سلسلة الاقدار

أصل كان في غراب باني عشه علي شچرة في الچنينه إلي ورا و النهاردة لجيت العش دا واچع عالارض يظهر كدا والله وأعلم حاچه كلت ولده و وجعت عشه و لما چيت عشان أرميه الست هانم بعتتلي و روحت أشوفها و بعدها طلعت علي صوت الغراب و چيت چري أشوف في إيه لجيت الست چنة ماسكه ولده المېت فتلاقيه فكرها هي إلي جتلته فجعد يعمل الصوت دا بينادي علي عشيرته ياچوا يچبوله حجه هو و ولده 
كان الجميع في زهول تام من حديث مجاهدو سرعان ما قالت حلا پصدمه 
معقول الكلام دا هي الغربان بتفهم عشان تعمل كدا 
أجابها مجاهد قائلا 
أومال إيه يا ست هانم ! الغربان دي بتعمل محاكم زيينا أكده و عمرهم ما يسيبوا طارهم واصل 
زفرت أمينه براحه و هي تقول 
الحمد لله أنهم مشيوا من غير ما يأذوها 
تدخل مجاهد قائلا بخيبه
ميتهيألك يا ست هانم دول لازمن ياخدوا طارهم منيها و هيرچعوا تاني عشان يأذوها 
تدخل سليم غاضبا 
لو حصل و جم تاني و ديني لهصطادهم واحد واحد 
مجاهد پذعر
لا يا بيه تبچي كدا بتفتح علينا أبواب چهنم دول كتير جوي جوي أمم و عشائر و هياجوا ياخدوا طارهم لو لآخر نفس فيهم 
تدخل مروان قائلا بنفاذ صبر 
طب و إيه الحل يعني نخليها تروحلهم شايله كفنها مثلا !
خرجت ضحكه قويه من فم حلا رغما عنها علي حديث مروان و لكنها كتمتها إثر نظرات والدتها الصارمه و التي قالت بتوبيخ
دا مش وقت هزار . و أنت يا مجاهد قفل عالقصص الخربانه دي 
أنهت جملتها و إلتفتت إلي جنة و قالت بإهتمام خفي 
عامله إيه دلوقتي 
أومأت برأسها بخفه و قالت بصوت متحشرج 
الحمد لله
هنا خرج صوت فرح الخائڤ
إحنا لازم نوديها للدكتور و نطمن عليها أحسن يكونوا أذوها و لا حاجه 
إمتدت يد جنة تربت علي يدها قائله بلهفه 
لا ماخافيش ملحقوش . سليم لحقني قبل ما يوصلولي 
قالت جملتها الأخيرة و هي تنظر نحوه في خلسه بينما زينت وجنتاها حمرة الخجل و تزايدت ضربات قلبها إثر نظراته التي كان بها شئ مختلف و هو يناظرها و لكنه سرعان ما غلف نظراته بأخري لا مباليه تتنافي مع إرتجافه قلبه لدي رؤيه ذلك الشعاع الذي يطل من بحرها الأسود الواسع الذي أصبح عليه المقاومة حتي لا يغرق به أكثر .
تفاجئ بفرح التي إندفعت إليه تقول بإمتنان 
مش عارفه أشكرك إزاي يا سليم بيه . 
قاطعها حين قال بخشونه 
أنا معملتش حاجه . أي حد مكاني كان هيعمل كدا 
لم تتفاجئ من إجابته فهي تعلم مقدار عجرفة تلك العائله و للحظه إشتبكت عيناها بخاصته و التي وجدت بها نظرة غريبه أربكتها و لكنها سرعان ما تحولت لساخرة تتنافي مع لهجته حين قال أخيرا موجها حديثه لجنة المستلقيه علي الأريكه
متأكدة أنك كويسة 
أومأت برأسها و هي تقول بخفوت 
متأكدة 
كانت تهاب سالم كثيرا و تجلي ذلك بوضوح في عيناها و قد تذكر ذلك اللقب الذي أطلقته عليه و هو الديكتاتور فهو قد سمعها و هي تخبر الفرس بذلك و لذلك إرتسمت بسمة خاڤتة علي ثغره سرعان ما محاها فقد كانت دقيقة في

وصفها لشقيقه فهو بالفعل ديكتاتور و لكنه تذكر بأنها أطلقت عليه لقب هتلر و جزء منه قد وافقها الرأي فهي لم تري منه سوي الجانب المتوحش فقط .
كانت هناك عينان تراقبه بإهتمام و تحلل جميع تعبيراته التي أشعرتها بأن هناك خطړ محدق يحاوطهم و قد قررت التصدي له .
تفرق الجميع و توجهت حلا إلي غرفتها تبحث عن هاتفها الذي فرغ شحنه و قد وضعته علي الشاحن و من ثم نسيته تماما في ظل ما حدث فتوجهت إليه و قامت بفتحه لتتفاجئ من مظهره الغريب خارجيا و حين فتح الجهاز تجمدت الډماء بعروقها حين شاهدت تلك الصورة التي كانت لذلك المعيد الذي دائما ما يوقعها حظها العاثر معه .
لم تكد تتجاوز صډمتها حين رن الهاتف فجأة و لدهشتها فقد كان رقم هاتفها فأجابت علي الفور ليأتيها صوته الغاضب حين قال صارخا 
أخيرا حضرتك تكرمتي و فتحتي التليفون 
جفلت من صراخه و قالت بتلعثم 
إيه هو حصل إيه . و تليفون مين دا 
جاءها صوته الغاضب حين قال متهكما
بذكائك كدا هيكون تليفون مين دا 
تلبسها ثوب الغباء فقالت مرددة حديثه 
آه صحيح تليفون مين دا 
نفذ صبره و قال بصړاخ 
تليفوووني.. إلي حضرتك أتلخبطتي و خدتيه و سبتيلي تليفونك .
أيقظها صراخه من حاله الصدمة التي سيطرت عليها و قالت بحدة 
مسمحلكش تكلمني كدا علي فكرة و بعدين ماهو أنت لو مكنتش ظلمتني و قولت عليا غشاشه مكنش زمان كل دا حصل 
أبتلع غضبه بصعوبه بالغه قبل أن يقول محذرا
متبدأيش بالعبط بتاعك دا عشان أنا علي آخري و مش فاضيلك و بسببك اضطريت أأجل سفري و كل حاجه أتعطلت 
خرج صوتها فرحا حين قالت 
إيه دا بجد هو أنت مسافر 
إندهش من نبرة الفرح التي تخللت صوتها و قال