ابن ليل اميرة اسامة

يا زيكو لصاحبك
زكريا بضحك اهو اتفضل بوظت الالقاب خالص عشان ترتاح وبعدين ماهو عنده حق يابت انتي اللي مبتقوليش
دره بس كده صباحك فل يا احلي اب في الدنيا
طبطب عليها رفاعي
قرب منكش منهم وهو بيحط الطلبات
منكش لا وكتاب الله دي الكاميرا الخفيه
زكريا ياولا انت هتفضل مصډوم كده كتير
رفاعي ده خلاص عقله خربان ومحتاج عقل جديد
منكش طب حطوا نفسكم مكاني
دره بضحك مالك يا منكش ايه مشكلتك
منكش طب انا راضي ذمتك يا دكتوره لو مكاني وشايفه اللي بيحصل ده هتقولي ايه
دره رفعت حاجبها وقربت من منكش ايوه ايه هو بقي اللي بيحصل بالظبط قولي 

خرج كرم وعبدالله وبكر من جوه الدكان وراحوا عليهم وسمعوا الحوار بين منكش ودره بس كانوا واقفين وراء دره ومشافتش كرم
منكش الحب اللي ظهر فجأه ده ومش بس كده المعلم زكريا والمعلم رفاعي قاعدين مع بعض علي طول بذمتك ده مش مقلب
دره انت سخن يا منكش
حط منكش ايده علي قورته وبصلها
منكش لا ليه
دره اصل شكلك بتخرف
منكش بخرف ده ايه هما مش كانوا زعلانين
دره مين محصلش نقولك علي حاجه يا منكش كنا مخبينها عليك من زمان
منكش بأنتباه قولي
دره انت كنت تعبان واحنا مخبين عليك كان بيجيلك تهيؤات
منكش علي اساس ان الوقت مش بيجيلي تهيؤات
دره اللي انت شايفه ده هو اللي صح ياولا افهم لكن اللي كنت بتشوفه الاول انهم زعلانين وكده هو ده اللي كان غلط
منكش احيه تصدقي ممكن يكون صح
دره شوفت بقي عشان تصدقني بعد كده 
عبدالله بضحك ضحكت عليك يا كروديا
بصت دره وراها لقتهم التلاته واقفين وبيضحكوا وكرم باصصلها بحب وهو مبتسم 
بكر صباح الفل يا دكتوره
دره صباح النور يا بكر
بصت علي كرم بإحراج واتلغبطت عشان واقفه في وسطهم
دره هاي يا كرم
كرم بصوت واطي نسبيا لكن بكر وعبدالله سمعوا وضحكوا هاي ياكرم مالك يابت صندوق
بصتله دره وهي بتبرقله وبتحاول تخبي ابتسامتها 
دره اااا طيب يا بابا انا ماشيه عايز حاجه
زكريا سلامتك يا حبيبتي
دره قربت من رفاعي سلام يا حبييي
رفاعي مع السلامه يا دره
جريت دره علي عربيتها وكرم باصصلها
بكر بضحك انت يا جدع
كرم بتقولي هاي ياكرم
بكر امسحها فيا معلش
رفاعي عملتوا ايه ياكرم
كرم كان باصص علي دره بطرف عينه و بيستحلفلها
بكر غمزه في ايده وهو بيضحك
كرم اااا خلاص يا معلم علقنا اليافطه وكله تمام
رفاعي علقھا عدل احسن تقع علي حد تجيب أجله يا ابني
بكر اطمن يا معلم كله تمام 
انسحب كرم من وسطهم بهدوء وراح علي المحل واول ما دخل اتصل علي دره 
دره ضحكت اول ما شافت رقمه وكانت عارفه هو بيتصل ليه الووو
كرم ده انتي نهارك مش فايت يابت الجمال
دره بضحك ليه بس
كرم انا يا شبر ونص يتقالي هاي ياكرم
دره انا بعمل كده
كرم بأبتسامه بطلي ضحك متستفزنيش ولو جيت رخمت عليك قدامهم هتعيطي وتقولي بيلغبطني
دره طيب ما انا حقيقي اتلغبطت لما شوفتك باصصلي وبتضحك 
كرم ماشي يا دره
دره خلاص بقي عديها
كرم لا مش هنعديها يا دره وزعلت وخافي مني بقي عشان لما بنزعل بنتحول
دره طيب ايه رأيك اصالحك وبلاها هاي كرم اللي زعلتك دي
كرم بابتسامه جميله طيب يلا صالحيني 
دره تمشي معاك ازيك يا كيرو
كرم لا متمشيش
دره طيب صباح الخير يا حبيبي
كرم بحب ابتسم اهو كده
دره بابتسامه براءه انا كده
كرم براءه يا قلب كرم هتعملي ايه بعد الشغل
دره ليه
كرم عايز نشوفك ده بعد اذنك يعني
دره لا بيتهيألي صعب انهارده عندي عمليتين وفي شغل كتير كفايه امبارح مروحتش
كرم يادي الشغل طيب هتخلصي امته 
دره مش قبل 11
كرم خلاص هنيجي ناخدك
دره معايا العربيه علي فكره
كرم ايوه اعمل
ايه يعني عايز نشوفك بنقولك
دره بحب طيب اعمل ايه ياكرم ڠصب عني والله طيب ايه رايك نخليها بكره
كرم لسه هنستني لبكره يادره
دره هعوضك والله
كرم هتعوضيني ازاي
دره اممم هشوفك يعني
كرم لا مينفعش التعويض ده ما انا اصلا كده كده هشوفك
دره طيب عايز ايه
كرم بكره متفطريش هنفطروا سوا وبعدين اوصلك علي شغلك ولما تخلصي هنبقي نشوفك تاني
دره انت كده داخل علي طمع يابن الرفاعي
كرم عاجبك ولا لأ
دره بأبتسامه خلاص عاجبني
كرم والله لو معترضه يبقي اشوفك انهارده
دره لا خلاص مش معترضه المهم انت تكون راضي
كرم والله ادام هشوفك مرتين يبقي اكيد راضي
دره طيب يلا روح شوف شغلك
كرم لما توصلي طمنيني عليكي
دره حاضر
كرم بحبك
دره وانا بحبك
كرم سلام يا حبيبي
دره باي
قفلت دره واتنهدت تنهيده طويله كلها راحه 
قفل معاها كرم وهو مبسوط وبسرعه افتكر نبيله واتصل عليها 
شافت نبيله اسمه فتحت الخط ومن غير سلام ولا كلام بدأت بربع 
نبيله الواطي اللي معندهوش أصل
كرم بضحك احييييه ولازمته ايه الربع ده بقي
نبيله قليل عليك وانا لسه قولت ارباع
كرم في ايه ياوليه مالك علي الصبح دمااااغنا 
نبيله لا بنقولك ايه منسمعش صوتك خالص وتسمع الربع من غير اعتراض
كرم طيب قوليلي في ايه بس شكل المعلم منكد عليكي وبتطلعيه عليا قولي قولي متتكسفيش
نبيله فشرررر ولا عمره يقدر يعملها انا الحته الشمال يا ابن الرفاعي
كرم ولا يا ولا العب طيب امال ايه الراجل شايف واجباته علي اكمل وجه قالبه وشك عليا ليه بقي
نبيله عشان انت واطي بقي انا يا واد اتنسي واتحط علي الرف
كرم ده مين ابن الكلب اللي يعمل كده في بلبله 
نبيله انت يا ناقص
كرم ياوليه بنقولك مين ابن الكلب تقولي انت 
نبيله اخر مره تليفونك رن عليا امته ياولا هاااا مش لما كلمتني عشان تأنب فيا بعد ما عرفت من دره اللي حصل واتصلت تقولي انك مش هتسيب حقك
كرم احييييه علي دي سيره
نبيله حط لسانك في بوئك واسمع الكلمتين للاخر 
كرم كملي يلا الربع هنسكت
نبيله حصل ولا لا يا واطي
كرم حصل
نبيله وبعدها شوفتك لما عبدالله جالك المزرعه ومن يومها لا حس ولا خبر
كرم ايوه بس شوفناكي كذا مره وبنتكلموا معاكي عادي
نبيله هنعمل ايه بكلمتين بتقولهم في وش الكل
كرم ااااه قولي بقي انك عايزه كلمتين علي الخاص وفي السر و وحشك اتصالي بيكي 
نبيله أتريق عليا يا ناقص وكل بعقلي حلاوه
كرم ما خلاص بقي يا بلبله أديني بنتصل عليكي أهو لازمته ايه الربع اللي عالمساء ده
نبيله لازمته اني نعرفك انك واطي ومبتسألش فالح بس تجري وراء دره
كرم اوبااااا لا ده الكلام كبير بتغيري من بتك يا وليه
نبيله بأبتسامه لا يا اخويا مبنغيروش ربنا يهني سعيده بسعيده
كرم ودين محمد انتي ما سهله يا بلبله بس هنعملوا ايه بنحبك وبنحب لسانك الطويل
نبيله وحشتني يا ناقص
كرم وايه الجديد انا علي طول واحشك
نبيله ايوه شوف روحك عليا بقي
كرم لو شوفنا روحي علي الخلق كلها مش هنقدروا نشوف روحي عليكي يا بلبله ده انتي الحته الشمال
نبيله ياولا بلاش بكش انا بردوا الحته الشمال
كرم بضحك عايزه ايه يا بلبله اسلكي شويه لوجه الله
نبيله بضحك منقدرش ياولا بس قولي مزاجك رايق يعني
كرم ايووووه تكرهي يعني
نبيله نكرهوا طب ده انا مني عيني نشوفك مزاجك رايق علي طول
كرم حبيبتي يا بلبله عارف والله
نبيله قولي ياولا
كرم خير
نبيله عملت ايه في البت شقلبت حالها
كرم هنعملوا فيها ايه رجعتهالك صاغ سليم
نبيله من ناحيه صاغ سليم فا معاك حق بس نقصد قولتلها ايه البت كانت خارجه امبارح الصبح وهي مش شايفه قدامها رجعت من معاك هاديه ومبسوطه وعينها فيها لامعه خير إن شاء الله
كرم بضحك انتي مش عارفه قدراتي ولا ايه يا بلبله
دره والله لو عليا نعرفوها بس مستغربه وھنموت ونعرف حصل بينكم ايه رجعها دره بتاعت زمان
كرم بضحك وجرأه ولا حاجه كل الحكايه اني ريحتها 
نبيله بضحك اتلم يا ۏسخ 
كرم طب نقولك ايه بس اتكلمنا معاها شويه وخلاص نبقي ريحناها ولا لأ
نبيله مع اني مش مطمنالك بس ماشي هنعدوها
كرم عيب عليكي بتشكي فيا أسلكي شويه
نبيله مبنشكش فيك لكن نسلكلوا من ناحيتك لا يمكن ياصايع
كرم بضحك طب بنقولك ايه 
نبيله قول
كرم مش ناويين تضايقوها تاني عشان نريحوها 
نبيله بضحك ياولا هننزل نسمعك ربع في قلب الشارع
كرم لا خلاص اهدي متفرحيش فينا حد احنا حبايب
نبيله ايوه كده أتعدل
كرم ماشي يا بلبلتي انا قولت نتصلوا نرخموا عليكي شويه عشان لسانك الطويل وحشني
نبيله يعني خلاص رضيت عليا
كرم علي حسب انا نقدروا نستغنوا عنك يا بلبله بردوا
نبيله هنشوف وابقي اعملها تاني ياكرم وما تتصلش زي كل يوم
كرم لا خلاص سماح يا ستي كل يوم هنتصلوا نصبحوا عليكي ونسمعوا اجدعها ربع عشان نعرفوا نشتغل نسمعوا بقي دعوه حلوه
قبل ما نقفلوا
نبيله يسعدك ربنا ويريح بالك وقلبك واشوفك اسعد الناس يا كرم يا ابن نجوي وينولك كل اللي بتتمناه
كرم ايووووه انا كنت محروم من الدعوات الحلوه دي
نبيله شوفت يا ناقص 
كرم خلاص يا ستي توبه وهنقرفوكي كل شويه
نبيله علي قلبي زي العسل
كرم حبيبتي يا بلبله عايزه حاجه 
نبيله عيزاك طيب يا حبيبي
كرم سلام يا ست الكل
نبيله سلام يا كيرو 
قفل كرم وبص علي الموبايل كان بيرن وهو بيكلم نبيله لقاها سونه 
كرم لنفسه ما كنا ماشين كويس مش وقتك يا سونه اتنهد وبعدين رد عليها
كرم ايوه يا سونه
سونه ايوه يا كرم عيزاك
كرم مش فاهم
سونه عايزه نشوفك ضروي يا كرم هو ايه اللي مش فاهم
كرم في ايه عالصبح دمااااغنا يا سونه
سونه بنقولك ايه يا كرم انا عفاريت الدنيا بتتنطط في وشي
كرم في ايه ياسونه عفاريتك طالع عالصبح ليه
سونه لما نشوفك هتعرف
كرم انا مش فاضي الوقت يا سونه
سونه مش هنأخرك يا كرم
كرم طيب خليني الاول اشوف شغلي عشان صعب اسيب الدكان الوقت
سونه طب امته يا كرم
كرم ايوووووه ما قولنا لما نخلصوا شغل بلاش زن بقي
سونه ماشي يا كرم خلص وكلمني
كرم سلااام
قرب منه بكر
بكر بتتعارك مع مين
كرم مع المره المخبوله اللي اسمها سونه
بكر بضحك مالها ومالك
كرم انا عارف متصله وهي مټعصبه وعايزه تشوفني ضروري
بكر ليه في حاجه
كرم وانا نعرف منين انت التاني
بكر طب ايه هتروح تشوفها
كرم مش وقته في شغل نخلصوا وبعدين نروح نشوفها عابزه ايه مني
بكر لو عايز تروح روح وانا واقف
كرم بصله بنقولك ايه خليك في حالك انا ما بنصدقوا نهربوا منها
بكر بضحك الله يعني الحق عليا 
كرم اه يا اخويا الحق عليك تتعب انت لو ملبستنيش في حوار
بكر عيب عليك يا صاحبي تعرف عني كده
كرم انت احيه علي دماغك مش سالك بربع جني
بكر ديما ظالمني كده انا كل الحكايه بنحب نضحك عليك وهي قفشاك وانت ياعيني مزنوق مش عارف تهرب
كرم عشان كده عايزني اروح لا هلاص بطلما نتزنقوا
بكر اخس عليك الوليه صعبانه عليا وحدانيه وبتحبك
كرم مليش في الستات يا اخويا
بكر انال ليك في ايه الرجاله
كرم بضحك رفع حاجبه ما هو الناقص هترد عليه تقوله ايه غور من قدامي بدل ودين محمد نسمعك ربع ولا اجدعها مره
بكر فطس من الضحك لا وعلي ايه هننشروا غسيلنا الۏسخ قدام الخلق
كرم ايوه كده أهدي وأمسك في العقل خمسه عشان دماااااغنا مش عارف انا اليافطه موقعتش علي نفوخك ليه وارتحت من لسانك
بكر وهنهون عليك يا صاحبي
كرم ايوه يا اخويا تهون عادي
شوف شغلك يا اخويا ټموت في الرغي زي الزنانه مراتك
بكر مالك ومالها الوقت والله صعبانه عليا دور البرد اللي خدته تاعبها اوي
كرم مالها ما كانت زي القرده امبارح انا مشوفتهاش انهارده
بكر صاحيه تعبانه اوي شكلها داخله علي دور شديد
كرم هنطلعوا نشفوها الوقت وهندوها علاج كويس هيجيب معاها نتيجه 
بكر بضحك دكتور يا ناس
كرم قولنا نمسك في العقل خمسه ورب الكعبه فاضلك معايا تكه وهحطك مكان العجل اللي متعلق 
بكر بضحك لا خلاص اهدي 
كرم ايوه كده نمسك لساننا شويه خايب زي مراتك بالظبط
فضل بكر يضحك وخاف من قلبته وبعد عنه وهو مش مبطل ضحك
كرم بضحك بصله من بعيد اضحك اوي هيوحشك الضحك ده قريب
بكر ما خلاص سكتنا يا جدع 
فات حوالي ساعتين خرجوا البنات من المحاضرات بتاعتهم واتقابلوا في الكاڤيتريا وقعدوا يتكلموا مع بعض في حجات كتير وعرفت سماح منهم انهم اتصالحوا مع دره والدنيا تمام 
سماح انا كنت جعانه اوي 
ديما ما هو واضح ده تاني ساندوتش تاكليه بتودي الاكل ده فين
سماح هتعملي زي حسن علي طول يقولي كل ما تشوفي وشي تقولي جعانه