بقلم هاجر عمر

عموما لحد ما هو يطلب انك ترجعى
..... و افرضى ما طلبش !
.. ابتسمت بثقة 
ما تخافيش هيطلبك
.... ازاى !
.. ازاى دى بتاعتى المهم دلوقتي انك مش هتروحى الشغل و
.... مسكت الفون بسرعة بفرحة 
الحقى دا هو
.. اوعى تر
.... الو
.. خبطت راسها بايدها 
غبية
...... بجدية 
انسة هاجر ف تصميم سلمتيه ناقص بكرة الاقيكى على مكتبك و تخلصي التصميم
.... تصمي الو 
بعدت الفون عن ودنها و بصتله و رجعته لودنها تانى الو 
بصت ل ليلى دا قفل ف وشى
.. پشماتة 
تستاهلى انتى مهزئة اصلا .. ها كان عايز ايه !
.... بيقول ف تصميم ناقص و عايزنى اروح بكرة اخلصه
قامت من ع السرير 
.. بابتسامة 
حلو اوى انتى بقى ما تروحيش بكرة و
باستغراب 
انتى بتعملى ايه!
.... رفعت دريسين 
اروح ب دا و لا دا !
.. مسحت وشها بايدها 
يا صبر ايوووب
.... بفرحة 
انا هلبس الكحلى دا قمر صح
.. بهدوء هاجر حبيبتى انتى مش هتروحى الصبح صح !
.... و اتاخر على قرة عينى
.. يا ختى اتنيلى دا ما يعرفش انك موجودة اصلا .. المهم دلوقتي تنفذى الكلام ال هقولهولك بالحرف اولا انتى مش هتروحى بكرة و اى مكالمة منه ما ترديش عليها .. خليه يتجنن من غيابك و يعمل قرد عشان ترجعى تانى .. ثانيا لما ترجعى هتغيرى معاملتك معاه ٣٦٠ درجة بلاش الدلقة ال انتى فيها دى خليكى حد معاه الرد على اد السؤال ما تهزريش و لا هئ و مئ و النحنحة بتاعتك دى صدريله الوش الخشب خليه يحس بالفرق و ياخد باله منك
.. برقت يعنى لو كلمنى ما اقولهوش يا رز بلبن و اعاكسه دا انا انجلط فيها
.... جزت على سنانها بعصبية النبى محمد ما حد هينجلط غيرى انا ماشية 
قامت مشيت خطوة و لفت تانى رفعت صابعها بتحذير ف وش هاجر هاجر اوعى تروحى بكرة تمام !
.. هزت راسها بموافقة اه طبعا اومال
.... رفعت حاجبها مش مرتحالك 
مدت ايدها اوعدينى
.. مدت ايدها بابتسامة وعد
.... ابتسمت براحة تمام امشي انا بقى و هكلمك الصبح و ما تنسيش لو رن عليكى ف اى وقت اوعى تردى
.. ابتسمت حاضر
.... تمام يا روحى سلامانجة بعتتلها بوسة ف الهوا و مشيت 
.... الو صباح الفل يا جوجو .. قوليلى بقى انتى ف البيت صح!
.. صباح الخير يا حبيبى 
بسعادة لا انا ف الشغل
.... فتحت عنيها پصدمة فييين!
.. باستغراب ف ايه يا بنتى!
.... جزت على سنانها بعصبية هو احنا مش اتفقنا مفيش شغل
.. حصل
.... و اما هو حصل روحتى الشغل ليييييه!
.. بعدت الفون عن ودنها و بصتله بانزعاج و رجعته لودنها تانى ف ايه اطرشيت .. و بعدين جاسر كلمنى ايه ما ارودش عليه !
.... يا بنتى انتى مش وعدتينى امبارح انك مش هتردى عليه و لا تروحى الشغل رديتى بقى ليه يا مهزئة يا اللى معندكيش كرامة
.. يعنى وعدت البخارى دا انتى ليلى و بعدين اقفلى عشان قرة عينى بعتلى يلا باى
قفلت ف وشها و دخلت ل جاسر 
بجدية اتفضل يا مستر التصميم خلصته محتاج حاجه تانية!
.... بصلها باستغراب ايوا التصميم لسه محتاج تعديل بسيط
.. بصت على التصميم تمام يا مستر عن اذنك
سابته و خرجت
.... عقد حواجبه باستغراب مالها دى ! 
هز راسه و

بص للورق يكمل شغله
.. قعدت على الكرسى و سندت ع المكتب و كشرت طب بالله الرز بلبن دا يتساب ازاى 
رفعت ايدها تدعى 
الصبرررر يااا رب 
مسكت التصميم و كملت شغلها و خلصته بعد ساعة 
اووووف