العانس بقلم نوني الهواري

معتز هي جاية حالا

معتز..على مهلها ياعمي

عزت بصوت عالي..حضري الفطار ياام احمد

وذهب الى البلكونة

زينب من المطبخ

بصوت واطي..فطار ايه بس مش لما نعرف عايز البت فأيه لكن

قالت بصوت عالي..حاضر يا خويا شوية بس ويكون جاهز

خرجت نسرين من غرفتها تنظر ارضا وصلت عند معتز

نسرين دون اي تعبير على وجهها..السلام عليكم وجلست بعيدة عنه

معتز..وعليكم السلام 

نسرين بجدية ..نعم بابا قالي انك عايز تتكلم معايا اتفضل

كم كانت طريقتها جافة مما زاد توتره لكنه اصر أن يكلمها ويفهم منها كيف تغيرت من ناحيته يالهو من عدل ان تتغير الاوضاع ويصبح الضعيف قوي ويصبح القوي ضعيف كم مرة كلمها بنفس جفائها الان كم مرة تعامل معها ببرود كم مرة استهان بمشاعرها كم مرة حاولت التقرب منه وهو يصدها مرت ثواني وكأنها دهر لايستطيع الكلام وكأن الكلمات هربت من على لسانه

نسرين ..لوسمحت تقدر تتكلم اتفضل

معتز بلع لعابه بصعوبة فطريقتها توتره قال بصوت متحشرج..نسرين انا عايز اعرف ايه اللي غيرك من ناحيتي 

شعرت نسرين بالڠضب من نفسها فهي من وضعت نفسها بهذا الموقف السخيف هي من عرضت عليه مشاعرها وهو كان لايشعر بها ويصدها والان يطالب بهذه المشاعر ويريدها

نسرين بأحراج..انا متغيرتش ولا حاجة انت ابن وزي احمد بالضبط وهتفضل كدا عمري كله لحد ما اموت احنا متربين مع بعض انا بس بقى فيه تحفظ بس في التعامل و دا لانك مش من المحارم بس هو دا اللي اتغير

معتز يفهم انها تحاول التهرب من الاجابة على سؤاله..انتي فاهمة قصدي كويس بلاش تدخلي التزامك في الموضوع انا عارف كويس انك بت.....

لم يكمل كلامه 

قاطعته نسرين عقدت حاجبيها پغضب وقالت بحدة..لو سمحت الموضوع دا انتهى بالنسبة ليا من زمان من سنين من قبل حتى جوازك بداليا بكتير اوي انا فهمت نفسي كويس وفهمت اني كنت صغيرة وطايشة وشعوري دا كان بسبب العشرة والتعود وانك دايما قدامي مش اكتر ودا اللي صورهولي عقلي 

معتز اتسعت عيناه پغضب من كلامها يرمقها بنظرات ڼارية وقال بعصبية..يعني خلاص مش عايزاني عشان عقلك كان مصورلك انك بتحبيني وخلاص كبرتي وعقلتي ولا عشان البيه اللي متقدم لك اغنى واحلى مني اكيد هيكون حبك ليا وهم

صدمت نسرين من كلامه كيف يفكر فيها بهذه البشاعة وانها تجري وراء المال والشكل لما هو مصر على جرحها سابقا والان ماذا يريد منها هي لاتفهم كادت دموعها ان تنزل لكنها سيطرت على نفسها فهي الان في الموقف القوي وليس الضعيف مثل السابق

اخذت نفس عميق تحاول السيطرة على نفسها فهي بعد كلماته تسارعت دقات قلبها وعلى صوت انفاسها من شدة ڠضبها منه..انت ازاي تفكر اني ممكن اكون كدا وبعدين انت عايز مني ايه بالضبط

معتز بهدوء ..عايز اتجوزك انتي بنت عمي وانا اولى بيكي

نسرين اتسعت عيناها بذهول ومطت جانب شفتيها بأبتسامة ساخرة ..ياسلام بنت عمك وزمان كنت ايه ولو مراتك موجودة دلوقتي معاك كنت بردو هفضل بنت عمك اللي انت اولى بها تغيرت نبرة صوتها للڠضب.. للاسف انت إنسان اناني اوي محدش يهمك غير نفسك وبس زمان لما كان في داليا كنت بتتكلم معايا بطريقة وحشة اوي ودايما بتحاول اهانتي ودلوقتي فاكر انك لما تشاور لي هجري عليك مش كدا اراد معتز ان يتكلم و يقول لها انه يحبها ونادم انه لم يفهم مشاعرها لكنها لم تعطيه فرصة للكلام واكملت كلامها وحتى لو مكنش حد اتقدم ليا عمري ما كنت هوافق عليك حتى لو هعيش عمري كله كدا وقفت عن مكانها وقالت..اظن كدا مفيش كلام يتقال ياابن عمي عن اذنك ودخلت غرفتها واغلقت الباب 

عزت يتابع كل شئ وسمع كلامهم كله ولم يجد خطأ في كلامها فهذا هو تفكيره ايضا قام من مكانه وذهب الى معتز الذي شلته الصدمة والذهول من كلام نسرين فهو لم يتوقع ان تكون بتلك القوة وتقول لهو هذا الكلام

عزت..يالا يازينب فين الفطار 

زينب..حاضر اهو جاهز

معتز ..احم احم طب استاذن انا ياعمي 

عزت..خليك افطر معنا 

معتز..لأ انا فطرت قبل ما انزل عن اذنك

عزت..اتفضل يابني

خرج معتز واغلق الباب خلفه وجلس على السلم مرة اخرى لكن هذه المرة يبكي كطفل صغير تركته امه ويبكي على حاله وعلى طفلته اليتيمة وامها مازالت على قيد الحياة وقال لنفسه..انا بحبها ومستحيل افرط فيها بسهولة مفيش حد

هيحبنا زيها 

فاق من شروده على صوت عصام وعبير التي كلمتها زينب واخبرتها وجاءت لتعاونهم 

عصام بقلق من شكل معتز وعيونه الحمراء ودموعه الواضحة..مالك يامعتز قاعد كدا ليه 

معتز انتبه لهم فهو لم يشعر بهم الا عندما تكلم عصام..لأ مفيش بس زهقان شوية 

عبير..هو انت معندكش شغل انهاردة ولا ايه

معتز..واخد اجازة قولت يمكن عمي يعوز حاجة ومحمد واحمد بعيد

عبير بشك فشكله غير مطمن ..طب ربنا يخليك اكيد انت زي احمد ومحمد وعقبال ما تلاقي بنت الحلال اللي تسعد قلبك 

معتز..طب عن اذنكم وصعد الى شقتهم

نظر عصام ل عبير..انتي مصدقة الكلام دا زهقان ايه دا كان بيعيط

عبير ..عندك حق بس هيعيط ليه

عصام..وانا اش عرفني يالا خبطي وادخلي خليني أروح شغلي 

طرقت عبير الباب ودخلت هي واطفالها وسلمت عليهم وشعرت من شكلهم ان هناك خطب ما ذهب عصام وبدات عبير بتنظيف الشقة وأرادت نسرين مساعدتها 

عبير..لأ انتي عروسة روحي حطي مسك على وشك وخيار على عيونك ومال وشك انتي كنتي بټعيطي ولا ايه

وامسكت يدها وسحبتها خلفها ودخلت غرفة نسرين واغلقت الباب لتعرف مابها

عبير..في ايه مالك شكلك حزين كدا ومعتز كمان بيعيط على السلم هو في ايه

صدمت نسرين عندما سمعت ان معتز يبكي فهي شعرت انها احرجته بكلامها فسكتت ولم ترد

عبير تريد معرفة ماحدث فسكوتها وتفكيرها يؤكد ان حدث شئ..يابنتي مالك احكي انا اختك مالك هو العريس مش عجبك ولا ايه

نسرين..لأ الحكاية مش كدا وحكت لها ما حدث امس مع والدتها وبكاءها وما حدث اليوم وكلامها لمعتز وقالت..انا حاسة اني زوتها اوي وكلامي له كان جارح والمفروض ماكنتش قولت كدا

عبير ..بس انتي مي غلطانة وكل كلمة قولتيها صح وعندك حق فيها ما تحمليش نفسك ذنب انتي ما عملتيهوش هو اللي اختار هو السبب يبقى يتحمل هو فاكر ايه يروح يتجوز ويخلف ويرجع يلاقيكي مستنيةمنه اشارة يالا قومي اغسلي وشك انتي عروسة وماتفكريش غير في عريسك وبس فاهمة 

احتضنتها نسرين بشدة فهي من اعطتها الشعور براحة الضمير..ربنا يخليكي ليا يابيرو

عبير بادلتها الحضن وربطت على ظهرها..انتي هبلة انتي اختي وانا مليش غيرك انتي ياقمر يالا بقى عطلتيني 

قامت نسرين وفعلت كما قالت لها اختها نظفت عبير الشقة وساعدتها زينب والعيال كانو يلعبو بجانب نسرين بعد قليل جاء محمد وتسنيم التي صعدت لأمها لتسلم عليهم ورأت شكل معتز وعيونه وسألت امها

عنه وقالت لها انه نزل بعد ما عرف بالعريس ورجع بهذا الشكل نزلت تسنيم ووجهها متغير قالبة وشهاوجاء احمد ومي واحضر معه بعض الاشياء

وبعد قليل جاءت اماني وعادل الذي يشعر بالاحراج فهم اسرة