سلفي
يعنى عشان انتي كمان تخلي بالك من امي وتخليكي عايشة معاها هنا متسبهاش لوحدك انتي عارفة اخويا على بيرجع كل سنه مره
زينب
يابني ربنا يحفظك ليا انت واخوك متقولش كده
عادل
حاضر ياما يلا انا ماشي خلو بالكم من نفسكم لا اله الا الله
سمر وزينب مع بعض
محمد رسول الله
وفي نفس اليوم بالليل لقينا اتصال جاي وبيقولوا ان عادل ماټ في حاډثة وفضلت عايشه مع حماتي من وقتها لأنها كانت وصيتة الله يرحمة وكمان انا مش هلاقي راجل زيه تاني ابدا في حنية وعطفة عليا
رجعت سمر من تفكرها ومسحت دموعها وقالت
الله يرحمك يا عادل لو كنت عايش مكنتش هترضي پهدلة امك ليا بس انا برضو عايشه معاها وبعامل ربنا فيها وعشانك انت كمان
بت ياسمر انتي يابت
سمر
حاضر ياماما جاية اهو
تعالي يابت شوفي صورة عروسة على ابني وصوريها وابعتهاله عشان اشوف راية ايه فيها
سمر
مش هو راجع بعد بكره خلاص ياماما لما يرجع يبقا يشوفها
زينب
لا ابعتيها دلوقتي عشان اشوف راية ايه بس البت زي القمر وهتعجبة صح
سمر
ايوه هي فعلا حلوه بس الله اعلم هتعجبة ولا لا مش يمكن متعجبوش
زينب
ومتعجبوش ليه ياختي ماهي في الصورة زي القمر اهيه
سمر
حاضر ياماما هبعتهالة
وفعلا اخدت الصورة وبعتها لعلي على الواتس واتصل على امه
زينب
ازيك ياعلي ياحبيبي انا مستنية اليوم اللي هترجع فيه بفارغ الصبر
انا كمان والله يا
امي عايز بعد بكرة يجي بسرعة لانك وحشتيني اوي اوي والله
زينب
ياحبيب امك ترجع بالسلامة يارب المهم طمني شوفت الصورة اللي بعتتهالك سمر
على
ايه يا أمي شوفتها
زينب
طيب وايه رايك حلوه مش كده
على
اه يا أمي حلوه بس يعني خليها لما ارجع واشوف بنفسي وبعدين اهم حاجة عندي تكون اخلاقها كويسه ومحترمة زي سمر مرات عادل اخويا
زينب
بتقول ايه لا ياحبيبي أن شاء الله هتبقا احسن كمان
على
ههههه هي اعده جنبك مش عارفة تتكلمي والله يا امي سمر بنت حلال وطيبة وبتحبك اوي
زينب
اه منا عارفه انت هتقولي
على
طيب قوليلها بيقولك اخوكي على يجبلك ايه معاه من السفر وهو راجع
اكيد يعنى مش هتعوز حاجة وهو اصلا مخليه في نفسها حاجة دي طلبتها مجابة
على
يا أمي برضو اساليها ولا اقولك اديها التليفون اكلمها انا
زينب
كده طيب ياحبيبي اهي معاك اهيه خودي يابت كلمي علي
سمر
ازيك يا علي اخبارك ايه
على
انا كويس ياسمر ازيك انتي اوعي تكون امي مزعلاكي
سمر
لا طبعا ياعلي دي ماما دي بسلم وبعدين انت عارف دي امي حبيبتى
على
طيب قولي نفسك في ايه اجبهولك معايا وانا راجع من السفر
سمر
مش عايزة حاجة والله ياعلي عايزة بس سلامتك ياخويا
على
طيب ع العموم انا جبتلك شوية حاجات كده ويارب زوقي يعجبك
سمر
تسلم ياخويا وترجع بالسلامة يارب
سمر
ازيك يابابا الف سلامه عليك مالك
مرات الاب
الله داخله ياختي على ابوكي جري من غير لا سلام ولا كلام
معلش يامرات ابويا اصل انا جايه قلقانة على بابا من ساعت ماقلتي انه تعبان جايه جري اطمن عليه
مرات الاب
طيب ياختي ابوكي عندك اهو اشبعي بيه يمكن آخر مره تشوفيه وسبتنا وخرجت من الاوضة
سمر بتزعق
استغفر الله العظيم ليه بس الكلام ده يا مرات ابويا ربنا يشفيه ويديلة الصحة والعافية يارب
الاب
سيبك منها ياسمر يابنتي دي وليه عقلها فوت المهم يابنتي طمنيني عليكي عامله ايه مع حماتك
سمر
الحمد لله يابابا اديني عايشه هعمل ايه اهي ساعات تقلب عليا هي كمان بس هعمل ايه وهروح فين يعنى
الاب
معلش ياسمر نصيبك كده يابنتي بس خلاص ان شاء الله هتتعدل ويكون اللي جاي احسن ويعرف يعوضك عن المرحوم
سمر باستغراب
هو مين ده يابابا اللي هيعوضني عن المرحوم
الاب
بصي ياسمر بصراحه كده انتي جايلك عريس شاب زي الفل هو واتكلم معايا وقالي انه شاريكي وانا وافقت عليه
سمر
وازاي توافق من متاخد رأي يابابا وانت عارف اني مش هوافق اصلا
الاب
ياسمر يابنتي انتي شابة وصغيرة وحلوه واعدتك مع حماتك دي ملهاش لزوم بقا يبقا تشوفي حالك مع راجل تاني يابنتي وربنا يصلح حالك
سمر
لا يابابا انا مش هتجوز بعد عادل وبعدين هو قبل مايموت موصيني على امة ولايمكن اخلف وصية عادل
وفي اللحظة دي دخلت مرات ابويا وقالت
وهي ياختي حماتك اصلا عايزاكي تعيشي معاها دي قايلة
للحته كلها انك وش فقر عليهم من لما
ډخلتي بيتهم واتجوزتي ابنها نحستيه وماټ
الاب
اسكتي انتي ياهيام انا وسمر بنتكلم متتدخليش
مرات الاب
ومتكلمش ليه ياخويا هو مش احنا بنتكلم معاها عشان عايزين مصلحتها ولا مش عشان مصلحتها ولا تكونش خاېفة تروح تنحس ناس تانيه
سمر
بقا كده الله يسامحك يامرات ابويا انا مش هرد عليكي وانت يابابا لو سمحت تشيل فكرة جوازي دي من دماغك خالص لاني مش هتجوز تاني وياريت كمان تنسوني ومتبعتوليش خالص
وسبتهم ومشيت من عندهم ورجعت لحماتي ولاقتني داخله بعيط
زنيب
مالك يابت راجعة بټعيطي ليه هو ابوكي تعبان اوي ولا ايه ولا تلاقي المخفية هيام زعلتك ماهي مبطقكيش قدامها
سمر اتصعبت واڼهارت من العياط وقالت
خلاص بقا ياماما انا مش ناقصه سبوني في حالي كفايه عليا اللي انا فيه
زينب
يوووه انتي بتزعقيلي يابت خلاص اديني هسيبك في حالك انتي حره
وسبتها حماتها وخرجت من اوضتها
وتاني يوم رجع على من السفر وامة فرحانة بيه وعدت الايام وعلى بيتعامل معايا زي اختة بالظبط ويمكن اكتر كمان
على
ايه رايك يا أمي اخدك انتي وسمر ونخرج نتفسح اكيد طبعا بقالكم فترة كبيرة مبتخرجوش من البيت
سمر
فعلا والله ياعلي مش مبنخرج ابدا من البيت
على
خلاص ادخلي جهزي نفسك ونخرج كلنا
وسبتهم ودخلت اوضتي البس
زينب
هو انت ياعلي هتفضل اعد فوق في شقتك يابني ومش هتبات معايا هنا في الشقة
على
مش هينفع ابات في الشقة هنا عشان سمر تاخد راحتها وبعدين انا طول النهار اعد معاكي تحت هنا وبطلع على النوم مفيهاش حاجه يعنى
زينب
ماهي ممكن تطلع شقتها وانت تفضل معايا هنا عايزة اشبع منك ياضنايا
على
لا ايا امي مش هينفع نقولها اطلعي شقتك وبعدين انا من ساعت ما رجعت وشايفها هي اللي شايله البيت كله يبقا كتر خيرها
زينب
خلاص اللي تشوفه يابني المهم قولي هنروح بكرة بقا نخطبلك انا اتفقت مع الناس على كده
على
ربنا يقدم اللي فيه الخير يا أمي
وفعلا تاني يوم راحت حماتي وعلى واتفقوا مع الناس اهل العروسه على كل حاجة وحددوا معاد الخطوبه ولقيت على بيقولي
خودي ياسمر الفلوس دي وتنزلي بكرة تشتري فستان حلو عشان تحضري بيه خطوبتي
سمر
شكرا ياعلي بس انا عندي فساتين كتير البس واحد منهم وخلاص بلاها التكلفة دي
زينب
ايوه صحيح ياعلي ماهي عندها هدوم بالقوم تلبس اي حاجه منهم وبلاش تغرم نفسك
على
لا يا أمي أنا عايز سمر تلبس جديد وبعدين الخير كتير والحمد لله فتجيب اللي هي عايزاة
وفعلا اخدت الفلوس من على واشتريت فستان جميل وعملت ميكب هادي اوي وكنت يوم الخطوبه ولا البرنسيسات والكل كانت عينهم مني وكمان على مشلش عينة من عليا كنت مستغرباه
وبعد كام يوم حماتي قالتلي انها هتروح تزور اختها تعبانة شوية وسبتني في البيت لوحدي ولقيت على راجع من برة ودخل وقال.....
