ابن ليل اميرة اسامة

رأيي ويا اوافق على التوسيع
ده او موافقش لان واضح انك نسيت اننا شركاء بالنص في كل حاجه
يوسف ماشي يا ستي يمكن غلطت بس قولتلك اني كنت حابب افاجئك
دره ليه انت كنت فاكر اني مش هسحب اي فلوس لحد ما التوسيع ده يتم بعد كام شهر انت حظك كان حلو ان الاربع ايام دول انا مسحبتش ولا مليم ومستخدمتش اي ڤيزا عموما يا يوسف بكره الصبح الاقي الورق على مكتبي وتاخد معاد من المستثمر ده يجي يقابلني 
سابته دره ودخلت على الحمام و رزعت الباب وراها
قعد يوسف على السرير وهو بيفكر 
مر اليوم كانت دره بتحاول تكون طبيعيه عشان ولادها ويوسف بيحاول يتلاشي دره خالص لحد ما يفاجئها بالصدمه الاكبر 

في صباح يوم جديد وصلت دره على الشركه ويوسف كان قدامها بعربيته
راحت على مكتبها من غير ولا كلمه بعد وقت بسيط السكرتيره الخاصه بيوسف
خبطت عليها وبلغتها ان يوسف طالبها في مكتبه
قامت دره راحت على مكتبه دخلت وقفلت الباب وراها
يوسف تعالي يا دره اقعدي
قربت دره من غير ولا كلمه وقعدت قدامه 
يوسف اتفضلي الفايل ده في الورق اللي انتي حابه تشوفيه 
خدت دره الورق بصت فيه واول حاجه قررت تجيب عينها عليها هي اسم المستثمر بصت باستغراب ورفعت حاجبها وبصتله 
دره اسم المستثمر D
M وده يطلع مين ده
يوسف بإرتباك ده ااا ديفيد مايكل ده اسمه 
دره مين ده انا مسمعتش عنه
يوسف انتي متعرفيهوش
دره طيب تمام يبقى نتعرف بلغته انه يجي
يوسف بلغته بس عرفت منه انه مسافر كاليفورنيا وهيرجع بعد كام يوم
دره والله امممم طيب تمام يرجع بالسلامه ولما يرجع نبقى نشوف مين ديفيد مايكل ده 
قامت دره وخرجت من مكتبه وراحت على مكتبها فضلت رايحه جايه بعصبيه بتحاول تسيطر على نفسها و بتحاول تفكر 
ثواني وجالها فكره راحت قعدت على مكتبها واتصلت بالمستشار القانوني الخاص بيها والمسؤول عن كل حصتها في الشركه 
چاك اهلا دره
دره اهلا چاك انا محتجالك في حاجه مستعجله 
چاك اتفضلي سامعك
دره هبعتلك اسم شخص تعرفلي مين ده في اسرع وقت وتعرفلي فين مقر شركته
چاك انا مش فاهم حاجه
حكيتله دره باختصار اللي حصل كله من يوسف 
چاك اوك هحاول اعرف اي معلومه وهرجعلك على طول بس لازم تعرفي ان مستحيل حتى لو كنتي عامله توكيل عام انه يتم سحب اي مبلغ من غير ما يتم تبليغك
دره انا عارفه ده كويس بس كمان مش عارفه ازاي محدش بلغني ولو حتى برساله اعرف ان رصيدي اتسحب
چاك اكيد اتواصلوا معاكي بأي طريقه واكيد اتبعتلك رساله ويمكن تكون اتمسحت بسرعه ولازم تعرفي انهم لو معرفوش يوصلولك عن طريق التليفون لازم يبعتوا موظف على محل اقامتك او على محل عملك عشان يبلغك
دره تقصد انهم ممكن يكونوا بعتوا حد ويوسف اتصرف معاهم
چاك مش عايزين نسبق الاحداث عموما هعمل كام اتصال وهرجعلك 
دره اوك چاك في انتظارك 
فات ساعه كامله ومتصلش بيها
اتصلت دره عليه 
دره الوووو چاك اتأخرت في الرد
چاك محتاج وقت اكبر يا دره لكن متقلقيش هرد عليكي وقت ما اجمع معلوماتي الكافيه 
دره اوك چاك خد وقتك بس ياريت متتأخرش عليا 
چاك اوك دره 
بعد كام ساعه رجعت دره على الڤيلا هي ويوسف وكانت تقريبا شبه مش بتتكلم معاه وهو بيحاول يلطف الجو شويه رغم الارتباك اللي كان ظاهر عليه جدا
اتغدوا مع البنات و قعدوا معاهم دره كانت منتظره مكالمة چاك اللي اتأخرت اوي ويوسف قاعد بيضحك و بيتكلم مع البنات في اللحظه اللي هي بتفكر في چاك رن موبايل يوسف بصت دره عليه لكن حست انه قام بسرعه من قعدته وكان باين عليه التوتر استأذن منهم وطلع بره وكانت اول مره يتكلم بعيد عنهم 
حست دره ان في حاجه غلط قامت وراه بهدوء عشان تحاول تعرف هو بيكلم مين 
يوسف پغضب بسيط طيب نخليها لبكره
يوسف طيب خلاص اوك هاجي حالا
يوسف انا هتصرف بقى هقول اي حاجه وهخرج
يوسف نص ساعه بالكتير و هوصل يلا باي 
دخلت دره بسرعه وراحت على المطبخ وقفت قدام مكنه القهوه 
دخل يوسف جوه لمحها واقفه قدام مكنه القهوه 
يوسف دره ممكن تعمليلي معاكي قهوه لحد ما اطلع البس
دره انت خارج
يوسف اه في ورق مهم نسيته في المكتب لازم اروح اجيبه هطلع اخد شاور بسرعه و أغير هدومي تكوني عملتي القهوه هشربها واخرج
دره اوك تمام 
طلع يوسف على اوضته خد هدوم ودخل ياخد شاور
استنت دره خمس دقايق وطلعت وراه بسرعه حطت ودنها على الباب مكانش في صوت فتحت براحه ودخلت واتأكدت انه بياخد شاور من صوت المايه راحت بسرعه على موبايله وشافت اخر رقم متصل بيه استغربت لما لمحت اسم D M هو نفس اسم المستثمر اللي لمحته في الورق بسرعه حفظت الرقم على موبايلها وخرجت من الاوضه ونزلت على تحت وهي بتفكر وبتسأل نفسها
ليه خارج الوقت و ورق ايه اللي نسيه في المكتب و اشمعنى افتكر الوقت لما جاتله المكالمه دي 
دقايق بسيطه ونزل وهو لابس
ديما بابي ما تاخدني معاك
يوسف بتوتر اخدك معايا فين يا ديما وانا رايح اتفسح وبعدين الجو برد عليكي انتي عايزه ايه
ديما كنت عايزه حجات من الماركت
دانه وانا كمان
يوسف طيب شوفوا محتاجين ايه وانا هخلص مشواري وهجبلكم اللي انتوا عايزينه شوفي انتي كمان يا دارين ابعتولي على الواتس اللي محتاجينه
ديما اوك هكتبلك
يوسف مش عايزه حاجه من بره يا دره
دره لا شكرا يا يوسف 
مسك يوسف القهوه كانت بردت فا شربها على طول
يوسف يلا انا هخرج يا بنات ابعتولي على الواتس وانا هشوف
دارين اوك يا بابي 
ديما متتأخرش 
يوسف اوك يلا باي 
خرج يوسف وركب عربيته في اللحظه دي مسكت دره موبايلها وعملت انها بتتكلم 
دره بنات انا لازم اخرج فورا
دارين في ايه يا مامي هتخرجي الوقت وبالتريننج
دره طنط دينا كلمتني و كانت بټعيط
دانه ليه مالها
دره مش عارفه بس قالتلي انها
محتجاني ضروي هروح اشوفها بس محدش يقول لبابي بدل ما يسيب اللي في ايده ويجي ورايا خلوه يشوف شغله وعشان كمان طنط دينا تتكلم براحتها
دارين اوك يا مامي بس متتأخريش
دره لا مش هتأخر هاجي على طول قبل ما بابي يرجع خلوا بالكم من بعض ومتنسوش تبعتوا اللي عايزينه لبابي
ديما انا بعت خلاص 
دره اوك يلا باي خدت دره مفاتيح عربيتها وخرجت جري على بره بالترنج زي ماهي ولمحت عربيه يوسف من بعيد راحت وراه كانت بتحاول تكون بعيد عنه عشان ميلمحهاش
مر حوالي عشرين دقيقه سواقه بدأت دره تستغرب من الطريق لانه مش طريق الشغل ولأنها حافظه الطريق ده عن ظهر قلب وهنا بدأ قلبها يتقبض شويه بشويه لكن حاولت تهدي نفسها ومتتسرعش في التفكير اللي جه في بالها 
دقايق ولمحت يوسف بيركن عربيته قدام ڤيلا
وقفت دره من بعيد وهنا كانت صډمتها
لما ركن يوسف العربيه قدام الڤيلا بتاعت دينا صاحبتها
حطت دره ايدها على قلبها مش مصدقه وخاېفه يكون اللي جه في بالها صح قربت شويه بالعربيه اول ما دخل يوسف من باب الڤيلا نزلت بهدوء بصت من بره كان دخل وقفل الباب دخلت بسرعه من الجنينه وراحت على الشباك بهدوء تشوفهم
اټصدمت اول ما لمحت دينا لابسه فستان قصير و يوسف 
حاولت تسمع اللي بينهم على قد ما تقدر
دينا وحشتني
يوسف انتي وحشتيني اكتر
دينا طيب ايه هتفضل واقف كده
يوسف مش عايز اتأخر انا قايل لدره اني ناسي ورق مهم في المكتب يعني مش هقدر اطول انا جيت بس عشان قولتي عيزاني ضروري
دينا ايه خاېف من دره 
يوسف بلاش كلام عبيط يا دينا مش خاېف
بس دره من وقت ما عرفت اللي حصل وهي مش على بعضها ومركزه معايا وانا مش عايز مشاكل عايزين كل حاجه تحصل زي ما خططنا بالظبط
دينا اه بس متنساش وانت بتخطط اني مراتك يا يوسف زيي زيها انا بقالي ثلاث سنين مستحمله وساكته وراضيه اني اكون مراتك في السر وخلاص جبت اخري
وهنا حست دره ان قلبها بيقف حرفيا متجوزها وكمان بقالهم ثلاث سنين دينا صاحبتها اللي ملهاش غيرها في الغربه ټخونها بتشوفها تقريبا يوميا ومع بعض ديما وهي متجوزه جوزها وكمان بيخططوا من وراها عشان ياخدوا فلوسها 
يوسف مش ناسي يا دينا وعارف انك تعبتي معايا بس زي ما قولتلك محتاج وقت دره عرفت ان فلوسها اتسحبت عشان توسيع المشروع اكتر لكن متعرفش ان انتي الشريكه الجديده وهي مصممه تتعرف على المستثمر لانها شاكه فيا ومش قادره تعدي اني ساحب الفلوس من اربع ايام و مقولتلهاش
دينا كده كده هتعرف يا يوسف وانا بيتهيألي ده تضيع وقت لازم نواجه بقى لاني تعبت بجد
يوسف اكيد هنواجه يا دينا بس انا كل اللي عامل حسابه البنات مش عايزهم يتأثروا باللي هيحصل
دينا يوسف احنا قبل ما نعمل كل ده اتكلمنا في كل الحجات دي في النهايه دره اكيد يا هتكمل معاك ڠصب عنها وترضى بالامر الواقع يا هتطلب الانفصال ودي حاجه انا واثقه منها
يوسف انا كمان عارف ومتأكد ان دره هتطلب الانفصال
دينا وفين المشكله مش هو ده اللي احنا عايزينه و بنخططله من يوم ما اتجوزنا ان دره مش هتبقى في حياتنا ولا انت رجعت في كلامك يا يوسف
يوسف لا مرجعتش يا دينا وانتي عارفه رأيي في الموضوع ده كويس بس زي ما قولتلك انا كل اللي شاغلني الوقت هما البنات
دينا وحتى البنات يا يوسف اظن احنا اتكلمنا في النقطه بتاعتهم قبل كده وقولتلك إن وجودهم معانا هيعطلنا كتير على اللي احنا داخلين عليه انا هدخلك مع اكبر اتنين مستثمرين في امريكا يا يوسف وكان شرطي الوحيد انك تبقى لوحدك من غيرهم وانت وافقت احنا هنلف العالم يا يوسف ومش هيبقى عندنا وقت غير للبيزنيس وبس 
يوسف وانا مقولتش حاجه كل اللي بقوله اني حاسس إن لسه مش مستعد للمواجهه دي خصوصا يا دينا لما دره تعرف ان مش بس الفلوس هي الحاجه الوحيده اللي خدتها دره لسه معندهاش علم اني خدت منها كل حاجه الشركه والڤيلا والفلوس وكل حاجه
مسكت دره في حرف الشباك بسرعه حست انها هيغم عليها دموعها بتجري على خدها بغزاره قلبها بيدق بطريقه مرعبه وجسمها متلج للحظه كدبت نفسها واعتبرت ان كل اللي
حاصل ده مجرد كابوس مرعب اكيد هتصحى منه وفي حاجه غلط مستحيل ده يكون يوسف حبيب عمرها وابو بناتها اللي قضت معاه عشرين سنه من عمرها
دينا خلاص يا يوسف شوف الطريقه والوقت اللي حابب تواجه فيهم امته وانا عن نفسي مستعده 
يوسف طيب ايه مش هنسيبنا بقى من الكلام ده وتيجي فوق شويه قبل ما امشي انتي وحشاني اوي
دينا بدلع هتتأخر
يوسف هو انا مش جيت نتأخر بقى براحتنا 
ضحكت دينا وطلعت معاه على فوق
خرجت دره بهدوء من الڤيلا وراحت على عربيتها دورتها وطلعت بيها بسرعه كانت عايزه تبعد بأي شكل وبأي طريقه من المكان
بعدت على قد ما تقدر وبعدين ركنت عربيتها فجأه واڼهارت حرفيا من العياط كأنها معيطتش طول حياتها ابدا
فضلت ټعيط وتصرخ جوه العربيه كتير اوي لحد ما اخيرا حست انها هديت شويه
في اللحظه دي اتصل بيها چاك وهو باين على صوته