ساكن الضريح بقلم ميادة مامون

زوجها رأتها لازالت على حالتها كل ما تبدل هو الفراش الذي تجلس عليه و عيناها جاحظة ناظرة للأمام 
بينما تجلس في منتصفه صامته تماما.
اردفت إليها والدتها پخوف 
يا بنتي ردي عليا ايه اللي جرالك بس اتكلمي يا شذى. 
ضمتها خالتها الي صدرها بهدوء و الغريب انها لم تردها عنها 
لتحدثها و يدها تملس على ظهرها بحنان.
متزعليش يا روح خالتك حقك عليا انا يا بت انا خاېفه عليكم نفسي اشوفكم مرتاحين لكن انتو من يوم ما اتجوزتم و انتو علطول في خناق و نقار مع بعض. 
دي مابتتكلمش يا مجيدة حتى عيونها لابترمش و لا بتدمع البت مالها يا مجيدة.
كانت هذه ماجدة التي لم تحيد نظرها عن ابنتها. 
مجيدة ناهرة شقيقتها التي بدأت في العويل
اسكتي يا ماجدة

________________________________________
انت هتخضيني على البت ليه ماهي زي الفل اها ياختي
سيبيها انت بس تنام شوية و هي تقوم زي الفل. 
مددتها في الفراش و دثرتها جيدا على أمل انها تنام و اشارت الي اختها بأن تتبعها للخارج.
ترجلو سويا مغلقين عليها الباب تاريكنها وحدها ليروه قد بدل ملابسه متجها للأسفل.
اوقفته والدته بهدوء ساخر 
على فين العزم انشاء الله. 
مالك ناظرا لهم بطرف عينه مجيبا بجمله واحده. 
رايح لأبويا في التكية. 
تمسكت ماجدة بذراعة لأيقافه قبل أن يرحل 
مالك ادخل بص على شذى البت مش بتنطق و عنيها مفتوحه على آخرها حتى دموعها نشفت. 
نفض يده من يدها ونظر الي باب الغرفة الموصود عليها بصمت 
ثم تركهم سريعا متجها للأسفل. 
ذهب إلى والده بوجه محتقن من الډماء النافرة في عروقه. 
و بعد التحية و السلام جلس مع والده يباشرون الطهاه و هم يعدون الطعام الذي سيوزع على سكان الضريح. 
لكن لم يغفل الشيخ حسان عن رؤية ابنه هكذا ليسأله.... 
شكلك مش مبسوط حاسس انك شايل هم كبير 
احكيلي فيك ايه. 
نظر مالك إلى ابيه مطولا ثم انحني بجزعه للأمام يفكر بصوت مرتفع..... 
انا هاشتري من حسام بيت جده اللي قصادنا.
ضم الشيخ حسان حاجبيه بعدم فهم ثم هتف 
تشتري من حسام بيت جده ليه هو احنا بيتنا صغير يابني 
و هو انا هاشتريه ليا. 
اومال لمين يا مالك 
هاشتريه لخالتي ماجده و شذى. 
طب هاشتريه لخالتك و مفهومه دي إنما مراتك عايز تشتريه ليها ليه
قصدك يعني تكتبو بأسمها عشان تضمن حقك فيه.
لاء مش قصدي كده خالص على فكرة حق ايه يا ابويا اللي هدور عليه اذا كنت انا اللي هاشتريه.
اردف الشيخ حسان منزعجا من ثرثرة ابنه الذي يقول كلام غير مفهوم.
يا بني انت عمال تقول كلام غريب مش فاهم منه حاجة ايه اللي هاتشتري بيت صاحبك لمراتك و امها 
طب هتكتبه بأسمك عشان تضمن حقك لاء حق ايه مش عايز حقوق
طب ما تفهمني زي الناس العاقلين ما بيتكلمو قولي
انا هاروح اشتري البيت عشان كذا 
قول المعلومه على بعضها يا مالك. 
انا هاطلق شذى.....
قالها بسرعة لدرجة ان ابيه لم يتفهم ما قاله لينتبه له قائلا 
عيد كده اللي انت قولته ده تاني. 
احنى رأسه بحزن جم و همس بخزي 
مش مصدقني و لا ايه بقولك هاطلق شذى.
اندهش الشيخ حسان قائلا.... 
طب ليه مانا كنت بقولك كده من الاول وانت تقولي لاء. 
حسيت انك عندك حق في كل اللي قولته هي مش زيي و طبعها غيري و حياتها مختلفه بالكامل عن حياتي 
فاقولت كده هيبقى احسن ليا و ليها. 
فرحه عارمه اكتست وجه الشيخ حسان ليربت على ظهره قائلا. 
عين العقل يا مالك بس لو ناوي فعلا تعمل كده يبقى تستنى لحد ما تشتري البيت وتوضبه ليهم 
و اهو يكون مر شهر و لا حاجه و بعدها ابقى طلقها 
اصل دي سمعة بنت يا بني و الناس برضو ليها الظاهر هيقولو طلقها ليه 
و هما لسه مامرش على جوازهم غير شهر 
وافق اباه الرأي و اتفقوا سويا الا تأخذ والدته خبر بهذا الحديث 
و إلا ستعترض و بشدة او ربما تبتعد عنهم و تفضل الجلوس مع شقيقتها.
تفاجئ من اتصالها على هاتفه نظر الي والده و فضل رفض المحادثه معها
لكنها أصرت ان تزيد من اضطراب اعصابه معلنه الاتصال مره اخرى.
ليجيب هو بصوت شبه مرتفع.... 
الو في ايه يا أمي عمالة تتصلي بيا ليه
اجابته الحجة مجيدة موبخه له 
في ان مراتك لا بتصد ولا بترد يا مده.. انت عملت ايه في البت خلاها توصل للحاله دي
البت مسبله عنيها لا بتدمع و لا حتى بترمش و لا

________________________________________
راضية تتكلم و ترد على حد فينا يا مالك. 
بكل هدوء عكس ما في داخله اجابها
و حضرتك عايزانى اعملها ايه بقى اسيب كل حاجه ورايا و اجي اقعد بيها عشان ترتاحي
و لا تحبي اسيب مهنة الطب و اشتغل دادة للأميرة شذى عشان اقدر ابسطها و اخليها ترضى عني
يخيبك 
كان هذا اللفظ المناسب الذي وجدته السيدة مجيدة لتجيب به ابنها المتعجرف. 
لتكمل بأحباط 
يابني تعالي شوف البت فيها ايه دي شكلها كده يقطع القلب و امها هاتموت نفسها من العياط عشانها. 
تأفف بنفاذ صبر مردفا 
حاضر اقفلي التليفون و انا هاطلب ليها دكتور و اجيبه و اجي. 
لتوقفه قبل أن ينهي المكالمة بسرعه 
وتجيب ليها دكتور غريب ليه بس ما تيجي تكشف انت عليها دي مراتك يا ولاااا. 
مالك مستغفرا 
استغفرك ربي واتوب اليك ممكن تقفلي يا أمي لو سمحتي. 
عاد بالطبيب النفسي الي المنزل فاهو يعلم جيدا ان ما بها ليس بمرض عضوي لكنه فضل الا يلج معه إليها 
حتى لا يرق قلبه لها و ظل واقفا بالخارج منتظره. 
الي ان وجد والدته تترجل اليه سريعا تسحبه من يده معها للداخل. 
مالك محاولا ايقافها 
استنى يا أمي انت سحباني كده على فين.
الحجة مجيدة پغضب 
سحباك على جوه يا حيله عند مراتك ادخل يا خويا قدامي الدكتور طالبك عنده. 
اغمض عينه بتنهيدة يزفر بها
شوقه لها ثم اومئ برأسه و ولج اليها. 
كانت نيران شوقه و قلقه عليها تشعل لهيب قلبه الذي احتراق بأكمله و هو يرى وجهها الشاحب عيناها المنفرجة على آخرها و بالرغم من ذلك يعلم انها لا تراه. 
نظر اليه الطبيب و تحدث معه بلغتهم حتى لا تفهم كل من والدته و والدتها ما يقولونه ليهمس لنفسه بهدوء. 
كنت عارف استمعت ماجدة لما همس به اردفت پبكاء متمسكه بعضضه.... 
هو ايه ده اللي كنت عارفه يا مالك ماتفهمني بنتي فيها ايه. 
مالك مزمجرا 
ممكن تهدي شويه مافيش حاجه لده كله يعني. 
طب قولي هي ليه مش بترد عليا طب قولي انت يا دكتور حد يطمني عليها طيب. 
مالك أمرا لهم 
ممكن تخرجو بره دلوقتي و لما الدكتور يخلص كشف هقولكم على كل حاجه. 
أمسكت شقيقتها بيدها و اجبرتها على الترجل معها و وقفت تحاول أن تهدئها الي ان ذهب الطبيب و معه مالك و دلفو سويا اليها
ضمت ماجدة ابنتها بين ذراعيها تربت على حجابها و ذراعيها باكية على كل ما تقاسية في حياتها 
همت مجيدة تعاتبها على بكائها. 
بتطعيتي ليه دلوقتي بس ما انت سمعتي الدكتور و هو نازل قال ايه. 
ماجدة رافضة حديثها 
ماليش دعوه بلي قاله انا ليا بنتي واللي هي فيه ده يا ريتك ما جوزتيها لابنك يا مجيدة بقى هي دي شذى
الورده المفتحة فاجئة كده وشها يدبل و تنطفي يا ريتهم ما اتجوزو يا ريت. 
حاضر يا خالتي بأذن الله اول ما بنتك تخف هاعمل ليكم اللي انتو عايزينه. 
هبت مجيدة واقفة بعين كالجمر و اذا بها تفزعهم بصوتها العالي... 
بس انت و هي اخرسو خالص و انت حسك عينك اسمعك تقول الكلمه دي تاني مره و انت يااختي سيبي البت لجوزها يديها علاجها 
و اطلعي قدامي و حسابنا بره مش هنا.
ماجدة رافضة 
لاء مش هاسيب بنتي لحد ما كانت معاه و هو اللي عمل فيها كده 
و لازم يقولي حصلها ايه.
مد مالك يده بحقيبة الدواء لها و اردف
ماتسيبهاش خليكي معاها زي مانت عايزة بس لازم تعرفي ان بنتك عندها اكتئاب هو اللي خلاها رافضة الحياة وسطناو الهروب بالطريقة دي. 
قال كلمته و تركهم وحدهم و ذهب إلى مكانه المفضل 
محاولا ان يهدء

________________________________________
من نبضات قلبه التي تتقاذف سريعا كعقرب الثواني. 
جلس بجانب الضريح يناجي ربه بأن ينجيها من ازمتها هذه.
يعلم انها تريد الهروب من حزنها خائڤة من ان ينفذ ما قاله لها لا تعلم انه ېتمزق اكثر منها و شوقه إليها ېقتله مثلها تماما. 
اخيرا اسدلت أهدابها و غفيت بعد أن اعطتها والدتها دوائها لتتفاجئ بشقيقتها التي زجتها امامها لتخرجها من الغرفة بأكملها. 
ماجدة متحديها بوجه متهجم 
بقولك ايه يا مجيدة ابعدي عني الساعة دي انا مش ناقصني خناقك و صوتك العالي كفايه عليا بنتي واللي هي فيه. 
مجيدة مؤكدة بهدوء 
ايووووة اللي هي فيه هو دا بقى مربط الفرس يا بنت ابويا. 
قصدك ايه يعني 
قصدي ياختي اقولك ان اللي بنتك فيه ده أساسه انتو جاين لنا بيه 
و الواد يا
عين امه حماها و دافع عنها و شال همها من يوم ما اتجوزها لكن تيجو كل شوية و ترمو بلاكو عليه
دا بقى اللى مش هاسمح ليكم انت و بنتك بيه ابدا.
ماجدة ساخرة 
نرمي بلانا عليه! لاء كتر خيرك يا ختي بس اطمني اول بنتي ما تخف من اللي هي فيه ده انا هاخدها و امشي. 
مجيدة بنافذ صبر 
تخديها و تمشي على فين يا ختي هو انتو ليكم مطرح تاني تروحه و لا ناويه ترجعي للي عايزين ېقتلو بنتك اللي هي أساسا في عصمة راجل 
و ماتقدرش تروح في حته من غير ما تقوله.
ماجدة منهية الحديث والجة الي غرفة ابنتها 
لاء اطمني ان كان على ابنك هو قالها بعضمة لسانه هايطلقها يا مجيدة. 
عاد الي المنزل في تمام العاشرة ليجد والدته تجلس بانتظاره بمفردها ليلج إليها و هو يعلم جيدا ما يدور برأسها. 
مالك بوجه حزين 
السلام عليكم يا أمي. 
مجيدة ناظرة آليه بجمود
و عليكم السلام و الرحمه يا شيخ مالك يا طبيب الغلابة يا ساكن الضريح يا حافظ كتاب ربنا.... 
مالك زافرا پغضب 
اممممم هانبتدي بقى خير يا أمي لازمته ايه الكلام ده. 
لازمته حالك المايل يا عين امك لازمته مراتك المرمية فوق
تايهة في ملكوت تاني و حضرتك