتويات
جنبي
مريم قامت من جنبه وبعدت عنه
مريم بقولك ايه انا بقولك قوم روح الشغل يلا
ادهم يا باي عليكي براحتك بكره تجيلي يا قمر
مريم افضل احلم كده كتير ده عشان ابليس في الجنه
ادهم ماشي الايام بيننا يا حلو انت
ادهم دخل الحمام وسمع مريم وهي بتكلم مامتها في التليفون
الام كل سنه وانتي طيبه يا نور عيني النهارده عيد ميلادك
مريم صح النهارده عيد ميلادي انا بجد كنت ناسيه ربنا يخليكي ليا يا احلى ام في الدنيا
الام اي يا بنتي انتي واختك وحشتوني قوي مش هتيجوا تزورونا بقى بقالكم شهر ونص متجوزين ما سالتوش علينا وانتي بصراحه وحشتيني اوي
الام واختك عامله اي مع جوزها
مريم كلنا كويسين والله يا ماما ما تخافيش علينا
الام ربنا يهدي سركم يا حبيبتي وخلصوا اللي انتم بتعملوه وتعالو اقعدوا معانا اسبوع انتي وجوزك واختك وجوزها
مريم حاضر يا ماما وشكرا انك فاكره عيد ميلادي
الام ده كان احلى يوم في عمري ي مريم
مريم ربنا يخليكي ليا
مريم قفلت التليفون ورجعت سرحت شعرها ادهم طلع من وراها
مريم ايه ده انت كنت سامع
ادهم اي حاجه تخصك لازم اسمعه عارفه ليه
مريم ليه بقى ان شاء الله
ادهم عشان انتي بقيتي تخصيني بقيتي حته مني
مريم افضل اتكلم كده كتير لحد ما الكلام هياخدنا وهتتاخر على الشغل
ادهم يعني هو ده اليوم اللي اتولد فيه اجمل وارق انسانه
مريم ممكن تاجل الكلام ده بالليل وتروح على الشركه
ادهم اقعدي ما تقوميش
ادهم ادخل يلا بره
سهام دخلت الغرفه وشافت مريم قاعده على رجله ادهم وعمالين يبصوا لبعض
سهام انا اسفه بس انا ما كنتش اعرف انكم قاعدين كده
ادهم خير يا امي في حاجه
سهام الفطار جاهز حاولت ارن عليك انت واخوك وتليفونتكم مقفوله يلا جهز نفسك وانزل لحد ما اصحي اخوك
ادهم ماشي سهام خرجت من الغرفه عند ادهم وډمها محروق ومش عارفه تعمل ايه خبطت الباب
ساره قوم شوف مين اللي بيخبط
يوسف لا مش عايز
ساره لازم تقوم تشوف مين ما ينفعش كده
يوسف اللي بيخبط شويه وهيزهق وهيمشي
ساره هتقوم تشوف مين ولا انا اقوم اشوف
يوسف طب ثانيه واحده
يوسف مين اللي على الباب
سهام انا يا حبيبي
يوسف دي ماما ادخلي يا ماما
يوسف نعم يا ماما في حاجه
سهام بغيظ لا ما فيش الفطار جاهز يلا عشان تنزل تفطر عشان تشوف هتعمل ايه
سهام ماشي ما تتاخروش سهام طلعت وډمها محروق اكتر من ناحيه ادهم ومريم ومن ناحيه يوسف وساره ما كانتش عارفه ان الامور هتوصل بينهم لكده
ساره انت بجد احرجتني
يوسف هو اللي دخلت علينا حد غريب دي امي
ساره بس برده حتى لو مامتك ما ينفعش تخش علينا بالشكل ده
ساره يعني تقدر تقول انك انت عمرك ما هتبعد عني
ابدا
يوسف ده اللي يدوق الحلويات دي عمره ما يسيبها
ساره طب يلا عشان ننزل نفطر عشان مامتك ما تعملش مشاكل
مريم وادهم نزلوا ماسكين في ايد بعض وقعدوا على السفره
احمد صباح الخير يا حبايبي
ادهم صباح الخير يا بابا
مريم صباح الخير يا عمو وفجاه برده يوسف وساره نازلين ماسكين في ايد بعض
سهام بصوت عالي هو ايه عالم سمسم اللي احنا عايشين فيه ده كل واحد ساحب مراته في ايده ونازل هو ايه الحكايه بالظبط
ادهم حكايه ايه يا ماما اهدي بس ما فيش حاجه
سهام ما تعرفوش انتم الاثنين عملتوا ايه انا ما رضيتش اتكلم فوق بس انا هتكلم تحت قدام الكل
مريم خير يا طنط عملنا اي
سهام انت ازاي تدخليني عندك وانتي قاعده على رجل جوزك هي دي اخلاق ولا دي الادب اللي انت اتعودتو واتعلمتو في الصعيد يا اولاد الصعيد ولا اختك الست هانم اللي انا بقول عاقله ولسه صغيره برده تدخلني اوضتها وانا مقبلش الكلام ده عندي لو انتم في وضع زي ده ما كنتوش قلتولي ادخلي لكن تدخلوني وتحرقوا دمي كده ما ينفعش
ادهم بصراحه مريم ملهاش دعوه مريم كانت عايزه تقوم تفتح وانا اللي قلتلها لا ما تقوميش قلت انك انتي مش غريبه يعني وانتي مامتي وزي مامتها فعشان كده ما حطيناش في دماغنا انك انتي هتزعلي يعني
مريم يا سهام هانم ده جوزي يعني انا ما بعملش حاجه غلط ولا عيب
يوسف وبرده يا ماما ساره والله ما كان عاجبها الوضع ده وزعقتلي بس انا برده قلت انك انتي مش غريبه
سهام ما هو لازم انتوا الاتنين تدفعوا عنهم انا نفسي اعرف هم عملوا لكم ايه كل واحد ما بقاش قادر يستغنى عن التاني ده انتم من شهر ونص مكنش واحد فيكم طايق وش
متابعة القراءة
