اسكريبت معاذ (كاملة)

اسكريبت .
معاذ ممكن طلب 
ها ارغي .
معاذ يبقي ابن عمي . اكبر مني بسنتين فى كليه تربيه . ومخلص كليته .
إنما انا فى تجاره عادي . 
براحه ياعم انت هتخنقني .
اخلصي يا روفيده مش فاضي .
ليه رايح فين .
خارج .
ايوه ما انا شيفاك لابس ومتشيك اكيد مش هتقعد بالشياكه دي فى البيت ياعني .
ها هاتي من الاخر .
ايوه انت بقا نازل رايح فين .

خارج مع صحابي رايحين بلايستيشن .
بجدد .
ايه الفرحه فى كدا مش فاهم.
ممكن طلب صغنون.
ارغي .
اللهي تنستر يا معاذ يا ابن عمي محمود تعلمني بلايستيشن.
ابتسم بسخريه .
مين دي اللي تتعلم ! انتي .
امال امك . سوري اندمجت .ايوه انا فيها اي .
روفيده ام ملحق عاوزه تتعلم بلايستيشن.!
ومالك فخور كدا ليه ! وبعدين انا مش بملحق يخويا .
لا ونبي امال مين اللي كانت طالعه بمادتين السنادي .
انا يابني !
لا انا .
مش موضوعنا دلوقتي . انا عاوزه اتعلم ناو بلايستيشن !
اجري يا روفيده اعملي بشاميل يلا يا ماما متنحيش .
معاذ متستفزنيش اخلص علمني .
اعلمك اي انتي عبيطه هل انتي عبيطه !
يووه يا معاذ عاوزه اتعلمه هيحصل اي لما تتكرم وتعلمني وتوريني مهاراتك .
مش هتعرفي ! وبعدين اشمعنا بلايستيشن ياعني ملقتيش غيره . انتي اخرك تعملي باميه اصلا .
ما انا لقيت نفسي مش فالحه فى حاجه قولت مبدهاش بقا .
تقومي تتعلمي بلايستيشن طب اتعلمي حاجه مفيده.
يا اخي انت مالك علمني وملكش دعوه .
روفيده روحي ذاكري اعملي ابحاثك اللي قربوا يخللوا جمبك . ياعني مش كفايه طالعه بمادتين معاكي كمان هتشيلي بحث .
يا ساتر يارب انت بومه والله علمني ونبي .
لما ارجع .
ما انت بتسهر لوش الصبح مع الصيع بتوعك استناك لامتي انا بقي .
ما تستني انتي ھتموتي ياعني مش انتي اللي عاوزه تتعلمي .
طيب هستناك اخرك معايا الساعه 10 ونص . وبعدين اساسا مش فيه حظر .
استني استني اساسا كل حاجه قافله انت هتروح لانهي بلايستيشن بقا انت بتحشش يا معاذ حشېش .
حشېش اي الله يحرقك هتجبيلي نصيبه امشي غوري انا رايح فى بيت واحد صاحبنا .
عموما اخرك معايا 10 ونص لو اتأخرت هقول لابوك انك بتحشش.
امشي من قدامي يا روفيده ..
سابني ومشي وانا فضلت مستنياه .
راجع الساعه 10 ونص بالظبط.
اهلا بالمحشش .
وطي صوتك .
ثانيه ايه الريحه المقرفه دي . يعع دي سجاير انت بتشرب بجد يا معاذ 
يخصك فى ايه !
انت مچنون ايه يخصني في ايه دي انت اټجننت .
ايوه بحشش عاوزه ايه انتي .
بصتله بقرف .
وانت فخور انك بتحشش .معاذ انت بتصلي !
ابعدي عني كدا يا روفيده .
سابني وقفل الباب فى وشي ودخل .
دخلت اوضتي وانا بفكر فى الحال اللي وصله ..
فضلت قاعده مش عارفه انام .وقفت فى البلكونه بالصدفه لقيت معاذ نزل وقف فى الشارع .استخبيت ولمحته دخل محل بابا وعمي .
طب دا الوقت دا متأخر الغريبه انه دخل وقفل علي نفسه من جوه ..
تاني يوم صحيت علي زعيق وخڼاقه .
طلعت لقيت بابا وعمي بيزعقوا لبست إسدالي وخرجت اشوف اي الحوار بين بابا وعمي .
اول ما شافوني سكتوا . 
فى اي يا بابا حضرتك وعمي بتتخانقوا