ابن ليل اميرة اسامة

الوقت معاهم ولا لوحدكم وبتصرفوا ازاي
دانه اطمن يا بابي الناس اللي عمرهم ما شافونا قبل كده كانوا احن علينا منك ومتقلقش علي مصاريفنا مامي مش مخليانا عايزين اي حاجه ولا هي ولا اهلها 
يوسف دانه انا عايز رقمك ضروري 
دانه ليه
يوسف عشان ابقي اكلمك واطمن عليكي وعلي اخواتك انا عارف انهم زعلانين عشان كده مش بيردوا ويمكن كمان دره تكون منبها عليكم متردوش عليا
دانه مامي عمرها ما هتقولنا حاجه زي دي بس احنا اللي مش عايزين نرد عليك عشان حتي لو هي مش هتقولها اكيد ممكن تضايق انك بتكلمنا واكيد هي معاها حق غريبه ترفضنا وتخرجنا بره حياتك وترجع تتصل عشان تطمن علينا 

يوسف قولتلك يا دانه مهما يحصل انتوا بناتي وهتفضلوا بناتي يمكن انا الوقت معنديش حاجه اقولها ولا عندي اي مبرر للي حصل بس كل اللي اقدر اقوله ليكي الوقت اني حابب اطمن عليكم كل فتره وكمان انا بكره هحولك علي حسابك فلوس
دانه فلوس ليه
يوسف عشان تجيبي انتي واخواتك اي حاجه تحتاجوها وياريت متعرفيش دره لاني واثق انها هترفض
دانه بس انا مش هقدر اعمل كده يا بابي انا اسفه
يوسف دانه اسمعي الكلام واول ما تقفلي معايا ابعتيلي رقمك عشان اعرف اتواصل معاكي واعرفك هبعت الفلوس ازاي
دانه قولتلك يا بابي مش عايزه اي حاجه ولا محتاجين اي حاجه وقبل ما اوافق علي طلبك ده تقدر تكلم مامي وتعرفها ولو هي وافقت تمام رفضت يبقي انا مستحيل اعمل كده 
يوسف دانه قولتلك دره مش هتوافق ولازم تسمعي كلامي الفلوس دي هتنفعكم انتي واخواتك وبعدين دره ملهاش علاقه بعلاقتي بيكم يعني مش من حقها تقبل او ترفض انتي فاهمه انا ابوكم وهفضل ابوكم
دانه وياتري بقي الفلوس دي مراتك تعرف عنها حاجه ولا زي مكالمتك الوقت متعرفش عنها حاجه 
يوسف دانه افهميني ارجوكي يا حبيبتي 
دانه بدموع بابي انا مضطره اقفل عشان الفطار جهز ومش عايزه مامي تعرف اني بكلمك
يوسف تمام يا دانه روحي وهستني الرقم 
دانه سلام يا بابي 
قفلت دانه ومسحت دموعها ولفت ضهرها لقت دارين في وشها واقفه مصدومه 
دانه دارين 
دارين انتي بتعملي ايه يا دانه وازاي تردي عليه وفلوس ايه اللي عايز يبعتها
دانه وطي صوتك يا دارين ارجوكي
دارين ولما انتي خاېفه كده اوي ازاي قبلتي تكلميه ازاي سكتي لما قالك هبعتلك فلوس فلوس ايه هو لسه فاكر يبعتلنا فلوس ايه ضميره وجعه
دارين وطي صوتك ايدك انا مقبلتش حاجه وقولتله يقول لمامي لو وافقت تمام موافقتش خلاص
دارين توافق علي اييييييه انتي
اكيد مجنونه مامي لو عرفت اصلا اللي حصل هتروح فيها انتي مش عارفه اللي حصل فيها جايه تقولي لو وافقت وبعدين هو بابي فاكر انه بيدينا وبيعطف علينا ناسي ان دي فلوس مامي اصلا مستنيه ايه يا دانه بتفكري في ايه
دانه بفكر في اللي انتي بتقوليه الوقت دي فلوس مامي ولازم ترجعلها حتي لو بطريقه مش هتعجبها بس ده حقها علي الاقل يرجعلها جزء بسيط منه وهو تعبها ومجهودها طول
السنين دي
دراين وانتي ماااالك هي حره هي عارفه ممكن تتصرف ازاي خلاص احنا اللي هنفكر ونقرر
في الداخل 
عبدالله البنات صوتهم عالي ليه كده
حسن مش عارف شكلهم بيتخانقوا
دره يلا يا ديما حطي الطبق هنا في ايه يا حسن مين اللي بيتخانقوا
ديما هو في ايه
دره دارين ودانه بيتخانقوا ولا ايه 
زكريا شوفيهم يا دره يا بنتي
راحت دره علي البلكونه وكل ما تمشي خطوه تسمع اللي بيقولوه بوضوح اكتر 
دره وقفت مصدومه لمحتها دانه
دانه مامي
لفت دارين وشها بسرعه وبصتلها
دارين مامي 
دره اللي سمعته ده مش حقيقي صح
دانه بدموع مامي هفهمك اسمعيني
دره تفهميني ايه يوسف بيكلمك وكمان عايز يبعتلك فلوس
دانه مامي الموضوع مش زي ما حضرتك فاهمه صدقيني
دارين مامي اهدي بس وهنقولك اللي حصل
دانه اسكتي انتي كل ده بسببك وبسبب صوتك العالي قولتلك مامي هتسمع
دره ايه كنتي ناويه تخبي عليا يا دانه
دانه يامامي الموضوع مش كده بابي بقاله يومين بيتصل بينا كتير علي الماسنچر لانه ميعرفش
ارقامنا اول مره اتصل كنا في الجامعه بس محدش فينا رد رجع اتصل بيا الوقت وقال ان دارين وديما عملوله بلوك
دره وانتي رديتي ليه يا دانه معملتيش زي اخواتك ليه هاااا ايه اللي عمله فينا مكانش كافي بالنسبالك 
قربوا كلهم من دره ووقفوا يفهموا 
زكريا في ايه يا دره يا بنتي صوتكم عالي ليه وبتعيطي ليه
دره بعيط ليه السؤال ده إجابتي عليه هتقتلني اكتر يا بابا
نبيله دره يا بنتي تعالي طيب اقعدي جوه واهدي
عبدالله حصل ايه يا بنات
دانه يامامي ارجوكي اسمعيني انا رديت عشان اعرف بيتصل ليه كان عندي فضول اعرف ليه افتكرنا بعد ما هو بنفسه باعنا ومفكرش يبص وراه
دره وده كان سبب كفيل يخليكي مترديييييييش كان سبب يخليكي متفكريش تسمعي صووووته اللي رماكم ودبح امكم بسکينه تلمه مكانش ينفع فضولك يسوقك انك تعرفي عايز ايه
دانه بدموع عصب عني يا مامي والله ومش هكدب عليكي قلقت عليه اتصاله الكتير خلاني خۏفت تكون الست دي عملت معاه حاجه لان اللي تعمل كده فينا وقدام عنينا مش صعب عليها ټأذي بابي كمان مش هنكر انه وحشني انتي ربتينا يا مامي علي ان انتي وبابي مهما حصل منكم واجب علينا طاعتك وواجب علينا انا نسأل عليكم ونهتم بيكم عشان منتسألش عليكم وده بابي يا مامي مقدرتش
دره مش مع دددددده البني ادم ده مينطبقش عليه لا طاعه ولا سؤال ابوكم قطع صلة الرحم بينه وبينا بأقذر طريقه دمرنا كلنا ومفكرش يبص وراااااه خلاني انااااا اطلب منه وانا كأني بطلب منه إعانه انه يتكرم علينا ويدفع فلوس التيكت عشان منتبهدلش في السفاره خلاني انا شويه شويه علي ايده عشان يمن عليا بفلووووسي خلاني اتذل ليه وانا طول عمري راسي فوووووق خفت عليكم وخفت علي بهدلتكم معايا لا صعبت عليه ولا حتي انتوا صعبتوا عليه كان خاېف علي زعل الحيوااااانه اللي شبهه
اڼهارت دره اكتر وهي بټضرب علي قلبها بۏجع انا سكت كتير وكتمت الۏجع جوايا لحد ما كان هيموتني عشان محسسكوش باللي انا حاسه بيه عشان مينزلش من نظركم اكتر من كده وانتوا جيتوا عليا وبأوسخ جزمه عندكم دوستوا علي قلبي وقطعتواااا اكتر ما هو متقطع
دارين يا مامي والله احنا ما لينا ذنب
ديما بدموع انا عملتله بلوك والله يا مامي 
دانه مامي انا مقصدتش خالص اوجعك صدقيني قولها حاجه يا جدو أرجوك والله ما كان قصدي
نبيله بدموع دره اهدي يا بنتي قلبك هيقف
دره ياريته يقف يا امي واخلص من الۏجع اللي نش راضي يسيبني
زكريا بالهداوه يا بنتي بنتك متقصدش وبعدين دانه صغيره يا دره ومهما كان ابوها يا بنتي
دره مش ابوووووها ولا يستاهل انه بكون ال من الاساس ده رماهم يا بابا رماهم وداس عليهم والله قالي في وشي خدي بناتك معاكي قالتلي قدامه متحاوليش تخلي بناتك يستعطفوا يوسف وهو سمع وسكتتت وانا مقدرتش اقولهم عشان ميتوجعوش
زكريا بلمعه في عينه وۏجع طيب اهدي
دره قالتلي انتي وبناتك هتخرجوا بره البلد وتنسوا يوسف وهو سامع وساكت كنت ببصله زي العيله الصغيره اللي مستنيه ابوها يدافع عنها ويقولها انتي بتقولي ايه دي دررررره ودول بناتي بس مقالش يا بابا والله ما قال وبعد كل ده يتصل بيهم بصت لدانه پغضب وأنهيار كان عايز ايه هااااا قالك ايه
دانه بدموع قال انه بيطمن علينا وقال ان مهما حصل هنفضل بناته وهو ابونا وسأل بنصرف ازاي وعايز يبعتلي انا واخواتي فلوس وطلب اني مقولكيش شان عارف انك هترفضي بس انا مقبلتش والله يا مامي قولتله مامي لازم توافق 
دره اوافق علي اييييييييه اوافق علي انه يفكر نفسه بيعطف عليكم بفلوووووسي لسه فاكر الوقت يسأل بنصرف ازاي ده سحب مني كل مليم بملكه وسابني في وسط بلد غريبه وفي الاخر ضميره وجعه 
دانه انا عارفه ان كلامي ممكن ميعجبكيش بس ده حقك يا مامي خليه يبعت الفلوس و خليه كل شويه يبعت لحد ما ناخد منه كل فلوسك اللي هو خدها
دره انتي تخرسيييييي خالص انا مش عايزه اسمع صوتك حقي ده انا سيبته بمزاجي انا لو كنت عيزاه كنت خدته وكنت عرفت اجيبه اللي منعني هو انتوااا محبتش اقف قصاده في محاكم محبتش اوجعكم وانتوا شايفين ابوكم وامكم واقفين قصاد بعض مقدرتش ادمر اي ذكري حلوه
عيشتوها معانا طول السنين دي وقولت كفايه عليه اسوء ذكري اتحفرت في قلبهم وهو تخلي ابوهم عنهم وخروجنا من البلد بالطريقه دي قولت كفايه عليهم كل حاجه اتاخدت واتسرقت منهم في لحظه دراستهم واصحابهم والبيت اللي عاشوا واتولدوا فيه بس انا من اللحظه دي مش هسيب حقيييييي وهدفع ابوكم تمن كل ۏجع وچرح في قلبي
وحقي هيرجع وانا رافعه راسي لفوق مش وانا مستنيه منك لعبه تعمليها عليه وفي الاخر هو يفكر انه بيريح ضميره بمساعدتنا 
صوتهم كان عالي واڼهيار دره مقدرتش تتحكم فيه وصوتهم سمع عيله الرفاعي يمكن الكلام مكانش مفهوم من عياط دره وارتباكها واڼهيارها لكن كان واضح ان في مشكله 
هيما ابه الصوت ده
نجوي هو ده مش صوت دره
مها مش عارفه باين يا امي ياساتر يارب في ايه انا هقوم نشوف في ايه
رفاعي استني يا بنتي بلاش تخرجي عشان ميفكروش اننا بنتجسس عليهم
سيبيهم براحتهم
مها نتجسس ايه يابا ده صوتهم واصل لينا
رفاعي بردوا يابنتي البيوت ليها حرمتها ومحدش عارف حصل ايه سبيهم الوقت 
كرم كان ساكت بس مش مرتاح وفضوله هيقتله اكتر من مها
بكر انا نازل نفتحوا
بكر خدني معاك نازل يا معلم
رفاعي اه خدوني معاكم مها متخرجيش خليكي مع امك
مها حاضر يابا قربت من ولادها بهدوء بنقول ايه يا عيال لو عرفتوا حاجه من البنات طمنوني
محمد بصلها بطرف عينه الوقت عيزانا نعرفوا من البنات ما كنتي مطلعانا مسرح من شويه
مها اتسد ياولا واسمع اللي بنقولك عليه
محمد ماشي ياستي يلا يا حمو
احمد يلا نازل يا هيما
هيما ايوه يلا بينا 
نزل ا كلهم علي تحت وبدأ كرم
وبكر يفتحوا والشباب كانوا واقفين معاهم 
هيما صوتهم عالي اوي علي فكره
رفاعي خير ان شاء الله البيوت ياما فيها مشاكل ربنا يهدي الحال 
دعاء وحدي الله يا دره دول عيال ومش فاهمين حاجه 
عبدالله بحزن تعالي طيب ارتاحي وافطري
دانه مامي عشان خاطري متزعليش مني والله ما هتتكرر تاني وهعمله بلوك انا كمان
دره انتوا مستحيل تفهموا انا مطلبتش من حد يعمله بلوك بس حتي مكالمته كان فيها إهانه ليا ياريته اتصل عشان ندمان عليكم انتوا علي الاقل لكن للاسف هو بيحاول ينيم ضميره
بس انا لحد اخر لحظه