رحمه وسيف

!! 
ده لو الموضوع اقساط !!! 
هو اكيد مش هيفكر في بيع العربيه علشان تلاته او اربع تلاف جنيه مثلا !! 
_ انا مش فاهم حاجه الموضوع ده شكله كبير هو لو علي الكام الف دول كان ممكن يستلفهم من اي حد عادي !!
مش عارفه يا احمد طيب حاول تعرف منه بالطريقه كده ومتبينلوش انك سمعت عن حاجه او ان حد قايلك حاجه .
_ حاضر هشوف الموضوع ده وهبقي اكلمك 
قفلت هند من احمد علي الجانب الاخر رحمه قاعده مخنوقه في اوضتها وبتفكر في سيف دخلت عليها والدتها 
الجميل
بيفكر في ايه !!.
ها ... لا ولا حاجه يا ماما 
_ مالك يا حبيبتي حد مزعلك 
لا يا ماما مفيش مرهقه من الكليه بس وكده 
_ طيب ايه مرديتيش عليا يعني ! 
علي ايه !! 
_ اقول ل علي واهله ايه 
علي مين يا ماما ! 
_ علي العريس يا حبيبتي الدكتور 
بتنهيده تاني نفس الموضوع برضو !! 
_ يا بنتي وعلي فيه ايه وحش جمال واخلاق وعيله ومال ودكتور شاطر 
معظم اللي قولتيه ده ميفرقش معايا يا ماما انا مش هتجوز بالطريقه دي 
_ امال هتتجوزي بأنهو طريقه يا رحمه 
اي طريقه غير دي يا ماما مش هتجوز صالونات يا ماما والشخص اللي هرتاحله هوافق عليه يريت تفهميني بقي 
_ ترتاحيله ازاي وانتي مكملتيش جنبه خمس دقايق انتي لحقتي مترتاحيلوش يا رحمه ! 
يا ماما كل واحد في الدنيا بيبقي راسم ملامح فتي احلامه وكاتب مواصفاته في مذكراته الخاصه ممكن يجي واحد مفيهوش حاجه واحده من فتي احلامه ده بس اول ما يشوفه يقول هو ده اللي انا عايزه وانا الشخص ده لسه مقابلتهوش يا أمي 
_ بس يا بنتي انا عايزه افرح بيكي !!
وانا والله يا ماما نفسي افرحك وافرح انا كمان بس مش علشان فرح يوم اندم باقي سنين عمري !! 
هيجي يا ماما اليوم اللي هنفرح فيه وهييجي الشخص المناسب في الوقت اللي ربنا كاتبه فيه مټخافيش 
_ طييب انا قولت اخد رأيك يمكن غيرتيه ولا حاجه قبل ما ارد علي الناس 
تمام يا ماما 
الناحيه التاني رن احمد علي سيف 
اه يا سيف عامل ايه يا حبيبي 
_ تمام الحمد لله يا ابو حميد 
احسن شويه عن امبارح .... 
_ اه الحمد لله بقولك ايه كنت عايز اطلب منك طلب كده 
يسلاام انت تأمر يا حبيبي 
_ كنت سمعتك مره كده بتكلم حد علشان تغيير العربيه بتاعتك من عنده 
ده امتي ده !! 
_ اخر مره بدلت عربيتك فيها من ٦ شهور تقريبا 
اااااه ده ابن عمي معاه صاله وبيبدل عربيات وكده بس ليه !! 
_ مش بيشتري يعني بدل بس !! 
بيشتري عادي بس ليه برضوو ! 
_ اصل .... 
اصل ايه يا سيف اوعي يكون اللي في بالي !
_ هو اللي في بالك انا عايز ابيع العربيه 
بدهشه تبيع العربيه !!!!! 
تبيعها ازاي مش العربيه دي غاليه عليك وبتاعت والدك الله يرحمه تبيعها ليه ايه السبب 
بحزن _ النصيب بقي يابو حميد 
والدتك موافقه علي الكلام ده دي اغلي من روحها دي بالعافيه وافقت انك تمشي بيها يا سيف !! 
_ والدتي متعرفش اني هبيعها اصلا 
ينهار اسود طيب انت عايز تبيعها ليه ! 
_ ها ... موضوع كده يا احمد 
ايوه ايه الموضوع برضو معرفتش .
_ بعدين ... بعدين 
علي فكره ممكن ارن علي تليفون البيت واعرف من والدتك 
_ اصلا امي متعرفش اي حاجه عن الموضوع ده 
ده موضوع كبير بقاا !! 
_ مش بالظبط .. سيبها بوقتها يا احمد واكيد هتعرف 
مش هقفل يا سيف غير لما اعرف في ايه مش يمكن في حل غير بيع العربيه !! 
_ هو ده الحل اللي هيريحني 
يا عم احكي بقااا في ايه قلقتني ... 
_ مفيش يا احمد 
سيف !!! 
_ نعم 
لو مقولتش في ايه دلوقتي اعتبر دي اخر مكالمه بينا 
بعياط _ متضغطش عليا يا احمد ارجوووووك 
انت بټعيط يا سيف !! 
احكيلي ارجوك متقلقنيش عليك يا سيف ابوس ايدك 
_ حاضر هحكيلك بس محدش يعرف الموضوع ده غير انا وانت يا احمد مش حابب حد يعرفه 
متلقش يا سيف احكي بقي بالله عليك 
بعياط _ يا احمد انا ..........
يتبع
احمد ميه بسكر بسرعه يا طنط طنط !!! 
شيلي معايا يا هند ميه بسكر يا رحمه المطبخ علي ايدك اليمين 
رحمه حاضر 
سيف ماما يا ماما 
احمد هي كويسه بس تلقاها دايخه شويه 
جابت رحمه الميه بسكره عدلوا ام سيف وسقوها شويه بدأت ترجع لوعيها تاني 
احمد خضيتينا عليكي يا ست الكل 
سيف مالك يا ماما انتي تعبانه نوديكي للدكتور يا حبيبتي ..!! 
بحزن _ انت مخبي عليا كل ده يا سيف !
بص سيف لاحمد مخبي ايه يا ماما !! 
_ انا سمعت كل حاجه
يا سيف ارجوك كلمني بوضوح 
سيف طيب انتي عايزه تعرفي ايه يا ماما 
احمد بعد اذنك يا رحمه انتي وهند 
سيف لا يا احمد سيبهم 
انا تعبان يا جماعه وحصلي اصابه في دماغي ممكن تأثر علي المخ وعلي حياتي قريب جدا مش هاخد اي مساعده من حد مهما كان مين او علاقتي بيه ايه انا هكمل لوحدي علشان لو حصل اي حاجه لقدر الله ميبقاش في اي ديون او ضغط علي والدتي من بعدي 
بعياط_ متقولش كده انت كويس مفيكش حاجه يا سيف انت كويس يابني 
سيف لا انا مش كويس يا ماما ودي الحقيقه انا هبيع العربيه 
باستغراب _ عربية .... عربية ايه !!!
سيف العربيه بتاعت بابا الله يرحمه 
_ بس يبني .. 
سيف بس ايه يا ماما عندك حل تاني ! 
_ بلاش العربيه يا سيف ناخد قرض او سلفه 
سيف ولو حصلي حاجه في العمليه حضرتك هتقدري تسدي مبلغ زي ده !! 
_ ان شاء الله مش هيحصل حاجه يا حبيبي 
سيف وافرض حصل 
رحمه لو حصل وده بعد الشړ عنك احنا مش عايزين المبلغ يا سيف 
بص سيف لرحمه بصة ڠضب 
لا يا ست رحمه متشكرين مش بنقبل صدقه من حد 
حست رحمه بالۏجع من كلام سيف وقالت بعياط 
انا متأسفه جدا بعد اذنكم وخرجت 
خرجت وراها هند 
_ ليه يابني كده تزعل صحبتكم دي جزاتها اللي حابه تساعدك !! 
سيف بزعيق مش عايز حد يساعدني لو سمحتي يا ماما 
خد يا احمد مفاتيح العربيه اهي وزي ما اتفقنا 
ام سيف حست كأن سيف بيقدم روحها لاحمد 
_ يا سيف .... 
نظر احمد لام سيف وغمزلها سكتت ام سيف 
احمد حاضر يا سيف هنبيع العربيه 
خرج احمد وخرجت وراه مامت سيف وكأنه واخد روحها معاه 
بعياط _ احمد ...
وقف احمد وباس علي دماغها 
عارف والله يا ماما عارف يا ست الكل بس ابنك دماغه ناشفه انا جاتني فكره وعلشان كده غمزتلك 
قامت هند وبصت رحمه ليهم وهي قاعده 
بنظره أمل _ فكرة ايه يا احمد ! 
احمد انا هركن العربيه عندي في القراش وهقوله اني بعتها وهجبله صوره من مبايعه مزيفه وانا اللي هدفع فلوس العمليه 
_ بس يبني .. 
احمد بس ايه يا ماما سيف ده اخويا اللي ربنا مكرمنيش بيه من ابويا وامي وانتي امي ومكان امي الله يرحمها 
_ الله يرحمها يا حبيبي 
احمد خدي بقي خلي دول معاكي 
بكسره _ والله يابني مستوره ماله لزوم الكلام ده 
احمد علي فكره عارف انها مستوره خلي
بس دول معاكي احتياطي منعرفش بكره مخبيلنا ايه 
_ ماشي يا احمد اوعي يابني العربيه دي اخر حاجه من ريحة الحبايب 
احمد والله يا ست الكل ما تخافي 
_ ده العشم برضوو يحبيبي 
احمد اوعي بس تجيبي سيره قدام سيف 
_ يووه هو انا عبيطه !! 
احمد حاش لله يا ست الكل احنا هنمشي بقي خلي المفاتيح بتاعة عربيتي هنا هبعت حد ياخدها دلوقتي ماشي 
_ ماشي يابني مع السلامه مع السلامه يا قمرااات 
هند سلام يا طنط 
_ اوعي يا بنتي تكوني زعلتي من سيف سيف طيب وميقصدش بس هو ربنا يعينه علي اللي هو فيه ده 
رحمه لا يا طنط مزعلتش ولا حاجه انا عارفه ومقدره ده كويس اوي 
_ ربنا يباركلك يا بنتي 
رحمه ويباركلنا فيكي يا قمر سلام 
_ سلام سلام يا هند سلام يا احمد خلوا بالكم منها وخلوا بالكم من نفسكم 
هند سلام يا طنط 
احمد سلام يا ماما كوتشاتها في عنيا مټخافيش 
_ هههه تسلملي عنيك يا حبيبي 
مشيوا هما التلاته وركبوا عربيه سيف واحمد ساب عربيته مكانها وصلوا رحمه الاول وكملوا هما مع بعض قجأه احمد وقف بالعربيه 
ايه ده وقفت ليه يا احمد !! 
احمد كنت عايز اقولك علي حاجه كده يا هند 
هند قول يا حبيبي في ايه ..!!
ممكن فرحنا يتأجل شويه 
_ مهو متأجل لبعد الامتحانات !! 
لا ممكن يتأجل سنه من دلوقتي 
_ ليه كده !! 
المبلغ اللي هديه لسيف عشان يعمل العمليه ممكن يأثر شويه وممكن ربنا يفرجها من عنده وميأثرش انا بقول ممكن مش اكيد يعني 
_ مفيش مشاكل يا حبيبي اهم حاجه سيف يقوم بالسلامه 
انتي زعلتي !! 
_ اكيد طبعا واي بنت مكاني هتزعل يا احمد بس برضو سيف اهم من
اي حاجه مش مهم الفرح يتأجل عادي 
متأكده !! 
_ طبعا متأكده يا احمد ايه اللي انت بتقوله ده ده برضو صاحبنا اذا كان انت اللي صاحبك من اربع سنين بس بتعمل كل ده علشانه انا سيف ده زميلي من ثانوي يعني عشره ومكانش بيقصر معانا في اي حاجه لازم نردله الجميل ومنسيبهوش لوحده في اللي هو فيه ده 
اوك يا حبيبتي 
ومشي احمد ووصل هند لبيتها وطلع علي بيته 
_ رحمه رحمه 
نعم يا ماما 
_ عايزاكي يا حبيبتي ثواني 
نعم يا ماما في ايه 
_ اقعدي هنا 
حاضر اهو في ايه !! 
_ مالك يا حبيبتي حالك مش عاجبني اليومين دول فيكي ايه !!
مفيش يا ماما مرهقه شويه مش اكتر 
_ لا ده مش ارهاق احكيلي متخبيش عليا في ايه 
مفيش والله يا ماما 
_ متأكده يا رحمه !! 
اه يا ماما متأكده متحطيش في بالك 
_ ماشي يا حبيبتي 
قامت رحمه ودخلت اوضتها علشان تنام لقيت سيف بيرن عليها 
الو ايوه يا سيف 
سيف ايوه يا رحمه عامله ايه 
رحمه الحمد لله 
سيف اوعي تكوني زعلتي 
رحمه زعلت !! 
كلامك ضايقني يا سيف يعني ايه مش بتقبل صدقه انا هتصدق عليك يا سيف ..!! 
انت مش عايز تشيل فكرة الفرق دي من دماغك !! 
سيف مش قصدي والله انا مش عارف انا قولت كده ازاي وانا اسف يا ستي مكنتش اقصد والله حقك عليا 
رحمه انا علي فكره مقدره ده كويس ومتتأسفش تاني لو سمحت 
سيف حاضر يا حبيبتي بس انتي كنتي قمر اوي النهارده 
رحمه بخجل انت اللي عيونك قمر بتشوف كل حاجه حلوه 
سيف انا برضو اللي عيوني قمر ولا انتي اللي عسل 
رحمه بس بقي علشان بتكسف ويلا شد حيلك علشان تقوملنا بالسلامه 
سيف ان شاء الله ادعيلي يا رحمه 
رحمه بدعيلك والله في كل دقيقه تقريبا 
يلا بقي اقفل علشان متتعبش وهبقي اكلمك بكره تاني 
سيف ماشي يا حبيبتي هتعوزي حاجه طيب 
رحمه لا يا حبيبي عايزه سلامتك انت عايز حاجه !
سيف عايز سلامتك يا قلبي 
رحمه بحبك علي فكره 
سيف وانا بمۏت فيكي علي فكره 
رحمه سلام يا حبيبي 
سيف سلام 
نامت رحمه واول ما صحيت الصبح رنت علي هند 
ايوه يا هند رايحه الكليه النهارده !
لا مش قادره مرهقه شويه انتي هتروحي !
_ لا مش هروح متعرفيش احمد دفع فلوس العمليه ولا لا !!
انا لسه صاحيه دلوقتي مكلمتوش ثواني هرن عليه وادخلك في المكالمه معانا 
_ اوك ماشي 
........ احمد الو ايوه يا هند 
هند ايوه يا احمد رحمه في المكالمه معانا 
احمد بسرعه في ايه...!!
هند في ايه مالك مستعجل كده رحمه كانت عايزه تعرف دفعت فلوس العمليه ولا ايه .
احمد سيف تعب فجأه وانا معاه في المستشفي 
رحمه تعب .. تعب امتي ماله مستشفي ايه 
احمد محدش ياجي هو تعب وهيبقي كويس 
رحمه ازاي محدش ييجي انا جايه انتوا في مستشفي ايه !! 
احمد انا قولت محدش ييجي وخلاص سلام 
رحمه الو الووو هو قفل يا هند !
هند اه قفل خلاص يا رحمه هو هيبقي كويس متشغليش بالك 
رحمه انا عايزه اروح يا هند رني عليه تاني لو سمحتي 
هند يبنتي بطلي عياط هو هيبقي كويس وهو لو تعبان أوي كان احمد قال تعالوا اكيد 
الدكتور خرج واحمد وام سيف جريوا عليه 
احمد في ايه يا دكتور طمني عليه 
الدكتور للاسف ......
يتبع 
البارت الثامن 
رحمه_سيف 
مستني رأيكم