ساكن الضريح بقلم ميادة مامون

بدل ما تحاجي عليها و تخرجها من اللي هي فيه 
ال ايه عايز تطلقها ياخي جاتك طلقه في دماغك انت و هي تخلصني منكم انتو الاتنين.
اڼفجر مالك ثائرا رغما عنه 
ارحميني بقى يا أمي تقدري تقوليلي اتمسك بيها ليه اذا كانت هي مش عايزانى.
مجيدة پغضب 
هي قالتلك كده لاء شذى لا يمكن تقول كده انا عارفه دا كويس هي بتحبك يبقى ازاي تبقى عايزة تسيبك بس.
مالك مؤكدا متذكرا ما حدث بينهم 
لاء صدقي مع أول مشكله حصلت بنا قالتها.
مشكلة ايه دي بقى اللي تخلي مراتك تقولك حاجة زي كده. 
لن يجرؤ ان يحكي لها ما حدث فابرغم من ثقل ما قالته حبيبته له لكنه يعلم أن والدته ستنزعج كثيرا
ان لم تهب واقفة صاعده إليها و مپرحاها ضړبا.
مافيش يا أمي كل الحكاية اننا بعد ما خلصنا حوار النيابة ده و نجينا منه بأعجوبه خۏفت عليها لما تروح الكليه عشان تمتحن
وانها هتبقى لوحدها هناك و مش هاقدر اخد بالي منها
فاروحت الكليه و سحبت ورقها عشان أقدم ليها هنا و تبقى تعيد السنه مش مشكلة يعني
بس للأسف الهانم ماعجبهاش الكلام ده و طلبت مني اني اسيبها. 
وطبعا حضرتك بدل ما تفهمها قولتلها هاطلقك واتخنقت معاها مش كده.
واحده بتقولي هاسيب ليك البيت و هترجع مش هتلاقيني فيه اقولها ايه
قولتلها استنى لما ارجعك لوالدتك و انا هابقي اطلقك. 
مجيدة مشټعلة من الڠضب انت ايه يابني ادم البرود اللي بتتكلم بيه ده 
يعني

________________________________________
حتة عيلة لسه لا راحت ولاجات مش عارفه تاخد قرار صح في حياتها اول ماتقول كلمة تزعلك
تقولها هاسيبك و اطلقك دا انا قايله ليك ومنبهه عليك تكون ليها اب قبل ما تكون زفت زوج. 
ما هو
عشان اكون ليها اب مش لازم اكون زوج ليها ڠصب عنها. 
لاء لازم يا بني افهم بقى الاب مش دايما بيبقى حنين ساعات بيرفض و يقسي عشان يربي و يعلم و شذى لسه صغيرة معندهاش خبره في التعامل يا مالك 
و اللي شافته من عيلة ابوها مش شوية برضو 
يبقى ماتجييش انت بقى و تزود عليها.
ابتسامة صفراء ارتسمت على ثغره كيف يقول لها ان زوجته الصغيرة قد فضلت عليه تلك العائلة 
و ذلك المچرم لكنه لم يقول شيئا سيظل صامتا كاتما جرحه في قلبه الي ان تتعافى و يفعل ما يصر عليه ليصرح قائلا 
اول ما تشد حيلها ابقى خديها تحضر الدرس و خليها تحفظ قرأن يمكن ده يريح نفسيتها شوية. 
مجيدة بتعجب 
طب ما تاخدها انت وتعلمها انت و لا ناوي تفضل باعد نفسك عنها كده. 
انتفض من جلسته قاصدا الصعود لغرفته 
انا لاء يا أمي ارجوكي بقى ماتحوليش تضغطي عليا اكتر من كده و لا تحبي اسيب البيت وابعد عنكم خالص و اروح اقعد في شقتي. 
توقف أمام غرفتها و قلبه ينشد بلحن اسمها يريد الولوج إليها حتى يطمئن قلبه عليها لكنه سيتقابل مع والدتها أيضا 
و ربما يتفاقم الأمر بينهم اكثر من ذلك. 
ضم قبضة يده بقوة حتى نفرت عروقه و اتجه نحو غرفته مغلقا بابها عليه بخيبة امل. 
و في تمام الخامسه و الربع اصدح صوت المأذن يعلو في الارجاء معلنة عن اذان الفجر كانت هي مستيقظة بجانب والدتها الغافية لا تشعر بها
انزلقت من جوارها و كأنها مبرمجه على ما تفعله فتحت الباب بهدوء و اتجهت نحو غرفتهم 
لتجد امامها حبيبها يسجد لربه و يؤدي صلاته في خشوع تام. 
انتظرت قليلا الي ان انتهى و كأنها اعتادت على شئ تفتقده بشدة الان. 
تتكورت على نفسها امامه وضعت رأسها على فخذه تريد أن تريح قلبها و لو لبضع دقائق. تنهد بقلة حيلة 
لا ينكر انه فرح من داخله للجوئها لهذه العادة الجميلة بينهم وضع راحة يده على وجنتها يربت عليها بخفه و بدء يتلو ايات الله الحكيم.