زوجتي من القاصرات بقلم ايات الرحمن

يلا ومسكت ايديها ومشيت
ممكن افهم ايه دا عشان انا مش هيهمنى واقسم باللي خلقنا جميعا هطلقها دلوقتي لو مافهمتنيش كل حاجه
تعالي معايا
دخلنا اوضة دى مخصصه للضيوف وبدء يحكى
ورد عندها 13 سنه هى مش تعبانه ولا حاجه زى الناس مابتقول هى كويسة بس هى بنت واحده ومفيش غيرها اهلها كانوا بيسيبوها تلعب وتفرح بطفولتها لحد ما ابوها جاله تعب وحش وفقدوا الامل في علاجه وكان نفسه يفرح بيها قبل مايموت
كنت محدد موعد زواجك والبلد كلها عارفه
بس قبلها اكتشفت ان خطيبتك تعرف غيرك واحد واثنين وثلاثه
فمكانش ينفع تتزوجها مفيش حد كان جاهز يزوج بنته في يومين غير والد ورد خطبتها ليك هى 13 وانت 24 يعنى فرق عادى مش بينكم كتير اوى
نفخت لدرجة ان حسيت ان كل الطاقات السلبية اللي جوايا اتمحيت
عارف ان انت مش مصدق الحكايه بس لو ابوها كان ماټ قبل ما يزوجها كان اخواته سابوها لكلاب الشوارع
قومت من قدامه من غير ولا كلمه
وطلعت فوق وانا كاتم صرخاتى بالعافيه ومستنى لما اطلع فوق واطلع كل الاااااامى واوجاعي في اى حاجه قدامى حتى لو هكسر اللي في الاوضه عشان ارتاح فتحت الباب بسرعه وانا مش شايف من كتر الدموع اللي مغطيه عيونى دخلت وقفلت الباب ولسه بلف عشان ابدء اكسر اى حاجه قدامى عشان ارتاح واطلع اللي جوايا
لقيتها قدامى
كانت زى الملايكه وهى لابسه اسدال الصلاه وواقفه علي السجاده وبتصلي بسرعه كبيره اوى خلصت صلاه وانا واقف مكان
انت مش هتصلي يامازن صلي عشان ربنا يحبك
وسابت السجاده عشان اصلي ونزلت
اتوضيت وصليت وانا بشكى حالي لله
خلصت صلاه ومن التعب نمت وصحيت على لمسة ايد بفتح عيونى بتثاقل لقيتها قدامى ومڼهاره وبتقولي الحقنى بابا م١ت
صحيت علي ايد بتلمس وجههى لقيتها واقفه قدامى وبتعيط وبتقول الحقنى بابا م١ت
ماكنتش عارف اعمل ايه قومت بسرعه معاها وروحنا علي بيت اهلها تقريبا بيتنا كله كان هناك
اول ماوصلنا بيت اهلها كان فيه ناس كتير اوى من البلد
وناس بتصرخ وناس بتبكى وهى اول مادخلنا رميت نفسها عليه وفضلت تقول
ماتسبنيش يابابا انا ماليش حد غيرك دلوقتي خليك معايا ماتمشيش ارجعلي تانى
ڠصب عنى اتأثرت من كلامها ودموعى بدءت تنزل ومش انا بس لوحدى اللي كانوا واقفين كلهم كانوا بيبكوا واللي كان ساكت كمان شارك
مر الوقت وجه وقت الډفن قبل مانروح بيه المسجد كشفت وشه وباست دماغه هتمشي كدا وهتسيبنى خلاص مش هشوفك تانى طب هونت عليك تسيبنى لوحدى هتمشي دلوقتي بس هتوحشنى اوى ابقي تعالي كل يوم في الحلم عشان اشوفك هستناك كل يوم لا كل شويه هنام عشان اشوفك مش توقف يوم ماتجيش فيه وهكلمك كل يوم من النجمه اللي قولت لما تروح عند ربنا هكلمك فيها وهنا اڼهارت وبصوت عالي نسبيا قالت وقول لماما بنتك نفسها تشوفك اوى خليها تيجى معاك في الحلم مره واحده وقول ليها كمان عروستى اللي جابتها ليا ماعرفتش احافظ عليها وحطيت دماغها عليه وحضنته اوى مع السلامه يابابا ماتنساش بنتك كلامها دا بجد كان كفيل يقطع قلوبنا اخدناه ومشينا وتمت صلاة الچنازة وروحنا عشان ڼدفنه وكانت عايزه تنزل معاه
بعدتها عنه بالعافيه لحد ماقفلوا عليه
كل حاجه خلصت والناس مشيت وطلعت عشان اشوفها لقيتها قاعده في مكان لوحدها ومفيش حد قاعد معاها وبتبكى بس بصمت واخوات والدها قاعد معاهم جيرانهم وبيهدوا فيهم لكن هى لوحدها
صعبت عليا اوى مش عارف اقول ليها ايه
قعدت جنبها
البقاء لله
مارديتش عليا
هى فين مامتك مين في اللي قاعدين دول
رديت وقالت ان مامتها عند ربنا بس بحزن عميق
مااترددتش واخدتها في حضڼي عشان اطمنها ان انا معاها ومش هسيبها
مهما حصل
بيمر كام يوم كدا وهى حزينه واكلها بسيط اوى وكل يوم تروح عند القپر وتترجى والدها يرجع ليها وباقي يومها نايمه عشان تشوفه
وطبعا اخوات والدها مش ساكتين وبدؤا يطلبوا ميراثهم وذادت العداوه لما عرفوا ان هو كتب ليها البيت وارضه الزراعية بإسمها ومفيش حد منهم ليه اى حاجه عندها
مؤمرات بدءت تتدبر لكن كله كان في الفاضي
مر شهرين وبدءت تتحسن وترجع مشاغبه تانى
وقدرت تتغلب علي بنت اختى واخدت عروستها منها أد ايه كانت غاليه عليها ازى كل يوم تاخدها في حضنها وتنام وتدعى لاهلها بالرحمة
كنت مستغرب من طفولتها وفي نفس الوقت ان هى بتتصرف تصرفات ناس عاقلين
يعنى بتصلي مش بتسيب فرض وبتصلي بإنتظام وبتقرء قرآن ولو في حد تعبان بتحط ايديها علي دماغه وتقرء ليه قرآن
تصرفاتها خليتنى مابقيتش قادر اسيبها تبعد عن عينى ثوانى
ماحبيتهاش بس تصرفاتها كانت بتعجبنى اوى
خلاص جيت ساعة سفري لازم اروح شغلي ماينفعش اخدها معايا لان الشقه اللي ساكن فيها مش ساكن فيها لوحدي فيها صحابي ومش عارف اسيبها لاهلها يعملوا فيها حاجه
ولا عارف اسيب شغلي انا ماصدقت اتوظفت في مكان حتى لو بعيد اهم حاجه تعبي مايبقاش في الفاضي
جهزت لبسي وحطيته في الشنطه وانا دماغى وتفكيري معاها
لقيتها خبطت ودخلت وعلي وشها ابتسامه خفيفه اوى وعيونها بتقول خليك معايا ماتمشيش
ايه ياورد انتى عايزه حاجه
لا
طب انا همشي وهكلمك كل يوم وهتطمن عليكى وهجيب ليكى العاب كتير
لا انا كبرت ومابقيتش بحب الالعاب
بابا كان بيجيب ليا العاب كتير كنت بحبها وهو خلاص مشي ومش هلعب تانى
طب ماانا هجيب ليكى العاب كتيره اوى وحلوه كمان
لا مش تجيب حاجه خلاص
حاضر ياورد انا هحاول مااتأخرش عليكى وهرجع بسرعه
هزيت راسها بحاضر جهزت نفسي وجيت خارج لقيتها واقفه ودموعها نزلت وجريت عليا وقالت
ماتسبنيش زيهم
ماتخافيش ياورد انا مش هسيبك وبصعوووبه علي ما قدرت امشي
سافرت وبدءت في شغلي عادى لكن صورتها مش عايزه تفارق خيالي
في مكان تانى
اسمعوا البنت دى ليها حل واحد طلقه في دماغها وكل حاجه تصبح ملكنا
انت بتقول ايه ياخوى عايزنا نقتلها
وعندك حل غير دا يا ذكيه
انا بقول نمضيها وخلاص
ماينفعش دى تعتبر طفله وهيبقي احنا اللي ضغطنا عليها واستغلينا طفولتها
ها معانا ولا لا
سكتت العمه وبصيت ليهم بخبث وقالت
معاكم
لا لا انا لازم الحق البت اليتيمه دى قبل مايعملوا فيها حاجه
فكرى ياسعاد فكرى هتعملي ايه في المصېبه السودا دى فكرى
لقيتها انا اروح اقول لحماها وهو يتصرف
طب افرضي روحت قولت ليه وماصدقش ولا قولت ليه وقال عليا
لا مش هيقول
طب وانتى ايه اللي يخليكى تضمنى
ماهو لو انا متعلمه كنت عملت اي حاجه بعلمى تفيدنى لكن انا مش بفهم في التليفون عشان انفذ الخطه اللي جيت في دماغي ولو طلبت من حد يساعدنى مش بعيد يقول ليهم وينقلب السحر عليا
قعدت في بيتها وفضلت تفكر ازاى تنقذ بنت اخوها من ايد اعمامها لكن كل الطرق متقفله معاها
في مكان تانى
مازن كان سافر عشان شغله وفضلت ورد مع اهله
وحيده كانت شايفه اخواته كل واحد فيهم مع زوجته وهى زوجها مش معاها برغم صغر سنها الا انها كانت شديدة الغيره
دخلت اوضتها هى ومازن وعشان الملل فتحت الدولاب وخرجت ألبوم الصور وفضلت تتفرج عليه من وقت مازن ما اتولد لحد ماكبر وكل صوره موجوده في الألبوم
رفعت صوره منهم وقربتها لعيونها وقالت
انت سيبتنى انت كمان ومابقاش فاضل ليا حد يقعد معايا ولا يلعب معايا انا زعلانه منك يامازن اوى
عند مازن
مالك يامازن من وقت ماجيت حاسك مش مركز كدا
مفيش يامالك حاسس ان ورد في خطړ
مين ورد مراتى هى مش كان اسمها قاطعه مازن لا انا مراتى اسمها ورد اه مالها هى تعبانه
مش عارف هتتصل عليها
ومسك موبايله واتصل عليها بتكون وقتها مڼهاره وخصوصا ان سلفاتها بيسيبوا ليها كل الشغل ويناموا وهى بتتهد من الشغل
فتحت الموبايل ورديت وهى مش قادره تتكلم
كان لسه بادئ يسألها علي احوالها اڼهارت وبدءت تحكى ليه علي اللي بيعملوه فيها
كان بيصبرها بكلامه العذب وبيهديها وبيطلب منها تستحمل لحد مايرجع
وطبعا هى كانت مطيعه كل ماتتعذب في شغل البيت هو كان يهون عليها بكلام يفرحها يخليها طايره وكان كل مره يوعدها بهديه
عند اعمامها بقي
البت دى لازم تيجى هنا عشان نتصرف معاها
طب هنجيبها ازاى احنا
هنجيبها من وسطيهم بكل سهوله
ازاى
هتروحوا انتوا الاتنين عند البيت واحد هيفضل تحت يراقب المكان والتانى هينزل من الشباك يحط المخدر دا علي وشها ويلفها في حاجة ويجيبها هنا
اه طب وهتعمل معاها ايه
مش وقته
لا مااحنا لازم نعرف بردوا مش هنفضل علي عمانا
هذبحها او هبيعها اعضاء ونبقي كدا كسبنا من وراها كتير
وتفتكر ربنا هيسامحكم علي كدا
ياسيتى ربك غفور رحيم
انتوا تعرفوا ربنا انتوا
انا مستحيل اشارك معاكم في الچريمه البشعه دى
مدام انتى عرفتى بكل خطاطتنا يبقي لازم تشاركى معانا والا اللي هيحصل فيها هيحصل فيكى
الليل دخل وكل واحد دخل مكانه عشان ينام وورد طلعت اوضتها ومعاها بنت اخت مازن عشان هى پتخاف تنام لوحدها
دخلوا يناموا عادى وهنا بدؤا الاعمام في التنفيذ
قامت ورد من مكانها وطلعت برا اوضتها وراحت المطبخ عشان تجيب ليهم ميه لان مفيش عندهم في الاوضه
وهنا بيدخل العم وبتكون بنت اخت مازن هى اللي نايمه من الارتباك مش بيبص في وشها وبيحط المخدر علي وشها وبيلفها في الملايه اللي علي سريرهم وبيشيلها وبينزل من الشباك
ورد شافت عمها وهو بيحط المخدر علي وجه بنت اخت مازن منسه وبيلفها في ملاية السرير وبيشيلها وبينزل بيها من الشباك
فضلت واقفه تتابعه من فتحة الباب لحد مانزل وجريت وقفت ورا الستاره وفضلت تبص عليه وتشوفه هيعمل ايه وهنا بتشوف عمها التانى واقف
مش عارفه تعمل ايه او تتصرف ازاى طب تنزل وراهم
بدءت تفكر ان هى تمشي وراهم وتشوف هيروحوا فين
لكن هما ركبوا العربيه
الخۏف بيتملكها هتقول ايه لوالدة منسه
وهيعملوا فيها ايه
ماكانش قدامها حل غير تتصل علي مازن وتقوله
لكن تليفونه كان مقفول ومش عارفه توصل ليه وبما ان هى عمرها ما مسكت تليفون فما عرفتش تبعت مسدج ازاى من الفون
يارب استرها ونزلت خبطت علي والد مازن وقالت ليه ان عمها دخل من الشباك وحط حاجه علي وش منسه ولفها في الملايه وشالها ونزل بيها من الشباك
اهو دا اللي كنت عامل حسابه بس ماكنتش اعرف ان هى هتوصل بيهم يدخلوا بيوت الاشراف وياخدوا منها بناتهم
واللي خلق الخلق لاندمهم علي عملتهم دى وابكيهم بدل الدموع ډم
بنتى ضاعت منى يابوى منسه كدا خلاص راحت منى وكله بسبب مين بسببك انتى ياعقربه وشديت ورد من شعرها بقوه
نهاااااا سيبيها مش وقتك
مش وقتى ازاى بنتى اتخطفت وبسببها وبتقولي مش وقتك لا دا وقتى ودا وقتى
وبقوه جامده زقييييت ورد علي الارض وقالت
وقسما بالله العلي العظيم لو بنتى حصل ليها حاجه لأكون قاطعه خبرك وخبر اللي جابوكى علي الدنيا
هههههه واخيرا الكنز بقي في ايدينا ههههههه دا احنا النهارده بعد مانموتها لازم