رواية مكتملة بقلم حبيبه مصطفى

لما كنا في الفندق
الجد سعد ان شاء الله الموضوع هيتحل.... عايز اسالك سؤال وتقولي الحقيقه
ورد اتفضل يا جدي
الجد سعد لما كنا في الفندق امير اخوكي كان بيقولك على موضوع مازن وكان بيقول ان هو معجب بيكي وان انتي برضوا معجبه به هو الموضوع ده حقيقي فعلا
ورد بخجل ممزوج بالحزن بصراحه ايوه يا جدي معجبه بيه...بس بما اني اتجوزت دلوقتي مينفعش افكر فيه خلاص
الجد سعد اكيد الموضوع صعب عليكي
ورد بحزن هحاول اتأقلم....عن اذنك هطلع عشان تعبانه
الجد بحزن اطلعي يابنتي....ربنا يسعدك
صعدت ورد الي الغرفه 
عند امير..انتهي من سرد الموضوع 
مازن بحزن و دموع ماشي يا امير ربنا يسعدها
امير بإستغراب ده ردك يا مازن
مازن بدموع اصل هقول ايه....انتوا سيبتوا ايه يتقال...انت عارف لو هيا هتكون فرحانه و هيا بعيده عني و متجوزه واحد تاني كنت هقول ماشي على الاقل سعيده في حياتها و ده اللي يهمني...لكن لا...اجبرتوها تتجوز واحد مش معجبه بيه حتي ولا تعرف تفكيره ايه...دمرتوا مستقبلها و احلامها في خمس دقايق...عارف اللي مزعلني ايه انك قولتلي انها كمان معجبه بيا يعني انا عشان واحد محترم محبيتش اخد رقمها و اكلمها او اعترفلها هيا زي ما شباب اليومين دول يعملوا تجوزوها لواحد تاني...انتوا معتقدين ان الموضوع سهل عليها...بس خلاص حتى لو مكانتش اتجوزت كده كده مكانش هيحصل نصيب بينا
امير ليه رجعت في كلامك ولا ايه
مازن بدموع مرجعتش في كلامي يا امير استحاله ارجع في كلامي اصلا عشان انا فعلا بحب اختك مش معجب بيها بس انا كنت ناوي ادخل البيت من بابه كنت ناوي اطلبها قدام ربنا قبل ما اطلبها من والدك بس خلاص كده كده مش هيبقى حتى في نصيب بينا وهتعرف بعدين بس انا بس كنت عايز واحد منكم يفكر.... يفكر حتى لو لمده خمس دقايق قبل ما يدمر مستقبلها ان يشوف الكاميرات بتاعت الفندق يشوف نيرة مشيت ازاي وبسبب مين وايه اللي عملته قبل ماتمشي لكن كلكم حكمتوا عليها بمجرد بس ما اسمها اتكتب في رساله
امير بحزن والله العظيم يا مازن انا فضلت اكلمها وكنت انا الوحيد اللي رافض فكره ان هي تتجوز زين بس اكيد ده نصيبهم واكيد ربنا عارف ايه اللي هيحصل فيما بعد
مازن بدموع هات اسم الفندق يا امير
امير ليه
مازن في حاجه لازم اعملها
امير تمام يا حبيبي....اسم الفندق 
مازن سلام
اغلق مازن وقاا لنفسه دموع 
مازن پبكاء شديد بس...خلاص مكانش في نصيب في البدايه يا مازن...حتي لو كانت متجوزتش زين مكانش هيبقي في نصيب...ياارب اسعدها في حياتها يارب و ريح بالها...وانا والله هفضل احبها لغاية اخر نفس
صعدت ورد إلى الغرفه..وجدت زين كسر جميع الأشياء 
ورد پخوف ززز...زين...ينفع تهدي عش
زين بعصبيه بسسس بسسسس انا مش طايق اشوفك انتي ايه اللي طلعك هنا انا مش طايق اشوفك قدامي انتي فااااااهمه لأن كل اللي حصل ده بسببك انتي
ورد بدموع وعصبيه مش بسببي يا زين انت ليه معتقد ان انا انسانه وحشه وانت اساسا ماتعرفنيش
زين بصوت عالي ايوووه ايووووه طلعي نفسك بقى الغلبانه والانسانه البريئه واللي اتضحك عليها دلوقتي صح.... ورد انا عارفك على حقيقتك ماااشي.... الوش البريء ده جدي يصدقه لكن انا لا لأن انا عارف كل حاجه انتي عملتيها من ورا اهلك يعني بإختصار اللبس اللي انتي لابساه ده شكل....متطلعيش نفسك الضحيه ماااشي..عشان انا اللي اتخذلت و اتكسرت النهارده...انا اللي خطيبتي مشيت وسابتني في اهم يوم في حياتنا... اناااا
ورد پبكاء وصوت عالي بسسس...مش عايزه اطلع نفسي الضحېة والله...بس خطيبتك دي تبقي اختي فاااهم يعني ايه اختي...يعني روحي ونصي التاني...يعني عرفاها قبل ما انت تعرفها...يعني انت تقدر تحب واحده تانيه غيرها و تنساها لكن انا مقدرش لأننا من نفس الام و الاب....مااشي انت اتكسرت و اتخذلت بس على الاقل وسط عيلتك هنااا...على الاقل هما جنبك و واقفين معاك...على الاقل كنت عارف ان فرحك النهارده و جاهز لده....لكن انا...اناااا ايييه انطق...اختي اللي كسرتني...انا اللي حياتها اتغيرت في كام دقيقة بس ...كان زماني دلوقتي في بيتي مع عيلتي مش مع خطيب اختي اللي بقي جوزي اساسا....انت عارف الحرقه اللي في قلبي دلوقتي عشان عرفت ان ماااازن معجب بيا...اخيرررا ربنا استجاب لدعواتي و كنت هكون مع الشخص اللي معجبه بيه اخيرررا بس انت و نيرة دمرتوا كل حاجه....اناااا مساعدتش حد ولا وقفت جنب نيرة ولا شجعتهااا...انا مش معجبه بيك حتي....انا مكنتش اتمني في يوم انك تكون شريك حيااتي انت فاهم...انا مكنتش جاااهزه لده كله....بسببكوا ابويا مش راضي عني....بسببكوا بعدت عن مازن و هو زمانه دلوقتي متدمر....على الاقل انت يومين و هترجع لحياتك الطبيعيه وسط عيلتك...لكن انا لا.....عيلتي متدمره دلوقتي بسبب نيرة...كان في خطط تانيه في دماغي...ابسطها اختار حتي فستان فرحي و دبلتي....ابسطها اعزم صحابي يوم خطوبتي لكن بسببكوا انتوا كل ده اتهد....فمش انت لوحدك اللي حزين...كلنا كمان كده فبالله عليك متبقاااااش اناااااني
تركته ورد و دخلت إلى الحمام پبكاء شديد 
ورد في الحمام 
ورد پبكاء بسس خلاص.....اهدي يا ورد اهدي و اتأقلمي مع الموضوع...هو برضوا ڠصب عنه ومن الطبيعي انه يصدق كلام خطيبته و خصوصا انها كاتبه اسمي في الورقه
هدأت ورد نفسها و خرجت إلى الخارج وجدت زين ينام على الارض فغفلت هيا على السرير 
في الصباح كانت الساعه ٩....ورد استيقظت ثم جلست على السرير فتذكرت ما حدث بالأمس....وجدت زين ينام على الارض من الامس..نظرت له بحزن..وجدت احد يطرق على باب الغرفه 
ورد جايه
فتحت الباب فوجدت سعديه العامله
سعديه بإبتسامه حزن صباح الخير يا ورد هانم
ورد هانم لا لا اسمي ورد بس معلش
سعديه لا يا هانم ميصحش
ورد معلش قوليلي ورد بس ولو حابه تدعليني مش مشكله بس متقوليش هانم دي عشان كده هتعمل فرق بيني و بينك و انا حابه اعاملك على انك والدتي ولا انتي مش عيزاني اكون زي بنتك برضوا
سعديه بإنكار لا لا مش حابه ايه ده يشرفني طبعا
ورد بإبتسامه تسلميلي قوليلي اسمك ايه
سعديه اسمي سعديه بشتغل هنا من ٢٠ سنه
ورد عاشت الاسامي يا سعدوده تقبلي اني ادلعك صح
سعديه بإبتسامه اه يا حبيبتي عادي... المهم والدتك بعتت الشنطه دي مع اخوكي امير
ورد اه تلاقيها هدومي... هو امير لسه تحت
سعديه لا يا حبيبتي ساب الشنطه ومشي
ورد اه تسلميلي يا سعدوده واسفه على تعبك معايا
سعديه تعبك راحه نص ساعه وهندهلك علشان الفطار
ورد تمام يا جميل
نزلت سعديه الي المطبخ و دخلت ورد الي الحمام اخذت دش ثم توضت و خرجت الي الغرفه وجدت زين كما هو 
ورد لنفسها هصلي و اصحيه
استيقظ زين و نظر امامه وجد ورد تؤدي فرضها 
ورد السلام عليكم ورحمه الله السلام عليكم ورحمه الله
انتهت من الصلاة 
زين ماصحتنيش ليه
ورد قولت اصلي واصحيك
زين اه ماشي
فتح الدولاب واخذ ملابسه
ثم دخل الى الحمام لياخذ دش.... بعد قليل انتهى زين فخرج من الحمام وجد ورد تنضف الغرفه 
زين سيبي كل حاجه زي ما هيا كده كده سعديه هتطلع تنضف
ورد لا لا حرام عليا و كفايه عليها تنضيف الڤيلا فمش حابه اتقل عليها
زين وهو يضع البرفان امام المرآه ااه....احممم...ورد
ورد نظرت له نعم
زين تعالي عايز اتكلم معاكي
جلس على الاريكه فجلست بجانبه 
زين اممم...معلش على اللي حصل امبارح....يعني طريقه كلامي مكانتش كويسه معاكي و طلعت عصبيتي عليكي
ورد بص يا زين انا عارفه انه ڠصب عنك وانا متفهمه ان امبارح كان يوم صعب جدا عليك خصوصا اني معرفش نيرة مفهماك ايه عليا... يعني خطيبتك كذبت عليك وكتبت اسمي في الورقه على اني ساعدتها تهرب وطبعا انت واثق فيها فمن الطبيعي انك مش تثق فيا
زين فعلا كان يوم صعب والله ومكنتش عارف انا بعمل ايه
ورد بإبتسامه انا كمان اسفه عشان طلعت عصبيتي عليك بس كان ڠصب عني خصوصا انك عارف انا مريت بإيه أمبارح... وشكرا ليك عشان اعتذرتلي و اعترفت بغلطك
زين عايز اسألك سؤال
ورد اتفضل
زين هو انتي معجبه بمازن فعلا
ورد ااا...بصراحه ايوه يا زين و كنت هفرح لو كان من نصيبي بس خلاص انا دلوقتي اتجوزت و مينفعش افكر فيه
زين ااه...تمام يا ورد و من دلوقتي نحاول نبقي اصدقاء احسن ما نكون اعداء
ورد بإبتسامه اتفقنا....يلا ننزل عشان الفطار
زين بإبتسامه يلا
في الفندق... فتحت نيره الباب فوجدت لؤي امامها ويقول 
لؤي صباح الجمال على اجمل الناس
نيرة بإبتسامه صباح الورد
لؤي هااه مش هتنزلي عشان الفطار
نيرة هغير هدومي اهو و انزل
لؤي تمام هسابقك انا على تحت
نيرة ماشي يا حبيبي
في منزل محمد....كان الجميع يجلس على السفرة 
جميله بحزن يعني مشوفتهاش يا امير
امير لا يا ماما مشيت على طول
محمد كويس برضوا.... عايزين الفتره دي نبعد عنهم لغاية ما الاوضاع تهدي
جميله بحزن الحمد لله شبعت
دخلت إلى غرفتها و جلست تبكي بحرقه علي بناتها 
في الڤيلا كان الجميع يجلس علي السفرة و كانت ورد تجلس بجانب زين 
ثناء بصوت عالي ياااا سعديه ما تنجزي ايه التأخير ده
عنود اووووف بقي بجد الواحد زهق
ورد احممم...عن اذنكوا ه
ثناء بمقاطعه والله ! يعني ايه عن اذنكوا.....دي قلة ذوق انك تقومي من على الفطار كده...احنا هنا كلنا بنفطر سوا مش زي بيت ابوكي
ورد بإحترام على فكره انا بقول عن اذنكوا عشان قايمه اساعد سعدوده...قصدي سعديه...مش عشان الاكل اتأخر...ونصيحه مني ليكي يا طنط ثناء متحكميش علي الناس بسرعه و تظني بيهم سوء...عشان بتاخدي ذنب.....عن اذنكوا
تركتها ورد ولم تترك لها مجال للكلام....و ابتسم الجميع
في المطبخ 
ورد عايزه مساعده يا سعدوده
سعديه لا يا ورد تسلميلي
ورد لا لازم اساعدك...قوليلي اعمل ايه
سعديه بإبتسامه معلش حطي مربي و اومليت
ورد عيوني حاضر
بعد قليل كانت السفرة جاهزه بمساعده ورد لسعديه و جلست ورد بجانب زين ثم بدأ الجميع بالفطار 
بعد انتهاء الفطار جلس الجميع في الجنينه يشربون القهوه 
الجد سعد تسلم ايدك يا ورد
ورد تسلم من كل شړ يا جدي
سندس يا جماعه لازم نعمل حفله ترحيب ب ورد و نعزم الضيوف
سمر اه كنت لسه هقول كده...عشان برضوا محدش يشك في حاجه
سليم والد زين ايوه يا جماعه صح....ايه رأيك يا بابا
سعد الله تمام اعملوا الحفله النهارده و اعزموا الضيوف اللي كانوا في الفرح
سندس ماشي
ذهبت سندس مع سمر إلى الصالون كي يتصلوا علي المعازيم 
زين للشباب يعني مفيش شركه النهارده
رويه احسن الواحد كان عايز ياخد اجازه
رغد اه والله
اسيا طب هنلبس ايه في الحفله النهارده
رويه ايووه صح...لازم ننزل المول يا جماعه... وخصوصا لازم نجهز العروسه ثم غمزت لورد ولا ايه رأيك يا جميل
ورد ماما بعتت هدومي مع امير النهارده الصبح فهلبس فستان من عندي وخلاص و اساسا الحفله مش هتطول
اسيا لالا مفيش الكلام ده...الكل النهارده عينه هتبقي