ابن ليل اميرة اسامة

وديما ودانه سامحيني لسه متعودتش
دارين لا ولا يهمك انا دارين ودي ديما
ديما هاي
دانه وانا دانه
حسن خلاص كده انا عرفت 
دره خرجت من المطبخ تعالى يا حسن
حسن لا معلش خليها مره تانيه العشاء امي حضرته ولو اتأخرت هتعلقني انا بس جيت نديكي الطلبات اللي طلبتيها
دره حبيبي يا حسن تسلم مش عارفه اقولك ايه
حسن ولا اي حاجه انا تحت امرك يا عمتي
دره مبدأيا كده تبطل تقول عمتي دي قولي يادره زي ما بتقول لامك يا دعاء انا مش كبيره اوي يا ولا
حسن بضحك ايوووووه اهو كده العرق الاسكندراني رجع
دره لا بنقلولك ايه لو عالعرق الاسكندراني يا ولا فا هو موجود بس بيطلع وقت اللزوم

حسن اهو كده يا مرحب بالعرق الاسكندراني
دره طيب قولي يلا حساب الحاجه دي ايه
حسن ايووووه اهو انتي كده بتزعليني حساب ايه بس
دره لا اسمع كله الا كده انا طلبت حاجه وكفايه اوي انك جبتهالي
حسن انا نجبلك ڠصب عني يا دره بس انا مش هاخد حساب حاجه انتي بتسبيني ولا ايه لا بنقولك ايه ابن اخوكي اسكندراني جدع
دره مش هناخد الحاجه
حسن طيب بصي عشان خاطري المرادي سماح ونوعدك المره الجايه ناخد الحساب وسلام بقى امي هتعلقني
دره خد ياولااااا
حسن سلام يا دره
دره بإبتسامه سلام يا حسن
قعد الكل على التربيزه في بيت رفاعي وبدأوا ياكلوا ولأول مره الصمت يكون مخيم على المكان بالشكل ده
مها في وادي وكرم في وادي تاني وتقريبا مش بياكلوا 
بكر مها مها
مها نعم
بكر مالك ساكته ليه مش بعاده يعني
مها ابدا مفيش راسي واجعني بس شويه
رفاعي كلوا ياولاد يلا كلوا زي الناس 
انا عارف ان لا في وج ع راس ولا في تعب من الشغل يا كرم وعارف كويس اللي بيكم بس خلاص اللي حصل حصل 
وبالمناسبه يا كرم
بصله كرم بهدوء 
رفاعي انا سيبتك يا ابني تعمل اللي عايزه انهارده ومرضيناش نطلعوا وراك بس اللي حصل ده مكانش ينفع يحصل عشان كده انا مش هنسمح بيه مره تانيه زكريا وعبدالله لو كانوا طلبولك الشرطه مكانش حد هيلومهم انت روحت تتهجم عليهم في بيتهم
كرم معلش يابا قفل على السيره دي الله يرضى عنك
رفاعي طول عمري مقفل عليها يا كرم وكنت بنسمعك وانت بتستحلف لدره لو رجعت وكنت بنسيبك بس خلاص جه الوقت اللي نتكلم انا مش هسيبك تضيع روحك انت فاهم
نجوى بحزن اسمع كلام ابوك يا كرم وبلاش يا كرم توجع قلبي اكتر من كده 
انا قلبي شايل ومعبي ومبقاش حمل وج ع يا ابني
بصلها كرم بحزن وباس ايدها
كرم سلامة قلبك يا ست الكل
نجوى اوعدني يا كرم تبعد عن سكتهم خالص اوعدني انك ترجع من تاني الامان وتشيل الخۏف عليك من قلبي
كرم نوعدك يا نوجا معاش ولا كان اللي يوجعك
نجوى ربنا يريح بالك وقلبك يا ابني
رفاعي بإبتسامه يلا سموا الله وكلوا
على الساعه واحده بليل دعاء وعبدالله وحسن كانوا طلعوا شقتهم
دعاء ياعبدالله مينفعش تديني ضهرك وانا بنكلمك قوم اقعد نتكلموا زي الناس
عبدالله مليش كلام معاكي ولو هتنامي نامي وانتي ساكته مش هتنامي اخرجي وسبيني ننام
دعاء يعني بقت كده يا عبدالله نهون عليك
عبدالله زي ما هونت عليكي وحطتيني في الموقف ده
دعاء انت عمرك ما هونت عليا انا عملت كده عشان بحبك والله
عبدالله شكرا ياستي وحبك وصلي يلا اتفضلي اخرجي وسبيني ننام بقى
دعاء بقى كده يا عبدالله
يعني ده اخر كلام عندك
عبدالله ايوه ومن غير تصبحي على خير كمان
نفخت دعاء بحزن وبعد كده خرجت وسابته ينام 
فات ربع ساعه و طلعت دعاء لدره 
خبطت براحه راحت دره فتحت الباب 
دعاء منمتيش لسه
دره لا تعالي ادخلي البنات هما اللي نامو
دعاء عبدالله كمان نام
دره لسه زعلان منك
دعاء ياستي بكره يروق عبدالله طيب
دره ربنا يهديه طيب تشربي ايه
دعاء نشربوا شي من ايدك
دره بس كده عيوني هجيلك حالا
دخلت دره عملت الشاي و بعد كده خرجت قعدت جنبها
دعاء اخيرا عرفت نتلم عليكي ونقعد زي زمان نحكوا
دره انا معاكي يا ستي اهو
دعاء طيب يلا احكيلي
دره احكيلك ايه الكلام كله عندك
دعاء هنحكيلك كل حاجه بس قبل
ما نحكي انا عايزه نعرف ايه اللي حصلك وايه اللي انا منعرفهوش عنك طول السنين دي كلها
دره بتنهيده طويله ياااااه يا دعاء كتير اوي 
دعاء سمعاكي قولي بس صحيح قبل ما تحكي في حاجه كنت عايزه نقولك عليها
دره خير
دعاء ابوكي واحنا على العشاء طلب مني نبلغك بكره بعد العشاء تنزلي تحت
دره بقلق ليه 
دعاء هو قال ان ده طلب بلبله هي اللي عايزه نتجمع بس من غير العيال
دره بحزن اكيد عايزه تتكلم او يمكن هتقول اننا نمشي من هنا
دعاء لا مستحيل بس انا انهارده اتكلمت معاها وكنت بنقولها ان كان لازم يكون في كلام بينا طول السنين اللي فاتت وشكلها عملت بكلامي وعايزه تتكلم يمكن عايزه تعرف ايه اللي رجعك وحصل ايه
دره ربنا يستر عموما ماشي بكره ننزل بس انتي هتكوني موجوده صح
دعاء امال هنسيبك يعني بطولك انتي بس خلي البنات هنا وانا هنقول لحسن مينزلش
دره تمام
دعاء يلا احكي سمعاكي 
وبدأت رحله الحقايق تطلع للنور ما بين دره ودعاء وهتفجر باقي الحقايق نبيله
وللحديث بقيه 
أبن ليل
صاحبة البطل الواحد
أميره اسامه
البارت الثامن
دعاء يلا احكي يا دره سمعاكي
دره بتنهيده أبدأ منين
دعاء زي ما تحبي والاهم عايزه اعرف سيبتي الطب ليه يا دره
دره هحكيلك انتي اكيد عارفه كل حاجه وحكايتي مع يوسف بدأت ازاي 
عمري في حياتي ما شكيت في حبه ليا لحظه كان بيحبني اكتر من نفسه اكتر حد وقف جنبي ودعمني وشجعني خصوصا لما سافرنا كنت خاېفه اوي يا دعاء مقدرش اكمل دراسه يعني اتشغل بالجواز المسؤوليه تزيد عليا وكنت خاېفه اكتر يجي على يوسف وقت ويقولي وقفي البيت محتاجك اكتر خصوصا اني حملت في دارين على طول متأخرتش بس يوسف فضل يدعمني كتير اوي وحتى لما ولدت كان واقف معايا بيهتم بدارين وموفرلي كل حاجه عشان اركز في دراستي وبعد ولادة دارين بسنه اكتشفت اني حامل كنت مڼهاره ومش ببطل عياط مكنش قدامي وقتها غير حل من اتنين ملهمش تالت يا اما اوقف دراسه يا انزل البيبي
بس يوسف رفض اني انزل البيبي وصمم اني اكمل وقالي انه هيعمل كل حاجه تخليني مرتاحه ومركزه لما عرفت ان البيبي توأم اټصدمت بس هو فرح وشجعني اكتر و جابلي وقتها حد يساعدني في البيت وفي دارين وقدر يوسف يخلي سنين دراستي الباقيه اسهل مما توقعت لحد ما
اتخرجت وبقيت دكتوره مش هقدر انكر فضله عليا في حجات كتير اوي واللي اولهم فتره الدراسه محسسنيش بالولاد وبتعبهم وتربيتهم في وسط ما كان هو كمان بيشتغل وبيتعب وبيحاول يوفرلنا كل سبل الراحه انا عشت مع يوسف سنين جميله يا دعاء كنا اسره مكونه من خمس افراد بس كنا اسعد حد في الدنيا يوسف كان شاطر وطموح جدا تعب اوي على شغله واجتهد عشر سنين بحالهم لحد ما قرر انه يعمل مشروع خاص بيه ويبدأ بتأسيس شركه صغيره 
للعقارات في البدايه المبلغ اللي كان مع يوسف يا دوب يغطي مصاريف المقر بتاع الشركه وتجهيزه بس وقفت معاه على الدعايه والإعلان عشان يبدأ يتعرف ومعروف ان اي بيزنس بيتفتح لو متعملوش دعايا محترمه ومصروف عليها هيبقي الشغل فيه محدود
وقتها لما حسيت انه حيران عرضت عليه اني اديله الفلوس اللي شيلاها كنت وقتها اشتغلت وكان راتبي كويس جدا بس كان رافض اني اصرف منه لانه خاص بيا في الاول رفض بس مع إصراري قدرت اقنعه بس شرط عليا اني اكون شريكته بالنص انا رفضت لان ده مشروعه وحلمه اللي بيحلم بيه وانا عارفه ان يوسف مبيحبش الشړاكه قالي يومها انه يمكن مبيحبش الشړاكه لكن مش هيلاقي شريكه افضل مني في حياته وشغله وافقت على ان الشړاكه دي مجرد شړاكه على ورق انا مش هدخل في شغله خالص بس عشان اريحه سكت وبدأ يوسف يشتغل اكتر على مشروعه سنه ورا التانيه شغله كان بيكبر بطريقه مخيفه وفي نفس الوقت هو مبسوط ومتحمس ويمكن كانت مخيفه بالنسبالي لاني مش بحب المجازفه بس يوسف كان عكسي وكان طموحه اكبر منه بكتير وقلبه جامد
وجه عليه وقت والشغل فتح منه على الاخر وبدأت اساعده في حجات كتير لان هو كان ديما يحب يفهمني كل حاجه بتمشي ازاي كنت بسأله ليه بتعلمني وبتبقي مصمم اني افهم وانا مش بشتغل معاك كان يرد عليا ويقولي عشان لو جرالي حاجه تقدري تديري الشركه بدالي وتقدري تحافظي على الشغل وفلوس ولادنا كنت بضايق من كلامه بس من جوايا كنت بفرح انه بيحاول يأمني انا والولاد لو جراله حاجه وفي يوم الموظف الاداري اللي كان ماسك شغل الشركه كله اټوفي وقتها يوسف كان مضايق وهيتجنن لان في الوقت ده يوسف كان بيفتح فرع تاني للشركه في ولايه تانيه هتحتاج منه تعب ومجهود وسفر فا لما حصل كده قرر انه يوقف كل حاجه لان الشركه الاساسيه مفيش حد يديرها
مقدرتش اشوفه في الحيره دي وقف ساكته عرضت عليه وقتها ان انا انزل واشتغل مكان الموظف باعتباري فاهمه كل كبيره وصغيره في الشركه
دعاء طيب وشغلك
دره قولتله اني هاخد سنه بدون مرتب في الاول رفض وقالي ازاي تسيبي شغلك اللي بتحبيه انا علمتك عشان لو انا جرالي حاجه وكنتي مضطره تبقي فاهمه لكن تسيبي شغلك الوقت مستحيل فضلت
وراه اكتر من اسبوع لحد ما وافق وفعلا خدت اجازه سنه وبعد كده سنه جابت التانيه والتالته وطبعا انا هنا بتكلم عن اخر تلات سنين قبل ما اسيب يوسف كان وقتها البنات كبروا في خلال الثلاث سنين دول وقفنا الشركتين على رجلهم وقدر يوسف يلاقي حد يمسك الشركه الجديده وكان بيروح ويجي على الشركتين وانا معاه
دعاء طيب ولما هو كان بيحبك بالشكل ده وواضح من كلامك انه كان حد كويس ايه اللي حصل لكل ده
دره بوج ع يمكن دخلت في حياتنا الشخص الغلط واللي هي دينا اللي كنت بحكيلك عنها دينا اول معرفتي بيها كانت في البدايه خالص اول ما سافرنا بباها كان دكتور في الجامعه كنت متفوقه في الماده بتاعته هو مصري وكان بيحبني جدا وقرر انه يعزمني انا ويوسف عندهم ووقتها اتعرفت علي دينا و في اخر سنه ليا هو اتنقل في جامعه في ولايه تانيه بس انا ودينا كنا بقينا صحاب وكنت بكلمها دايما اتخرجت وكنت بزورهم دايما انا ويوسف لان والدها كان ليه عليا فضل كبير في دراستي لما اتجوزت انا ويوسف كان وقتها عندي 19 سنه كنت خدت اول سنه جامعه هنا في مصر سافرنا في الاجازه في البدايه كنا مقررين نروح ايطاليا روحنا فعلا بس قعدنا شهر وقرر يوسف اننا نتنقل على امريكا ومن اول ما وصلنا قدر يخلص كل ورقي فا دخلت سنه تانيه وانا حاسه ان كل حاجه جديده عليا كنت خاېفه بس والد دينا مسابنيش وتقريبا عاد معايا اللي بيدرسوه من سنه اولي لانه بيكمل معانا في باقي السنين فا قدرت اتخطي كل ده بسهوله