توقفت عن الكلام عندما سمعت ضحكات زوجها الساخرة قبل أن يهتف بلهجته الآمرة التي لا تفارقه أهو سمعتيها بنفسك يا ماما هي عندها دراسة و انا عندي شغل مش فاضيين للكلام الفارغ داه 
وضع هاتفه في جيب سترته ثم إعتدل واقفا و هو يكمل كملي فطارك و تعالي على المكتب عاوزك في حاجة مهمة 
تأففت ثريا بضيق من بروده لتتمتم معلش يا بنتي بكره حيروق و حيرجع في قراره كملي فطارك تلاقيكي مأكلتيش حاجة من إمبارح الصبح 
نفت كاميليا برأسها و هي تقف من أمامها لا معلش انا مليش نفس دلوقتي حبقى آكل بعدين انا لازم أروح أشوفه عاوز إيه عن إذنك 
ثريا بنظرات عطوفة إذنك معاكي يا حبيبتي راقبتها و هي تتحرك ببطئ نحو المكتب و لم تخفى عنها نظراتها الخائڤة التي تحاول إخفائها بابتساماتها المزيفة لتحدث نفسها متسائلةيا ترى عملت إيه البنت دي في دنيتها علشان توقع في إيد إبني انا السبب انا اللي خليتها تشتغل هنا كان لازم أمشيها من يومها انا إزاي عملت كده ربنا يهديك يا شاهين يحنن قلبك عليها دي باين عليها غلبانة و مش حمل اللي بيعمله فيها 
ظلت تحدث نفسها طويلا إلى أن رأت فادي يطل من باب الفيلا و تتبعه زينب متجهين نحوها 
في المكتب 
دخلت كاميليا لتجد شاهين يجلس بشموخ وراء مكتبه الفاخر و هو يتابع بعض الأعمال بواسطة حاسوبه المحمول 
أشار لها بأن تجلس على الكرسي المقابل للمكتب أخفت إستغرابها لأنه لم يطلب منها الجلوس تحت قدميه كعادته و هي تتذكر كلام هبة عندما أخبرتها بإمكانية تغيير معاملته
لها بعد أن أصبحت زوجته 
أخفضت رأسها بإرتباك بعد أن إنتبهت إلى نظراته الحادة التي تتفرس كل إنش منها و هو يقول بوقاحة حلو أوي الفستان مغطي كل العلامات بتاعة إمبارح 
ظلت صامتة ليسترسل في حديثه طيب انا جبتك هنا عشان
أقلك على شوية حاجات ياريت تنفذيهم بالحرف الواحد علشان حياتنا تستمر بهدوء و مين غير مشاكل و مش عايز افكرك انا حعمل إيه لو خالفتي أوامري 
أومأت له برأسها و هي تتحاشى النظر إليه ليكمل 
أول حاجة ممنوع تخرجي من الفيلا لأي سبب من الأسباب لا تقوليلي صاحبتي و لا عيلتي و لا أي