ابن ليل اميرة اسامة

ھموت واعرف بتودي الاكل ده فين
ديما انا لما بجوع بردوا بتحول بس بصراحه مكنتش جعانه بس صدعت اوي الدكتور ده فظيع مش بيسيب ثانيه تعدي في المحاضره غير لما يشرح
دانه حقيقي فظيع مش بيفصل بس بصراحه بفهم منه اوي
ديما هو شاطر اوي فعلا
سماح دودو مالك ساكته ليه
بصتلها دارين وابتسمت 
دارين لا خالص والله معاكم
ديما صحيح يا دارين فيكي ايه مش مظبوطه وكل ما ابصلك الاقيكي مبتسمه خير ان شاء الله
دانه لاحظتي صح
سماح وانا كمان
دارين لا والله اتفقتوا عليا
سماح انا مليش دعوه اخواتك اللي قالوا بس ده ميمنعش اني لاحظت ومرضيناش نسألوا

دانه اعترفي 
دارين بصتلهم وهي عينها بتلمع وسكتت شويه هو باين عليا
سماح احييييه اهي هتعترف
ديما اعترفي بسرعه مش قادره اتنفس
دانه استني قبل ما تعترفي الابتسامه دي انا حفظاها كويس اوعي تقولي ان الحوار في ادم
دارين لا مش ادم وانسي موضوع ادم ده خالص انتي عارفه انه عملي بلوك واختفي وحتي لو رجع مش هيلاقيني لما احتجته اختفي فا
اكيد لما يحتاجني مش هيلاقيني 
دانه مدتلها ايدها كفك يا احلي دودو في الدنيا ايوه كده هي دي اختي اللي اعرفها
ابتسمت دارين وضړبتها بالكف
سماح استني بس خلينا نعرف لو مش ادم يبقي مين حاسه كده ان الحوار وراه هيما
ديما بضحك وحماس وانا كمان قولي صح 
دارين بأبتسامه صح
دانه وساكته قولي بسرعه حصل ايه
دارين هحكيلكم حاضر وبدأت دارين تحكيلهم علي اللي حصل بينها وبين هيما وهما مبسوطين وفنفس الوقت مصډومين 
دارين بس هي دي كل الحكايه 
دانه اوبااااا ايه التطوارات السريعه دي
سماح جامد ياولا يا هيما صراحه انا كنت حاسه بس متوقعتش انه يكون ليه رد فعل سريع كده
دارين يعني ايه
سماح كنت متخيله الموضوع مجرد إعجاب بس الولا طلع واقع وخديها مني هيما جدع وراجل وادام اعترف بالسرعه دي يبقي واخد الموضوع جد 
دانه بصي هو انا بصراحه مبسوطه انا حبيت هيما جدا ومن اول ما شوفته واتعرفت عليه هو ومحمد واحمد وحتي حسن دخلاو قلبي بس المهم انتي حاسه بأيه وعايزه ايه
دارين مش عارفه انا متلغبطه اوي بجد
ديما وليه متلغبطه انتي مش مبسوطه يعني في بنت في الدنيا تسمع من ولد زي القمر انه بيحبها وتتلغبط
سماح وده مش اي ولد ده هيما الرفاعي أبن جهتي 
ضحكت دانه ودينا علي سماح
دانه مين هيشهد غيرك
سماح اماااال يابت بنقولك ابن جهتي وصراحه انا بنعز هيما اوي ابن حلال ويستاهل ومش هيلاقي زيك يا دارين
دانه متلغبطه ليه يا دارين انتي لسه بتفكري في ادم ومتأثره باللي حصل صح
دارين مش كده بس انا لسه خارجه من تجربه فاشله من اسبوع واكيد اتوجعت فيها مش عايزه ادخل في علاقه بالسرعه دي عشان خاېفه لما ادخل التجربه دي اندم واحس ان مش هو ده اللي كنت عيزاه ووقتها هجرح هيما وبصراحه انا مش حابه كده المفروص علي الاقل اخد وقتي المشكله اني مش هدخل تجربه جديده كل واحد فينا معجب بالتاني او بيحاول يجرب نفسه في علاقه ويشوف إذا كانت هتنجح ولا هتفشل لأ انا هدخل في علاقه وهو معترفلي علي طول بالحب يعني واخد الموضوع جد فا مينفعش ابدا ان انا ادخل فيها كا تجربه فاهمني 
سماح صراحه انتي عندك حق لازم تاخدي وقتك مينفعش تكوني خارجه من علاقه وتدخلي في علاقه بس الكلام ده يمشي مع اي حد إلا هيما 
دانه ليه بقي اشمعني هيما
سماح عشان انا واثقه ان دارين هتحبه اوي ومن غير زعل لو جربتي يا دارين انا واثقه انك مش هتلاقي اي مقارنه بين ادم ده وبين هيما وقتها المقارنه هتبقي ظالمه لهيما شاب زي القمر مفيهوش غلطه راجل وجدع مصري و اسكندراني دمه حر بېخاف وبيغير علي اللي منه ميتخلاش عنك ابدا في اي موقف مش لامواخذه الامريكاني بتاعك اللي خلع من اول موقف
ضحكوا البنات علي سماح
دارين خلاص كرهتيني فيه اسكتي
دانه مش قالتلك ابن جهتي يعني هتفضل تشكر فيه من هنا للصبح
سماح بضحك ايوه كده خليكي معايا علي الخط بس نتكلموا بجد انا والله مش بنقولو كده عشان نعرفوا هيما كويس بس دي حقيقه هيما جده اوي ويستاهل كل خير
ديما خلينا في المهم انتي رديتي قولتي ايه بعد ما اعترفلك
دارين ولا حاجه اتجمدت في مكاني ولحد ما جيتلكم منطقتش معاه بحرف
دانه اټصدمت
دارين اټصدمت بس انا حسيت اني فقدت النطق بصراحه مكنتش متوقعه
سماح واكيد هو قدر ده متقلقيش
دارين بس في حاجه هو لما روحنا ما بصليش حتي ولا حاول يكلمني تاني بيتهيألي ممكن يكون زعل عشان مردتش عليه وقتها
سماح لا طبعا يا هبله هو كل الحكايه سايبك براحتك
دانه اكيد سايبك براحتك فعلا وبعدين مش هو قالك مترديش الوقت وخدي وقتم
سماح فهموها عشان انا خلقي ضيف لأ و قال وعامله نفسها بتفهم في الحب 
دارين بضحك الله مش باخد رأيكم
ديما طيب ما تكلميه انتي وتسألي عليه
دارين لا طبعا انتي مجنونه مش هعرف واصلا هقوله ايه لأ لأ مستحيل
سماح طب واللي يقولك علي الحل
دارين حل ايه قولي
سماح هيما عيد ميلاده بعد بكره حسن لسه محمد واحمد مفكرينه انهارده الصبح ولما كلمني قالي وعايزين يعملوله مفجأه ويعملوا عيد ميلاده بره وانتي والبنات اكيد هتيجوا معانا واهي فرصه تتكلموا تاني وتفكي شويه معله واكيد هو هيتبسط
دارين بس حسن مقالش اكيد مش هينفع نيجي واحنا منعرفش
دانه بتقولك قالها الصبح واكيد معرفش يقولنا
سماح اكيد هيعرفكم طبعا والباقي عليكي انتي بقي
ديما هو هيعملوا فين
سماح لسه منعرفش اكيد هيشوفوا مكان ويقولوا
دانه هو
بعد بكره
سماح اه وامسكي لسانك ابوس ايدك بلاش الفضايح بتاعتك بنقولومفجأه هااا مفجأه يا دانه
دانه بضحك انتوا واخدين عني فكره وحشه اوي
دارين حقهم ما انتي صراحه مش بتمسكي لسانك ڤضيحه
دانه لا خلاص والله مش هقول
ديما طيب احنا كده عايزين نجيبله هديه هتجبيله ايه يا دارين 
دارين بأبتسامه بصراحه مش عارفه الوقت
سماح سيبك من الهديه هنفكروا مع بعض المهم زي ما قولتلك حاولي تفكي شويه اتكلمي بلاش كسوفك ده عشان تعرفي بعد كده تتصلي عليه وتتكلمي معاه وتديله فرصه هو كمان يتصل عليكي من غير ما يعمل حساب انك مش هتردي او مش هتتقبلي ده 
دانه سماح عندها حق علي الاقل فرصه تتعرفي عليه اكتر وعلي شخصيته مش يمكن تقدري تحبيه وتطلعي من التجربه بتاعت ادم دي خالص
دارين حاضر يا بنات هعمل كده بس المهم قولولي اجيبله ايه انا مش عارفه وبصراحه معرفش بيحب ايه وايه اللي ممكن يعجبه 
سماح بصي اللي اعرفه ان هيما بيعشق البرفانات والساعات
دارين طيب لو جبتله برفان انا معرفش بيحب ايه 
دانه هعلم فيكي لحد امته مش عارفه هو انتي لازم تحيبليه الحاجه اللي بيحبها
دارين امال اجيبله حاجه مش بيحبها
دانه لا يا زكيه مقصدش بس ما هو طبيعي اكيد النوع اللي بيحبه عنده منه
دارين امال اعمل ايه طيب
دانه جيبله حاجه علي ذوقك انتي برفان تكوني بتحبيه وتحبي انك تشميه عليه هو هنروح نجيبله من براند معروف نوع يكون مميز واكيد هيحبه وهيبقي مفضل عنده كمان
سماح ألعبببب والله معلمه يا بنتي اختك بتقول كلام زي الفل جيبي الحاجه اللي تحبي تشميها عليه
دانه والأهم انك تحسي انها ماشيه مع شخصيته 
دارين هو البرفيوم كمان بيمشي علي السخصيه
دانه طبعاااااا هو البرفيوم اتعمل منه انواع كتير ليه فاكره يعني انها روايح كتير وخلاص الانواع دي اتعملت عشان كل حد فينا يختار اللي يناسبه ويمشي معاه يعني اي شخص هادي هتلاقيه بيميل للروايح الناعمه الهاديه شخص ليه شخصيه كده وكاريزما هتلاقي البرفيوم بتاعه من ريحته ليه كاريزما ومميز شخص جد وتحسيه علي طول رافع حاجبه البرفيوم بتاعه ديما هيكون شاذ وريحته جايبه اخر الدنيا كده يعني 
سماح بضحك والله انتي معلمه يا بنتي ايه الدماغ دي 
دارين انا اتحمست
ديما وانا كمان والله
دانه انا بعد كده هديكم دروس 
دارين طيب خلاص نروح امته بقي وبعدين هنروح فين انا معرفش هنا اب مكان
سماح سيبوها عليا انا دي نروح بكره
دارين خلاص تمام اتفقنا 
عند عبدالله 
عبدالله ولا يا حسن هنطلعوا فوق شويه وننازل تاني
حسن في حاجه ولا أيه 
عبدالله لا هندخل الحمام
حسن تمام اطلع انا واقف 
طلع عبدالله علي فوق فتحتله دعاء
عبدالله فين امي
دعاء قاعده جوه في حاجه ولا ايه
عبدالله لا مفيش بنقولك ايه ما تعمليلنا كوبايه شي اشربها وانزل
دعاء حاضر عيني
عبدالله تسلم عينك 
راح عبدالله علي امه كانت قاعده جنب البلكونه في مكانها المفضل بتشرب فنجان قهوه
عبدالله يا روقانك يا بلبله
نبيله بتحسدني علي روقاني يا ولا
عبدالله وانا نقدروا بردوا
نبيله ايه اللي طلعك
عبدالله قولت نطلع نشربوا معاكي كوبايه شي 
نبيله في كلمتين محشورين في زورك يا ولا طلعهم عشان ترتاح
عبدالله بضحك قرياني انتي علي طول يا بلبله
نبيله اللي ربي خير من اللي أشتري ياولا خير في ايه 
عبدالله عزومه يا بلبله 
نبيله عزومه مش فاهمه
عبدالله ايووووه عليكي مش حلوه في حقك دي يا اما صحصحي معايا كده
نبيله احيه ما توضح هو ايه اللي عزومه
قربت دعاء وحطت قدامه الشاي وقعدت 
عبدالله بنفكروا اننا نعمل عزومه لبيت الرفاعي
نبيله سرحت وحطت ايدها علي دقنها وضحكت عجبها الكلام وفهمت قصده بتفكر في ايه يا ولا
عبدالله كل خير يا بلبله عزومه حلوه مش يمكن نلموا الشمل من تاني
نبيله حلو ده ياولا
دعاء احيه عليكم انتوا مفيش فايده فيكم ابدا
عبدالله خليكي في حالك الوقت يا دعاء مش شايفه ست الكل سرحت ازاي وشكلها بتقلبها في دماغها
دعاء تقلب ايه ياراجل اتهد شويه
عبدالله وانتي ايه اللي مزعلك
دعاء تاني يا عبدالله يا راجل ده انتوا لسه متصالحين من مفيش عايز الدنيا ترجع تبوظ بينكم تاني
عبدالله الله وهي العزومه اللي هتبوظها يا بت
دعاء لو علي العزومه يا خويا سهله بس اللي بتفكر فيه انت واللي سؤحانه جنبك دي مش سهل با عبدالله وافتكر اني قولتلك
نبيله يابت اسكتي وبطلي زن الولا بيتكلم صح
عبدالله بضحك شوفتي الناس اللي بتفهم 
دعاء ياما اسمعي كلامي الله يهديكي عبدالله شيطانه حضر
نبيله يابت شيطان ايه اعوذ بالله دي عزومه وقاعده حلوه من بتوع زمان هيحصل ايه يعني
دعاء هيحصل ان انتي وابنك مش هتستكفوا بالعزومه كده وخلاص دره وكرم اللي حصل معاهم زمان كان بسببكم وهنرجعوا نقولها تاني في
وشكم عشان تفوقوا
عبدالله يابت هو احنا هنغصبوهم علي بعض خلاص اتعلمنا دي مجرد عزومه
نبيله مش عارفه اتجوزت البت الزنانه دي ليه
دعاء ايه زعلانه عشان بنقولوا الحق
نبيله ماهو قالك مجرد عزومه
دعاء وانا قولتها لو علي عزومه سهله
بس بالله عليكي يا شيخه انتي وابنك سيبوهم في حالهم خلوهم هما يقرروا اللي عايزينه في حياتهم وبلاش تدخلوا وبعدين بصت لعبدالله والنبي انا قولت طلعتك دي وراها حاجه
عبدالله يابت افهمي بس الدنيا هديت بينهم ومش بس كده كل واحد طلع اللي في قلبه للتاني كرم عرف الحقيقه وهي اللي واجهتوا وفي النهايه الجو بينهم هدي
دعاء نقوموا احنا نقلبهم تاني علي بعض لما نجبرهم علي اللي جبرناهم عليه زمان
عبدالله يابت افهمي مش هنجبرهم بس علي الاقل نحاول نخلي الدنيا حلوه حواليهم انا كمان ملاحظ ان بقي في بينهم كلام يعني امبارح مسبهاش وهي راجعه كويسه انهارده كان في مناغشه بينهم نظرته ليها مش هنقدر نقولو متغيره عشان دي نظره كرم من زمان من ناحيه دره انا بقي دره اللي بجد متغيره انا مش غبي خلينا نستغلوا اللي بينهم ده مش يمكن يابت يقربوا من بعض
دعاء يا عبدالله انا منكرهش بس اختك لسه مخلصتش من طليقها اه يمكن بعدوا بس اختك مش هتسيب حقها