رفقا بالقواير بقلم ميادة مامون

صحيح و لا بتجولي اكده بس عشان ماسافرش 
لاه و الله دا حتى اني بجالي كام يوم اكده في خبط جامد في ظهري و ماكنتش رايدة اقولك عشان مش تقلق عليا 
حملتها بين ايديا و انا مړعوپ عليها و نيمتها في سريرها 
مش عايزة تقلقيني ايه دانتى عايزة تجننيني يا شيخة خليكي اهنه اوعاكي تتحركي لحد ما اشيع اجيب الدكتوره ليكي 
برغم خۏفي و قلقي عليها لكني شوفت الفرحه في عنيها و حاولت تقوم تتنطط ليا بسرعه 
ههههههه يعني مش هتسافر 
واه جاك بو يا بت جولتلك ماتتحركيش من مكانك تقومي تعملي اكده 
طب هنام اهه بس خليك معاي مش عايزك تسافر 
و بعدهالك اومال بطلي دلعك الماسخ ده و فوتيني بجي اشيع اجيب الدكتورة 
لاه خلاص ماتجبش حد و روح سافر اني كويسة و معايزاش حاجه من حد 
يا بوي على عندك و دلعك الماسخ يا بنت عزوز اكتمي بجي و خليكي مطرحك لحد ما تاجي الدكتورة 
جات الدكتورة و بدئت تكشف عليها و اني واجف هاتجنن من القلق عليها مع اني عارف ان كلامي زعلها مني بس اعمل ايه هي عارفة ان دي طريجتي و مش هاقدر اغيرها
ها يا دكتوره طمنينا الله يرضى عليكي
اطمن حضرتك الهانم
كويسة جوي 
و الجنين اللي في بطنها 
حسيت بدهشة عنيها من سؤالي بس ماعطيتش ليها اهتمام و استمعت للدكتورة 
زي الفل الحمدلله هي بس تبطل توتر و تحاول ماتبذلش اي مجهود الفترة دي 
جوليلها أصلها عنيدة و ما بتسمعش الكلام و غاوية تتعب الكل معاها 
بصت لها بهدوء و وجهت كلامها ليها 
لاه الشهرين دول بيبقو اهم شهرين في الحمل كله لازم تحافظي على نفسك عشان تقومي بالسلامه انتي والبيبي بتاعك 
فضلت
ملتزمة بسكوتها لحد ما الدكتوره مشيت و استعديت انا كمان عشان اسافر
ق الا انها مارديتش تبصلي و لفت وشها بعيد عني 
واه هسافر و انتي زعلانه مني إياك 
مش زعلانة و جولتلك لو عايز تسافر سافر انت مش خلاص اطمنت على
اللي ليك حداي 
اخص عليكي يا حبيبتي و هو اللي ليا ده مش حته منك بردك و انتي عندي اهم منه بكتير 
بكفياك تمثيل لهفتك على ولدك فضحتك خلاص 
عنادها و غلطها في الكلام خلاني اتنرفزت عليها واني بسحب شنتطي ورايا و اسيبها و امشي 
و هامثل عليكي ليه بجي ان شاء الله اجولك على حاجه اتفلجي يا وعد اني ماشي خليكي بقى زعلانه براحتك 
سافرت على القاهره و انا متعمد اعاقبها على عنادها ده و قولت لنفسي يا واد ماتكلمهاش و سيبها لما تعرف غلطها بنفسها هي و تكلمك
و عدي يوم و التاني وملت من رقدتها في السرير بس كمان عنادها زاد و ماحاولتش تتصل بيا و بدئت تتحرك عادي و تشغل نفسها عشان تنسى بعادي 
شافتها الست كريمة و هي نازله لابسه و محضره نفسها للخروج 
على فين يا وعد انتي خارجه إياك 
ايوه يا ام رايحة المشغل اقعد فيه شوية مع البنات 
لاه مافيش خروج لساكي تعبانه يا بتي اطلعي جاعتك ارتاحي فيها و اني هاحضر ليكي الوكيل 
وكل ايه بس يا أمي سيبيني اخرج اشم شوية هوي الا اني زهقت من الرقده والبسه دي 
اكده طب استني البس عبايتي و اجي معاكي ماتمشيش لوحدك يا بتي 
ليه هاتخطف إياك اجولك ابقى حصليني 
سابتها و خرجت من السرايا لوحدها و مشت في الكفر ومشي وراها من بعيد اتنين من الحرس يحرسها زي ما امرتهم
صحيح كانت لابسة نقابها و مش
باين منها حاجه بس هو عرفها و مشي وراها يراقبها 
كيفك يا وعد
ها عادل انت طلعتلي منين و عايز مني ايه
مالك خۏفتي مني اكده زي ما تكوني شوفتي عفريت ايه نستيني دانا عادل 
بعد عني يا عادل عايز مني ايه 
ماتخفيش مني يا وعد اني مش هأذيكي هو في حد يأذي الحبايب اللي كان بيحميهم وېخاف عليهم بردك 
بكفياك كلام ماسخ و بعد عني اني ست متجوزه و مايصحش الكلام اللي انت بتقوله ده 
بس يصح
انك تغدري بحبنا وتروحي تتجوزي ابن خالتك مش اكده 
كل شئ قسمه و نصيب و اني من الاول ماكنتش ليك يا عادل ارضى بنصيبك و بكره ربنا يبعتلك بنت الحلال اللي تستهالك 
بالساهل اكده يا وعد 
واه ساهل ايه و صاعب ايه يا مخبل انت بتفكر ازاي انت مش شايف بطني اللي قدامي دي بعد عني الله لا يسيئك بعد 
في حاجه يا هانم 
ده كان صوت واحد من الحرس اللي عشان يبعدوه عنها 
لاه لاه مافيش دا كان بيسألني عن حاجه و ماشي خلاص 
لحقتها الحجه كريمه و هي بتبصله بنظرات غريبة و مشيت بعيد عنهم 
ايه اللي جاب الملكوم ده اهنه و ايه اللي واجفك تتحددتي معاه اكده على الطريق قصاد الرايح و الجاي 
و الله يا اما ماعرف طلعلي منين واهو جال كلمتين مالهمش لازمه وراح لحاله 
راح لحاله! ربنا يستر لما جوزك يرجع ويعرف من الحرس بتوعه دول يا عالم هيعمل فيكي ايه يا مكلوبه
عاودي قدامي على السرايا ماكنش لازم