مهمة صعبة

وبتقلب بإبتسامة. جت شيري قريب منها وشافتها بتقلب في صور شهاب اتنهدت بنفاذ صبر وقعدت جنبها.
شيري بقلة حيلة ازيك يا مايا . هو انتي مش ناوية تنسي بقي ولا ايه! 
مايا بصتلها بلامبلاه وكملت تقليب في الصور وبعدم اهتمام اهلا. انسي ايه مش فاهمة!
شيري مستغربة من ردها الجاف عليها انا اقصد شهاب لسة متعلقة بيه. حتي بعد ما حب وخطب . ده خلاص هيتجوز تمارا. انسي بقي وعيشي حياتك .
مايا قفلت الفون بعصبية انا بس عايزة افهم انتي مالك . بتدخلي في حياتي ليه احبه ولا اكره ولا اشوف حياتي انتي مالك . ثم مش انتي خلاص سي مؤمن ملي حياتك واخدك مني. لا وكمان بقيتي انتي والهانم تمارا اصحاب وحبايب . خلاص خاليكي معاهم بقي وانسيني خالص ممكن .

شيري دمعت بحزن كدة يا مايا ! هنت عليكي ! ده احنا اصحاب عمر احنا مافرقناش بعض من ايام ما كنا صغيريين. دلوقتي عايزاني ابعد عنك 
مايا بسخرية لا ماهو انتي عملتي حساب لكل ده. روحتي صاحبتي اكتر بني آدمة بكرها في حياتي واللي اخدت مني حبيبي وحلم عمري. انتي اللي اخترتي تبعدي مش انا.
شيري بحزن ليه بتقولي كدة. احنا
اصحاب مااشترناش بعض. ثم مؤمن ده خطيبي وهيبقي جوزي مالوش علاقة بيكي. كمان تمارا هي فعلا انسانة جميلة وبسيطة . الكام يوم اللي فاته لما قربت منها هي وچودي اختها حبيتهم جداااا. مافيهومش خبث ولا زيف. كمان هي اللي اتصلت بيا من زوقها علشان اختار معاها تجهيزات الخطوبة كانت ممكن تعمل كل حاجة من غير رأي لكن هي انسانة جميلة. بجد خسارة تكرهيها بالشكل ده. حاولي تفصلي بين حبك لشهاب
وبين الحكم علي الناس لمجرد انهم قريبين منه . ما تخليش الغل والڠضب يعمي عنيكي عن حاجات حلوة وجميلة جواكي وحاوليكي .
مايا بغيرة مافيش حاجة حلوة ولا ليها طعم من غير شهاب.
شيري لا فيه انس .
مايا بإستخفاف انس! وضحكت بقوة .ههههههههههه
شيري بإستغرابانتي بتضحكي علي ايه! ايوة انس. انس اللي بيحبك . انسان عمرك ماهتعوضيه ابداااا. قفلة قلبك في وشه وفاتحاه لواحد عمره ماحبك ولا فكر فيكي. صدقيني انتي بتظلمي نفسك قبل اللي حاوليكي. بتظلمي قلبك وبتحمليه ۏجع وچرح هو في غني عنه .
مايا بسخرية انتي فاهمة غلط. انس ده اخر واحد انا ممكن احبه ولا حتي افكر فيه. ده انسان ضعيف وسلبي وتافه. انا اصلا بكره وبكره اخته وابوه وعيلة عز الدين كلها. ومش هرتاح غير لما اقضي علي العيلة دي كلها وهتشوفي. أنس بالنسبة ليا مش اكتر من انه مجرد اخوه تمارا اللي هوجعه علشان اوجعها. لازم اخليها تاقهر علي اخوها . وانا هقف اتفرج عليهم وهما بيتدمروا واحد ورا واحد.
شيريياااااه ايه كل الغل ده. تصدقي انا دلوقتي اللي بقولك مش عايزة اعرفك تاني . انتي انسانة مريضة ومحتاجة تتعالجي. وانا بجد ندمانة علي كل السنين اللي ضيعتها في صداقتي ليكي . عن اذنك .
قامت شيري واڼصدمت بحزن لما شافت أنس واقف وراهم وواضح من ملامح الحزن والدهشة اللي علي وشه انه سمع كل كلام مايا عنه وعن تمارا. مايا شافت شيري وقفه وعنيها علي حد ومصډومة بصت شافت أنس . ارتبكت واتلخبطت. وقامت وقربت منه .
مايا بتوتر ااانس . ااانا . ااانت اااكيد فهمت غلط . اانا بس..
أنس بحزن وچرح لرجولته ولطيبة قلبه واخلاقة اللي قليلة في الزمن ده. شاورلها بإيده تسكت شششش. من فضلك مافيش داعي تتكلمي ولا تقولي اي حاجة. رسالتك وصلت. عن اذنك.
لف علشان يمشي مايا وقفته ومسكت ايده اانس استني بس هفهمك..
أنس بص لإيديها وشد ايده منها بقوة وبعصبيةاستني ايه ! انتي عارفة انتي عملتي فيا ايه! اكيد مش هتعرفي ولا هتحسي علشان واحدة زيك بتلعب بعواطف ومشاعر انسان حبها علشان ټنتقم من اخته فيه. عمرها ما هتفهم ولا هتحس. انا طول عمري بسمع عن الغدر والكدب والناس الحقودة. بس عمري ماشوفت في حقدك وكدبك . انتي تنسي انك شوفتيني في يوم من الايام . وانا اوعدك همحيكي من حياتي لان اللي زيك ما تستهلش اصلا انها تكون حتي