وتميل القلوب لمن يريدها
موج يا بيه!
_اسمك حلو اوي بيشبه لقلبك
ابتسمت....
ابتسم و قام وقف _ تعالي معايا
كنت اول مرة اشوف ابتسامته يلهويي ده قلبي هيطير من كتير الدق امال لو ضحك بقا !! مشيت وراه لحد ما طلعنا فوق
ايدا ايدا!!! الحقوا ده واخدني للاوضة اللي منعني أدخلها
بصلي و شاف علامات الدهشة علي وشي و اخد نفس و فتح الباب كان ضلمة جدا لحد ما فتح النور فضلت
_ادخلي يا موج
دخلت و رجلي بتقدم خطوة و بتبعد عشرة وقفت و تنحت مكاني
دخلت و فضلت ابص حواليا الاوضة كانت مليانة تراب حرفيا كلمة مليانة دي قليلة عليها في عبايات واحدة ست محطوطة ف كل مكان و صور ست و راجل كبير متعلقين في كل حته
وقفت جنبه و بصتله بدهشة و استغراب كبير _ مين دول
بصلي و بدأ يتكلم من خمس سنين في واحد اسمه بحر كان خلص ثانوية عامة بمجموع كبير و ظروف اهله مسمحتش له انه يكمل تعليمه في كلية كبيرة عمه بعتله انه يسافر يشتغل معاه بره سافر و اشتغل كتير و تعب اكتر و ربنا كرمه و قدم علي منحة و اتقبلت و كمل في كلية الهندسة زي ما والده كان عايز و فضل مخبي علي اهله لحد ما ينزل و يفجأهم و نبه علي عمه ميقولش لهم و بعد ما خلص الكلية بتقدير امتياز و بعد الحاح شديد قدر ينقل شغله من بره لمصر في نفس الشركة و حضر شنطته و كان نازل يفاجأ اهله بالفرحة الكبيرة دي و لما نزل اكتشف انه اهله اتوفوا في حاډثة من شهرين و جده و قرايبه و أصحابه خبوا عليه حتي عمه اللي كان معاه بره !
متخيلة متشوفيش اهلك من خمس سنين غربة و لما ترجعي تلاقيهم في كفن جوا قبر ملحقتيش حتي تودعيهم ! قطعت كل أصحابي كل قرايبي حتي شغلي بقيت اتابعه ف الموب و لما كنتي بتمشي كنت بدخل انام هنا بين حضڼ شوية الصور الباقية منهم و شوية الذكريات اللي عمري سمحلي اعيشهم معاهم .
بدأت اعيط علي خنقة صوته
_لا انتي مينفعش تمشي مني زيهم مينفعش تسبيني!
انا يا بيه
_اسمي بحر بس فاهمه اسمي بحر بس انتي الشخص الوحيد اللي بدأت احس انه سبب عشان اعيش
عشانه لما بعدتي يومين مكنتش بعرف انام فيكي منهم نفسك ف الاكل زي ماما طريقتك في القهوة زي طريقة بابا حتي تتطبيق للهدوم زي ماما شايفك حتة منهم حاسس اني عايز احميكي دايما لما كنتي بټعيطي كنت بحس بنغزة ف قلبي و اني مقصر ف حقك ف ايه م عارف بس كل اللي اعرفه اني بحب..
صوته علي _قولتلك اسمي بحر
مينفعش يا يا بي..بحر
_ ليه مينفعش ليه !
عشان انت بيه انا خدام..
قرب عليا و مسك دراعي الاتنين_ اوعي تقولي الكلمة دي تاني
مينفعش اهرب من حقيقتي يا بحر احنا عايشين في بيت واحد بس كل واحد له عالم تاني مش شبه التاني انا خدامة وانت بيه .
_و انا عايز ادخل العالم بتاعك عايز اكون معاكي دايما عايزاك جانبي و عايز احميكي و احمي اخواتك و اهلك و اكون كل حاجه اتحرمتي منها من وقت ما والدك اټوفي
بص في عيوني اوي
_بحبك
هيقولوا حب خدامة
_ بحبك
هيقولوا البشمهندس المتعلم المتنور أتجوز جاهله
_بحبك
هيقولوا..
حط ايده و بص لعيوني عن قرب
_ بتحبيني
بصيت للارض بكسوف شال ايده و ع راسي
_بتحبيني
بعد خطوة واحد نفس و اداني ضهره قربت من ضهره برغم طوله مسكت فيه بقوة كبيرة من غير ما اتكلم كنت حاسة بدقات قلبه جوا حضڼي
أتنفس براحة و طبطبت بأيده علي ايدي اللي
_و انا كمان بحبك
تعرفي نفسي ف ايه
اخدت نفس _ ايه !
كوباية قهوة نشربها سوا و عارف
لو الفنجان اتكسر
_هتقطع رجلي
هحطك جوا قلبي و اقفل عليكي
تمت بحمد لله
التاني والأخير
