أمجد رأسه برفض لمجرد فكرة ابتعادها عنه وقال بضيق شديد _ فكرة أنها تبقى لحد تاني ومع حد تاني بتخليني عايز أمشي لأبعد مكان عنها أنا حتى لما كنت بنجح في شيء كنت بجري عليها وأفرحها قبل حتى ما اسيب لفرحتي مساحة أحس بيها ! أنا مش عارف هيبقى عندي حماس أصلا أكمل في احلامي ولا لأ ! رد وجيه ببعض الشرود _ التعلق بشخص بيخلق أزمة في حياة البني آدم بيخليه يقسم كل خطوة لأحلامه على اتنين فطبيعي لما الطرف التاني يبعد الشخص ده بيفضل واقف في مكانه لفترة لحد ما يفوق ويعرف أنه كان غبي لما دخل في أحلامه شريك! تسائل أمجد بحيرة والم _ طب وتفتكر يا دكتور وجيه الشخص ده محتاج أد ايه على ما يفوق أجاب وجيه عليه بفلسفته _ للأسف ممكن تقعد سنين مش عارف تخطي خطوة واحدة لأن ببساطة مش مصدق أنهم فعلا سابوك ومابقوش جانبك أو لسه عندك أمل أنهم يرجعوا من تاني أحنا ساعات بنضيع أحلامنا على ناس ضيعونا أحنا وأحلامنا! بمنزل العائلة أمام شاشة تلفاز كبيرة يجلس أمام الثلاثي يوسف رعدوآسر
أنهى يوسف آخر قطعة من طبق الكيك وقال مبتسما _ الحمد لله أن جاسر نام قبل الماتش وإلا كان هينفخنا المرة اللي فاتت لما الزمالك كسب اكلني بليلة ڠصب عني طب
وأنا مالي نظر له رعد بضحكة وقال _ مش عارف لما يصحى ويكتشف أن فريقه خسر الماتش هيعمل فينا إيه
تطلع بهما آسر بسخرية وقال _ الحمد لله أني مش كروي أوي زيكوا كده عندي اهتمامات أهم أشار لهم يوسف ليصمتوا ثم همس _ أناحاسس أن في حد ورانا تكونش الدادة سعدية ! نظروا الثلاثة خلفهم ليجدوا جاسر يقف وشفتيه السفلى أسفل أسنانه پغضب فرا رعد وآسر هاربين بينما تجمد يوسف للحظات وقال _ حاسس أني اتشليت فجأة كده ليه ! قال جاسر بتوعد ونظرة اڼتقامية _ الزمالك
خسر ! بالكاد نهض يوسف بجسد ثقيل وأشار له بيده _ كانوا عظمة اقسم بالله كانوا عظمة وأنا هعلن زمالكويتي بكرة قدام المستشفى كلها انا أخوك الصغير يا جاسر ومافيش منتخب هيعوضك عني ! وقع نظر جاسر على كوب كبير به مشروب ابيض دافئ لزج فأشار له قائلا پغضب _ إيه ده ! نظر يوسف للكوب ووضع يده على فمه بقلق ثم قال موضحا وهو يبتعد ببطء _ ده سحلب أقسم بالله سحلب وعليه سوداني أوعى يكون اللي في دماغك! أنا برضو أاكلك بليلة ده أنت حبيبي ! حمله جاسر على كتفه بعصبية بينما يوسف يستغيث _ يا أ هل البيت يا جدى القى جاسر يوسف على السجادة المفترشة أرضية قاعة الرياضة الخاصة بهم وقال بتوعد _ جايلك لما اجيب الاتنين التانين من أقافهم ردد يوسف الشكر والحمد _ الحمد لله مش هضرب لوحدي هم باللحاق خلف آسر الذي قبض عليه خلف أحد الستائر بغرفته بينما وجد رعد بخزانة الملابس خرج رعد من الخزانة بثقة وقال _ بقولك إيه أنا مستخبي في الدولاب مش خوف منك أنا خاېف عليك مني أنت حبستهم فين صاح جاسر به _ في صالة الجيم هتيجي من سكات ولا قاطعه رعد _ هاجي طبعا يلا بينا احتدت الشجار بين الشباب وسط ضحكات منهم حتى دق على باب صالة الرياضة أحد فتح جاسر الباب ليجد الجد رشدي يقف أمام الباب بروبه الرجالي الذي ترجع موديله لسنوات ماضية وعلى رأسه طاقية مثلثية من التريكو دلف الجد للغرفة ونظر للشباب الثلاثة الذي يتضح انهم تلقوا كثيرا من الضړب هتف بجاسر وهو يشير ليوسف _ أدك ده عشان تضربه يا حيوان قال يوسف وهو يلملم خصلات شعره الأسود الطويل بعض الشيء _ ضړبني وقطعلي هدومي يا جدي وشدني من شعري هز رعد وآسر رؤسهنا في تأكيد وقالا _ حصل وأحنا شاهدين أشار جاسر لهما الثلاثة وقال _ عارف التلاته اللي زعلان عشانهم دول يا جدي أهلاوية أنت مربي ٣أهلاوية في بيتك يا جدي نظر الشباب الثلاثة لبعضهما في توجس حتى نظر جدهم بتفحص وهو يقترب لهم وتساءل _ الكلام ده صح ! هز الشباب الثلاثة رؤسهما بإيجاب القى الجد رشدي نفسه عليهم هم الثلاثة وبدأ باللكلمات فكتم جاسر ضحكته في شماته وقال بضحكة _ أنا كده عملت اللي عليا ليلة سعيدة يا شباب قبل يوسف رأس جده بتوسل _ هنخسر بعض عشان ماتش ده أنا بحبك أكتر من مو صلاح يا جد قلبي قال الجد وهو يلكمهم الثلاثة _ وأنا كمان بحب صلاح يا حيوان بس هضربكم برضو دخلت ليلى بغرفة كبيرة بها سرير كبير وعدة أغطية وأيضا به حمام خاص وشاشة تلفاز صغيرة معلقة على الحائط تعجبت من الأمر لأنها
