الشرع محلل اربعة
حبيبي من عياله ومراته
بجد
طبعا إفتح بقى عشان تعرف محتويات الهدية
إيه دي يا مها
اه الفلاشاية السدا دي هقولك أصل انا كنت مسجلة كل خناقاتنا من يوم ما اتجوزتني لحد النهارده كل ما اشم ريحة خناقة في البيت افتح موبايلي واشغل الريكوردر واسيبك بقى تطلع أحلى ما فيك وما اردش عليك خالص
انتي بتهزري صح
كل دا على الفلاشة
كله هنا حتى فيه مكالمة ظريفة كدا مع أيمن صاحبك وانت بتقوله وحشتني يا عمري انا قصيت منها الجملة دي
والفلاشاية الزرقا دي بتاعة ايه
فيه فلاشة لونها بنفسجي كمان
دا بوكس فضيح يا مها
دا الصندوق الاسود بتاعك يا روح قلبي انا عايشة معاك بقالي عشر سنين لو مكانتش كل الفضيح دي تبقى معايه انا تبقى مع مين يعني
انا حاسس اني متجوز مرتضى منصور
آديك هتتجوز وفاء عامر اهو زعلان ليه بقى ايه رأيك يا حبيبي تفتكر لما عروسة الغفلة تشوف البلاوي دي هتتجوزك على نيلة إيه
لا طبعا هو انا ناقصة زيك
انا
برضو بقول دي مش أخلاقك
أنا بفكر اعمل صفحة ممولة على الفيس بوك أرفع عليها الماتيريال دي عشان نخلص بقى من حكاية الجواز دي للأبد
مها يا حبيبتي طبعا انتي عارفة ان حكاية التعدد دي رخصة ربنا ادهالنا بس مش لازم نستعملها يعني
حاسب تخبط حاجة بس وانت راجع بضهرك .
