شبيه جوزي
المحتويات
وبتحط ايديها علي ايد رنا بأبتسامه حزينه
اكيد في يوم هيرجع
تفتكري يا جنا
لو نصيبك هيرجع
ردت والدموع بتلمع في عيونها
خاېفه من رجوعه
ليه
خاېفه يكون حب وعاش حياته
من حقه يا رنا انتي كمان زمان شوفتي حياتك
هو السبب انا انتظرته كتير يعترف بس هو كان لوح تلج كان من حقي احب واتحب واتجوز زي اي بنت انا كنت كسرت الثلاثين سنه مش معقوله كنت هفضل منتظره سنين تانين علي أمل يعترف ويحس بيا وبقلبي!
بصي يارنا بجد هو لو نصيبك ربنا هيجمعك بيه مره تانيه انا اعرف واحده كانت مخطوبه لواحد صالونات ومكانتش بتحبه كانت بتحب واحد زميلها في الشغل وهو كان بيحبها بس مكانش جاهز اهلها ڠصبوها علي الخطوبه وبعد خمس شهور سابته وزميلها جه اتقدملها واتجوزته ا وبعد سنه جواز مقدرتش تتأقلم علي طباعه اللي ظهرت فجأه و اتطلقت منه وفاتت الايام وجه في يوم قابلت اللي كانت مخطوباله زمان كان هو كمان مطلق مراته اللي اتجوزها بعد شهر من فركشه الخطوبه قعدوا مع بعض واتكلموا ورجعوا واتجوزوا وعايشين دلوقتي اجمل ايام حياتهم!
بجد
شوفتي النصيب
ربنا أراد أن يحط في طريق كل واحد فيهم شخص تاني علشان يعرفوا قيمه بعض في النهايه ولو فريد نصيبك مهما حصل هتبقوا سوا
رفعت راسها للسما بتنهيده كلها امل
يارب
ماما انا جيييييت
تعالي يارنا انا في الصالون ومعايا ضيوف
ضمت حواجبها باستغراب وهمس
ضيوف امممم ياتري مين الضيوف
اتحركت نحيه الصالون ومع كل خطوه في شعور غريب بتحس بيه قلق خوف اشتياق امل!
وبالفعل شعورها كان وراه شئ قوي
وجوده اللي أتمنته من سنين طويله
أخيرا الحلم اتحقق
هو هنا علي بعد خطوات بسيطه منها
ابتسامته بتحي الامل جواها
قلبه بيجري نحيه قلبها المشتاق
همست والدموع بتلمع في عيونها
ف فريد
عامله ايه يارنا
ك كنت ف فين ك كنت فين كل ده يافريد!
اخد نفس عميق وهز رأسه بابتسامه باهته
بعدت لما فوقت وعرفت اني بآذيكي انا اسف حقيقي اسف علي كل شعور حسيتي بيه اسف علي قهرتك وخۏفك مني اسف علي كل حاجه سامحيني يارنا
ردت بدموع
مسامحاك
ام رنا وهي بتتنهد وبتلوي بوقها بسخريه
انا عمري ما هسامح فريد ابدا مهما حصل ياماما
رنا بأحراج
ا احم ما خلاص بقي يا ماما المسامح كريم واحنا داخلين علي رمضان وكده
ردت بتوتر ووشها احمر
ا احم ا انا هدخل اعملك قهوه
هز رأسه بأبتسامه وهي اتحركت نحيه المطبخمفيش ثواني إلا وسمعوا صوت صړيخ
طلع فريد يجري ووراه مامتها بقلق واول ما دخلوا كان المنظر كالأتي
رنا واقفه تصرخ بملامح كلها خوف
وفزع وفي طفل صغير واقف في ركن بيبصلها پخوف ودموع!
طلع فريد يجري علي الطفل واخده في حضنه
بس ياحبيبي اهدي متخافش
رنا وهي بتتنفس بسرعه و بتشاور عليه
م م مين ده
اتنهد فريد وشاله وهو بيرد بهدوء
مالك ابني
ردت بذهول وجسمها كله بيتنفض
ا ابنك ا انت متجوز
كنت متجوز بس مراتي الله يرحمها ماټت من سنه
فريد بلهفه
رنا انتي كويسة
فتحت عيونها وهي بتبتسم ابتسامه باهته
متقلقش
ا احم خالتو لو سمحتي ممكن بعد اذنك تاخدي مالك برا هتكلم انا ورنا خمس دقائق بس تسمحيلي
اخدت منه مالك بأبتسامه طيبه زي قلبها وخرجت من المطبخ
كانت رنا سانده ظهرها علي الرخامه وحاطه وشها في الأرض بملامح كلها حزن
رنا
انا بحبك
قلبها اتنفض ورفعت عيونها پصدمه وعدم تصديق
ا انت قولت ايه
قولت اني بحبك ومن زمان اوي اوي
ولما انت بتحبني ليه معترفتش
ليه سبتني استناك سنين طويله علي امل تحس بيا وبقلبي ليه اقنعتني اوافق علي عاصم واتجوزه ليه مجيتش وقولتها في وشي وانا والله العظيم كنت مستعده استناك ولو مليون سنه و.....
قاطعها وهو بيحط ايده علي بوقها
كنت خاېف
ردت وهي بتزق أيده
من ايه!
كنت خاېف نبقي زي ماما وبابا ونجيب طفل يتبهدل ويحتار ما بينا مش هقدر استحمل اشوف ابني أو بنتي في حيره انا عيشت كل تفاصيلها وكبرت بعقد نفسيه بسببها
بس انت بتحبني وانا بحبك وكنا هنتغلب علي اي صعب يقابلنا مش مبرر أبدا انك تسيب حد بيحبك وبتحبه يضيع منك قدام عيونك علشان خۏفك!!!!
علشان بحبك كنت عايزك تنسيني وتعيشي حياتك بعيد عني وعن خۏفي وعقدي النفسيه
ردت بذهول وهي بتلف في المطبخ
انت حيرتني!
عايزني انساك وانت اصلا طول الوقت كنت
متابعة القراءة
