ابن ليل اميرة اسامة

جواه من تغيير ابوه و نبيله
حسن لا يا دعاء بتكدبي ليه اه هي سماح بت سونه هنخبوا ليه يعني
عبدالله پغضب انت عبيط يالااااا
نبيله ده اكيد اټجنن ملاقتش غير سماح بت سونه يا حسن
حسن اه يا ستي ملقتش غيرها مالها سماح كله قاعد يقول بت سونه بت سونه فيها مش فاهم
نبيله انت كمان مش عاجبك ياولا وبتسأل فيها ايه دي امها سيرتها علي كل لسان
زكريا نبيللللله
نبيله ايه يا زكريا مش دي الحقيقه 
عبدالله كان واقف باصص لحسن پغضب
عبدالله يكون في علمك تنسي الحوار ده خالص
حسن وننساه ليه انا بنحبها وهي بتحبني
عبدالله پغضب قرب منه ياولا انت واقف تناطح فيا وقف بكر بسرعه بينهم

بكر في ايه يا عبدالله ما تروق شويه يا اخي الكلام مش كده
عبدالله امال نقوله ايه يا بكر
كرم ولا اي حاجه يا عبدالله هو حر في اختياره البت زي الفل والف من
يتمناها
نبيله هو علي البت يا كرم
كرم اه يا بلبله البت اللي هتعيش معاه هي بتحبه ومحترمه وبميت راجل عايزين ايه تاني 
دره ايه يا امي مالك في ايه يا عبدالله مابراحه شويه 
عبدالله في انه من دون بنات اسكندريه كلهم اختار بت سونه يا دره
دره ومالها سونه بس يا عبدالله ما الست في حالها ومش ذنبها ان الناس بتلسن عليها
نبيله وتلسين الناس ده مش كفايه عشان يبوظ سمعة بتها يا دره
دره لا مش كفايه يا امي الناس بتلسن عشان اتجوزت كام مره في الحلال امال لو كانت اتجوزت عرفي ولا مشيت في الحړام كانوا عملوا ايه البت كويسه ومفيهاش عيب وانا بنفسي عيني عليها من يوم ما جيت
عبدالله انتي كنتي عارفه يا دره وساكته وانتي يادعاء ساكته ليه انتي كمان عارفه 
دره مالكش دعوه بدعاء اه انا عارفه ودعاء كمان عارفه وموقفها كان نفسي موقفكم ومس عشان البت ولا عشان سونه موقفها كان زيكم عشان خاېفه من رد فعلك انت و بلبله بس انا اتكلمت معاها البت مفيهاش غلطه يا عبدالله وبتحب ابنك ولو علي الناس الناس عمرها ما بتبطل كلام يموتوا لو مجابوش في سيره الخلق
زكريا أهدو و وحدوا الله وبعدين مالكم سبقتوا الاحداث ليه هو قال انه هيتجوزها 
حسن حتي انت يا جدي يعني انت شايفني مش راجل عشان نلعبوا ببنات الناس ووقت الجد نخلعوا
زكريا يا ابني منقصدش اقصد ان الكلام ده سابق لأوانه 
عبدالله لا يابا لا سابق لأوانه ولا حاجه الموضوع ده يتقفل يا حسن مفهوم 
حسن بصله بحزن و لو متقفلش يابا
عبدالله يبقي لا انت ابني ولا اعرفك يا حسن 
حسن پغضب بسيط ايه يابا هتغصب عليا نسيب اللي بنحبها ولا هتغصب عليا نتجوز حد مش بنحبه
نبيله لو حكمت يا حسن نغصبوا عليك
حسن ايه يا ستي لسه
متعلمتيش من اللي عملتيه مع دره وكرم زمان
بصوله كلهم واتلجموا دره وكرم بصوا لبعض اتوتر عبدالله وبصلهم وبعدين بص لحسن ورفع ايده عشان يضربه الكل قام وقف والجو اتوتر وقبل ما يضربه كرم مسك ايد عبدالله وقرب منه بصله پغضب
زكريا عبدالللله
كرم ايه هترفع ايدك علي الولا فاكره غلط وعايز تربيه لا با عبدالله الولا عنده حق ولو في حد عايز يتربي ودماغه تتظبط يبقي انت مش الولا ابنك بيتكلم صح محدش فيكم اتعلم من اللي فات
بصلهم حسن وسابهم ونزل
دعاء حسن حسن
جري وراه الشباب
بكر اهدي يا كرم وانت يا عبدالله اللي كنت هتعمله ده مش صح ابنك مش صغير
عبدالله بۏجع واللي قاله كمان مش صح يا بكر
بكر هو مغلطش هو حب وبيدافع عن حبه البت زي الفل والف واحد يتمناها وانتوا كلكم عارفين انها جدعه وحره وبميت راجل وحتي سونه جدعه
مها الشهاده لله يا عبدالله رغم اني بنشاكل فيها علي طول بس سونه غلبانه لسان علي الفاضي كفايه انها طافحه الډم علي بنتها وربتها وكبرتها وعلمتها زي ما ولادنا كلهم اتعلموا
نجوي اقعد يا عبدالله ووحد الله يا ابني 
رفاعي كرم روح وراء الولا حسن هاتوا وانت يا عبدالله اعقل كده ابنك مش بنت عشان تحكم عليه وحتي لو عندك رأي ميبقاش قدام الكل عشان متجرحهوش مهما كان الولا شكله بيحبها بجد واكيد اضايق عشانها
عبدالله ياعم رفاعي انا عارف ابني لو حصل واتجوزها او ارتبط بيها وسمع اي كلمه من خد مش هيسكت وهيتعارك معاه وانا محلتيش غيره
زكريا لا هيتعارك ولا حد هيلسن اقعد بقي صوتنا طلع للخلق خلينا نتكلموا بهدوووووء
بكر تعالي تعالي اقعد هنا
خدوا بكر وراح قعد مع زكريا ورفاعي 
دره بصت لدانه پغضب بسيط مبسوطه كده يا دانه
دانه بدموع يا مامي والله مكنتش اقصد 
كرم بص لدره پغضب وقرب منها هو انا مش قولتلك ملكيش دعوه بيها 
مها خدي دانه تغسل وشها وانتي بطلي عياط
نزل كرم وراء حسن كلن الشباب واقفين معاه في الحوش ومش راضين يخرجوا 
حسن يا هيما بنقولك عديني انا مش طايق روحي 
كرم اقف يالا
اتنهد حسن پخنقه ووقف حاسس انه محروج من كرم علي اللي قاله وفي نفس الوقت مش عايز يستني 
كرم ايه هتروح فين هتطفش زي النسوان
حسن ياكرم ابويا وستي زودوها و انا لو فضلت قدامهم هنزعلوهم وهنتعارك مع بعض
كرم مفيش عراك ولا زفت وقف كلمني راجل لراجل
حسن الاول انا مش عايزك تزعل مني والنبي والله هما اللي استفزوني
كرم وانا مش زعلان انت مغلطتش هما اللي مخهم متركب شمال ولازم يعرفوا انهم ملهمش دخل في اختيارك انت بتحبها يالا
حسن اه بنحبها يا كرم
كرم وهي
حسن هي كمان بتحبني والله العظيم
كرم طيب و أخرة الحب ده ايه تسليه ولا خطوه جد
حسن انا عايز نتجوزها انهارده قبل بكره بس كمان مش عايز مشاكل ومش عايز نعمل كده ڠصب عنهم يا كرم احنا كلنا تعبنا من المشاكل
كرم لو واخد الموضوع
جد فعلا انا اللي هنتصدرلك بس اوعي توطي راسي
حسن والله ما هيحصل
هيما حسن بيحبها بجد يا كرم من زمان بس هو مقلق منهم وعارف انهم هيعملوا كده لما يعرفوا
كرم لا ملهوش دعوه بيهم وانا قولتلك انا اللي هنتصدر لابوك ولستك امين
حسن امين
كرم يلا تعالي ورايا
حسن مابلاش الوقت طيب
كرم انت ياولا مبتسمعش الكلام ليه ما بنقولك تعالي ورايا
حسن ابويا مش هيسكت وهيفضل يرازي فيا بالكلام هو وستي
كرم ملكش دعوه بيهم قولنا يلا
محمد يلا يا حسن كيرو قالك الموضوع عنده
هيما اطلع يلا الخلق هتتفرج علينا
حسن ماشي يلا 
طلعوا تاني مع بعض دخل كرم وهو لافف ايده علي كتف حسن 
عبدالله كان قاعد معاهم بص عليه پغضب بسيط وفضل ساكت 
كرم ادخل يا حسن 
راحوا كلهم قعدوا قعد حسن سند ايده علي رجله وفضل يهز في رحله وهو باصص في الارض 
كرم سمعونا بقي الصلاه علي النبي كده
الجميع عليه افضل الصلاه والسلام
بص كرم لزكريا 
كرم ايه يابا رأيك في الحوار ده
زكريا يا ابني انا كل اللي عايزه من الدنيا اننا نشوفوا الكل مبسوط ومرتاح
كرم عارف بس انا نقصد ايه رايك في سماح
زكريا البت الشهاده لله كويسه وانا بنحبها
كرم يعني معندكش مشكله لو حسن طلبها من امها
زكريا يا ابني انا معنديش مشكله لو هو فعلا بيحبها بجد وهي بتحبه بس عبدالله 
قاطعه كرم ملكش دعوه بعبدالله
عبدالله ايه رأيي يتركن علي الرف
كرم لا يا عبدالله رأيك مهم عشان ابنك مش هينفع يعمل حاجه ڠصب عنك ولازم ياخد رضاك عشان يقدر يفرح ويفرحك
عبدالله يا كرم انا عامل عشان مصلحته
كرم وابنك مش صغير يا عبدالله ابنك ماشاء الله راجل وهو عارف مصلحته كويس 
عبدالله لا يا كرم ميعرفش مصلحته سونه كويسه وعلي عيني وعلي راسي بس الناس مبتبطلش تلسين عليها ولما ابني يرتبط ببتها يوم ما خد يلسن عليها بكلمه هيتحمق وده شئ طبيعي لانهم بقوا يخصوه ووقتها هيتعارك هفرح انا بقي لما حد يعمل فيه حاجه و كمان سونه مش مريحه روحها و جايبه لروحها الكلام امبارح أسألوا كان قدام عينه البت كانت هتتجنن علي امها ونزلت تدور عليها في الشارع قالت انها صحيت ملقتهاش من بدري و موبايلها كان مقفول و مكانتش تعرف عنها حاجه لحد بليل الناس لما تشوف البت بتدور علي امها هيقولوا ايه
كلام عبدالله في اخر جزء وقع علي ودن دره زي الصاعقه بصت بسرعه پصدمه لكرم و هو كمان بسرعه بص عليها 
ارتبك ثواني ومكانش عارف يعمل ايه يجري عليها يبررلها اللي سمعته ولا يكمل كلام عشان ميلفتش نظر حد 
بص بكر لكرم ودره وحس ان كده في حاجه مش تمام فا قرر يتكلم عشان الصمت اللي حصل ده ميلفتش نظر الكل 
بكر ياجدع يقولوا اللي يقولوا هو اي حد يغيب شويه ده يدي الحق لغيره انه يتكلم عليه
عبدالله انا بنقولك بس اللي حصل وعارف دماغ الخلق هنا عامله ازاي 
رفاعي احنا مش هنغيروا عقل الخلق ولا تفكيرهم يا حسن وزي ما دره
قالت كده او كده الخلق مبيبطلوش كلام 
بصت دره للارض دماغها في الوقت ده مكانتش معاهم حاسه انها مصدومه كانت صدقته بس بعد كلام عبدالله وبعد ما شافت سونه في نفس المكان وغيابها من بدري زي كرم مقدرتش تصدقه وحست بۏجع غريب في قلبها وافتكرت اللي حصل من يوسف وخيانته ليها
رفاعي فهمت يا ابني وبعدين البت هتبقي معاكم وتحت عينكم وهتطبع بطباعكم اكتر
عبدالله والله هو حر بقي انا قولت اللي عندي واللي عايزه يعمله انا نصحته وعملت اللي عليا 
حسن يعني ايه يابا مش فاهم مش موافق بردوا انا اكيد مش هعمل حاجه وانت مش راضي عنها بس انت مش هيرضيك بردوا اني اتغصب علي حاجه
عبدالله وانا مش هنغصبوك يا حسن انت بقيت راجل بس نقصد اني نصحتك وعرفتك انا خاېف من ايه
حسن وانا مش هنمشي نتعارك مع الخلق يابا اكيد بس انا طالب رضاك ورضاكم كلكم ايه يا جدي
زكريا لو عليا يا حسن انا موافق وقولت رأيي بس كمان انا مع ابوك في اللي قاله هو خاېف عليك وانت لسه شاب ودمك حر وياما هتسمع من الخلق لو معرفتش تمسك روحك عن اي حاجه هتسمعها هتضيع روحك
حسن وانا قولت مش هنتعاركوا مع حد واصلت محدش بيجيب سيرتها غير عشان يضايقها لكن عمري ما سمعت حد بيقول ان مشيها بطال
زكريا اعوذ بالله يا ابني محدش قال ان مشيها بطال البت كويسه وغلبانه وزي ما مها قال لسان علي الفاضي
رفاعي وانا عارف يوم ما بتها تتجوز غو تتخطب هتهدي اكتر وتحاول تقطع لسان الخلق عنها 
حسن قولت ايه يابا
عبدالله قولت لا إله إلا الله يا حسن
بكر ايه يا كرم قول حاجه
كرم احممم انا شايف الرضا علي وش عبدالله ولا ايه
عبدالله بصله وسكت
كرم ايه يا بلبله 
نبيله انا مليش رأي يا كرم الرأي رأيهم هما 
كرم مين قال انك ملكيش رأي الولا عايز رضا الكل عايز يفرح ويفرحكم
نبيله وانا مني عيني نفرحوا بيه ولو بنتكلموا فا ده عشان بنحبه
كرم لا يا ستي هو عارف مصلحته وادام كل اللي يهمك فرحته يبقي فرحيه 
بصت نبيله لحسن وابتسمت بهدوء بس خد بالك انا اللي هنروقها هي وامها لو عملوا حاجه ضايقتني 
ابتسم حسن بفرحه يعني ايه موافقه يا ستي 
نبيله مش كرم اللي اتصدرلك ياولا يبقي موافقه 
كرم وانتي يا دعاء 
بصت دعاء لعبدالله 
كرم ملكيش دعوه بعبدالله ومتبصيش عليه انتي ليكي رأي في حياه ابنك
دعاء انا مس عابزه غير راحته يا كرم
باس حسن راس دعاء