شحات الغرام

يا سالى واسرعى يلا للسوق وهاتى طلبات أمك عشان متسمعكيش كلمة كده ولا كده .
فمشيت وأنا عاملة نفسى مش واخدة بالى منه حسيت ان فيه حد ورايا وبيهمس ...سالى سالى ممكن بس لحظة أكلمك .
فقلبى دق جامد وقولت معقولة يكون اللى فى بالى فالټفت وقولت وانا عاملة نفسى زعلانة ومكشرة وبعدين معاك يا راجل أنت هتفضل كده قطرنى فى الرايحة والجاية.
انت عايز منى ايه بالظبط 
ابتسم مدحت وقال  عايزك يا ست البنات 
سالى ايه عايزك دى والله لأقلع اللى فى رجلى وأديك فوق دماغك انت فكرنى وحدة من إياهم ولا ايه وممكن تشترينى بفلوسك 

لا أنا بنت جدعة مليش فى الهلس ووسع كده اختفى من قدامى .
مدحت أنت افتكرتى ايه يا ست البنات انا عايزك على سنة الله ورسوله أنا بحبك يا سالى من ساعة ما عينى شافت عيونك الحلوة وطالب القرب ورقم السيد الوالد عشان أطلب ايدك منه .
اتخشبت مكانى وقلبى كان هيقع منى وعينى دمعت وقولت فى نفسى معقول ابن الذوات ده يجوز وحدة زى حالاتى .
معقول الحب يعمل كده !!
معقول الدنيا تضحكلى واتخلص من الفقر اللى انا عايشه فيه ده .
فوقت من شرودى على صوته وهو بيقول ايه اعتبر السكوت علامة الرضا .
فابتسمت وانا حاسه وشى بيطلع ڼار من الكسوف وقولت هات موبايلك فادهونى فسجلت فيه رقم بابا ودتهوله وطلعت أجرى من كسوفى وسمعت ضحكته اللى دوبتنى .
اما مدحت فوقف وكلم نفسها وقال بعين بطلع شړ ايوه هى دى اللى هتقدر تساعدنى وهكسب من وراها الدهب وخصوصا كمان لما تجبلى عيل وتشحت بيه بدل ما انا بأجر عيال بالفلوس فكده أوفر .
روحت البيت وأنا طايرة من الفرحة وفرحت أمى اللى من فرحتها قعدت تزغرد وترقينى عشان متحسدش لما بنات الحارة يعرفوا أن هتجوز رجل أعمال وعربيته بتسد الشارع وميعرفوش انى هفوق من الحلم ده على كابوس .
وان رجل الأعمال المحترم طلع شحات وإننا للأسف بنخدع بالمظاهر .
وفعلا جه مدحت يتقدملى والغريب أنه محدش جه من أهله وقال إنه مقطوع من شجرة لغاية ما صعب عليه وقولت أنا هكون عيلته كلها وده اللى خلانا منسئلش عليه .
وحدد الفرح بعد اسبوعين عشان حاجته كلها جاهزة ومش هتكلف حاجة وده فرح ابويا وامى لأنهم ناس على قد الحال ومش معاهم يجهزونى .
وانا كنت طايرة من الفرحة عشان هتجوز انسان بحبه ويحبنى وكمان هعيش مرتاحة .
مكنتش أعرف إن الراحة الحقيقية انتهت مع اخر يوم ليه فى بيت ابويا مع بساطته والعيشة اللى على القد بس كانت الضحكة بتطلع من القلب وان العڈاب كله هشوفه لما أتجوز فى الشقة اللى مكنتش أحلم بيها .
 نرجع للواقع 
قعدت بصيت للعباية السودة المرقعة وانا بعيط وأقول ازاى ألبس دى .
ده انا رغم انى مكنش عندى لبس كتير بس كان ديما نضيف ومكوى .
مدحت بعصبية وبعدين هتفضلى تعيطى كتير وتضيعى وقتى .
انجزى ألبسى خلصينا والا والله أعملك عاهة مستديمة اهو تخلينا نكسب اكتر .
فصړخت وقولت لا بالله عليك هلبس وهعمل كل اللى أنت عايزه .
وفعلا نزلت معاه وهى بتبكى تحت النقاب وفهمها توقف قدام المسجد وتمد ايديها للى طالع ولى داخل .
واخر الليل يروحوا البيت ويبعد مدحت يعد الفلوس اللى مكنتش بتقل عن عشر الاف فى اليوم الواحد وساعات اكتر لما يتسول فى مكان سياحى .
فى الفترة دى سالى مكنتش ترضى تاكل او تشرب معاه وكانت بتكتفى بلقيمات تسد