ابن ليل اميرة اسامة

جات وقالتلي يومها انها بتحب حد من عيال مها كنت طرت من الفرحه عشان هطلع خطوه واقرب من كرم بنعترف اني كنت انانيه بس اليوم اللي حصل فيه الحاډثه قبلها بكام ساعه عرفت ان حسن عايز يجي يقرأ فاتحه سماح رفضت وشدينا مع بعض وحصل حجات كتير منعرفش عندك علم بيها ولا لا ونزلت سماح وسابت البيت وخدوها الشباب وخرجوا من الشارع وبكر وعبدالله طلعوني
كملت بدموع وۏجع اليوم ده يا دره 
سماح من غير ما تحس ادتني قلم علي وشي بكلامها و فوقتني يا دره عرتني قدام روحي من غير ما تقصد عرفتني قد ايه انا كنت انانيه قد ايه مفرقش معايا كلام الخلق والتلسين عليا بس قد ايه كان بيوجعها حسستني بالنقص اللي كان في حياتي واني بدور علي حب كرم عشان اعوض النقص ده قالتلي انتي مبتحبيش كرم انتي مريضه بيه ودي اكتر حاجه قالتها صح انا كنت مريضه بحب كرم ليكي واهتمامه بيكي حتي وانتي مش موجوده إخلاصه ليكي سنين نظرته اول ما يتقال اسمك الست يا دره بتتبسط لما تكون محور حياه الراجل وانتي كنتي محور حياه كرم بس مكنتيش موجوده وانا حاولت اخد مكانك بس معرفتش 

لما عرفت ان في حاډثه حصلت قلبي اتخلع من مكانه يا دره علي بنتي وبقيت نجري زي المجنونه في الشارع ولما شوفتها ڠرقانه في ډمها وقتها دمي نشف واكتشفت يومها يا دره ان لا كرم ولا رجاله الدنيا ولا الحب نفسه يسوي لحظه في عمر بنتي بقيت شيفاها وكل تفاصيل حياتنا مع بعض بتجري قدام عيني وهي صغيره وانا بختار لبسها وانا بناكلها وبنلعب معاها وانا بنعيط اول يوم مدرسه ليها وهنرجع البيت وهي مش فيه واكتشفت ان حبي لكرم مكانش اكبر حب ولا حبي ليه قدر يغطي علي حب بنتي وصدقيني يا دره واللي خلقني وخلقك من بوم الحاډثه لحد اللحظه دي وانا لما بنشوف كرم بنشوفه زي اخويا اه بنحبه وغالي عندي اوي بس اللي حصل مع بنتي فوقني يا دره انا ضيعت حياتي وعمري علي تهيؤات وحتي لو بنحبه انا عارفه خلاص انه مش ليا ومش هنقاوح تاني كرم ليكي يا دره وبعد ما عرفت كمان انك بتحبيه وشوفت ده في عينك مستحيل نقربوا منه تاني مش عشان هي قفلت ولا كرم وصل للي عايزه ولا حتي استسلام مني وهنقول زمان مقدرتش اوصل لقلب كرم وانتي مش معاه هنوصله وانتي بقيتي معاه لالالا خالص بس انا منخونش بنت حتتي منجيش علي حقها وانتي مش بس بنت حتتي يا دره انتي اختي وانا عمري ما هنبص في حاجه بتاعتك من الاول وناخدها منك اطمني يا دره لو حاسه بالذنب من ناحيتي انتي ملكيش اي ذنب ولا حتي كرم انا اللي عملت كده في
روحي والوقت بنصلح غلطتي كرم عمره ماكان ليا ولا لغيري كرم من لحظه ما اتعاركت مع بنتي مش بس من لحظه الحاډثه وهو بره حياتي وعمره ما هيكون اكتر من اخ وجار وابن منطقه اطمني يا دره كرم بيحبك ومش شايف غيرك وكملت بضحك من بين دموعها وبعدين يا اختي انتي وهما لايقين علي بعض انتي دكتوره وهو طلع دكتور و مخبي ده بعد دكتور دي حتي لو الموضوع في دماغي هنشيله هيبقي دكتور ويبص لسونه بردوا 
دره بدموع متقوليش كده يابت انتي الف مين يتمناكي عشان جدعه وطيبه وبميت راجل واللي في قلبك مش شرط يبقي عند الدكتوره ولا المهندسه وبعدين يابت مالك بتستقلي بروحك كده ليه ما انتي متعلمه يا اختي ومعاكي شهاده زيك زينا كلنا اوعي تقولي كده تاني انتي جميله يا سونه والله وقلبك ده مفيش منه 
سونه بحب وانتي كمان دره والله وعلي فكره وحياه سماح بنتي انا بنحبك يابت وعمري ما كرهتك اه كنت بنغير منك بس مش بنكرهك وحياه بنانك يا دره اطمني من ناحيتي خالص وانا بقيت بره حياه كرم هو بقي بالنسبالي اخويا اللي ان شاء الله هيبقي جوز اختي قريب 
سونه بنقولك ايه قومي اغسلي وشك ظبطي نفسك معاكي روچ ولا اي حاجه في شنطتك حطي منهم كده
دره نحط ايه يا سونه انا رايحه فرح وبعدين عايزاهم كلهم يفكروا اني مبسوطه بمجيته وبنظبط روحي عشانه 
سونه لا يا اختي بس كمان ميبقاش وشك مرهق وعينه الهالات السوده بوظتها من السهر وشكلك عامل زي الميتين ويجي هو الموكوس يشوفك كده يفكر ان بعده عنك هو اللي عمل فيكي كده انتي تقومي وتوريله ان دره بقت احسن من غيرك وانك مفرقتش معاها يابت انتي خسيتي في اليومين دول كام كيلو عيزاه يقول ان اهلك مجوعينك 
دره بضحك ماشي يا ستي بس علي بسيط يعني المفروض بردوا ان بناتي متصابين في حاډثه يا سونه
سونه اهو اب حاجه وخلاص يلا انجزي انا هنطلعوا لحسن واول ما يجي عرفينا 
دره ماشي سونه
سونه ايه
دره انا بحبك والله اوي
سونه ياختي اخيرا نطقتيها من زمان ھنموت ونقرب منك انتي والاتنين الحرابيق اللي فوق وانتوا كنتوا بعيد عني لو كنت ياختي لاقيت اهتمام منكم مكنتش روحت دورت عليه عند كرم يلا منكم لله
دره بضحك طب تعالي خلاص هاتي بوسه
ضحكت سونه وقربت باستها وطبطبت عليها يلا شدي حيلك وعيزاكي قويه قدامه خليه يابت ېخاف منك مش كل حاجه ياختي ټعيطي اجمدي ومتبقاش دمعتك قريبه بالذات مع الاشكال دي 
دره بس كده عيني
سونه يلا بالاذن 
دره اتفضلي 
عدي كرم من قدام الاستراحه لمح حسن قاعد 
كرم حسن
حسن قام وراله ايه يا كيرو 
كرم انت قاعد كده ليه
حسن مفيش بس حسيت اني اتخنقت من الاوضه ف قولت نخرج نمشي رجلي ونشوف الناس اتخنقت من القاعده 
كرم علي فكره انا هنكتبلك انت و احمد ودانه وديما خروج انتوا زي الفل انا البي كنت سايبكم هنا عشان نطمن عليكم اكتر كنت قلقان حد فيكم يكون
عنده ڼزيف او يحصله اي مضاعفات بس انتوا بخير الحمدلله وتقدروا تمشوا معاهم انهارده لو تحبوا كمان 
حسن لا خليني عشان نبقي مع محمد وهيما علي الاقل نطمن ان هيما قادر يتحرك حب يدخل الحمام بليل اكيد محمد مش هيقدر يساعده اوي هو كمان تعبان
كرم عموما اللي يريحك انا كده كده هقولهم هما كمان عشان اللي حابب يمشي بس لو عايزين تقعدوا خليكم المهم اسمعني
حسن قول
كرم انا مرضتش نقول قدام امك عشان عارف انها مش هتسكتلك بس عرفت ابوك الانيميا بتاعتك ضايعه التحاليل اللي اتعملتلك مبينه ده و عندك نقص في ڤيتامين د المفروص يعني انك بتعلب رياضه و واخد بالك من جسمك المفروض تاخد بالك من صحتك كمان انا كتبلك شويه ڤيتامينات وفي حقن حديد هتاخدها ترفعلك الانيميا دي وتاكل كويس انت فاهم والاهم من كل ده خفف شرب سجاير شويه هاااا 
حسن بضحك اوعي تكون بعتيني وقولت لابويا
كرم اتوكس ماهو عارف اول حاجه قالهالي طول السجاير في بوئه مبيسألش في
اكل
حسن احيه انا عارف انه عارف هو وجدي بس عاملين روحهم مش عارفين
كرم وانت متسوقش فيها عشان لو عرفت انك مطنش روحك لا ابوك ولا جدك اللي هيتكلموا انا اللي هنرفعك تمام
حسن خلاص والله تمام بس التحاليل يعني مفيهاش حاجه وحشه
كرم تحاليلك كويسه وزي الفل بس النقص دي مصېبه ومينفعش تستهون بيه عشان هيضعف جسمك و مع الوقت انت والسرير هتبقوا حته واحده هتبدأ تاخد علاجك من بكره وشهر وهنكرر التحاليل تاني ان شاء الله كل حاجه تكون اتظبطت 
حسن ماشي يا كيرو ربنا يخليك ليا
كرم ويخليك ليا ياولا يلا انا ماشي 
حسن تمام 
عدي وقت بسيط ووصل يوسف اخيرا قدام المستشفي واول ما وصل اتصل علي دره 
في الوقت ده كانت دارين صاحيه ودانه قاعده جنبها وهي حاطه راسها علي كتف دانه وساكته 
رن موبايل دره اول ما لمحت اسمه عرفت انه وصل وقتها مقدرتش تسيطر علي دقات قلبها
مكانتش عارفه تعمل ايه دي اول مره هتشوفه بعد اللي حصل 
دره ايوه
يوسف دره انا وصلت قدام المستشفي اجيلك فين
اطلع علي الدور الثالث وانا هنجيلك 
يوسف تمام
قفلت دره وبسرعه طلعت علي فوق وهي طالعه اتصلت علي بكر
دره بكر يوسف جه وطالع بلغ سونه وحسن وانا هنكلم عبدالله نعرفه
بكر طيب سلام سلام 
قفلت معاه واتصلت علي عبدالله 
عبدالله ايوه يا دره 
دره عبدالله يوسف وصل عيزاكم تروحوا علي الاوضه عند البنات وانا حياه فورا
عبدالله تمام يلا سلام 
جابت دره رقم كرم عشان تبلغه هو كمان وفجأه لقت كرم في وشها في نفس الوقت اللي بتتصل بيه 
كرم بصلها وابتسم جالك صاحب الرقم بنفسه 
دره كرم يوسف وصل
كرم تمام يلا انا معاكي 
دره اااا بس
كرم مفيش بس انا معاكي بصفتي الدكتور المسؤول عن حاله دارين ولازم اكون جنبها عشان مش ضامنين رد فعلها 
دره بتنهيده تمام يا كرم 
طلعوا علي فوق وراحوا قدام الغرفه بتاعت البنات 
عبدالله ايه هو فين
بكر احنا اتفقنا يا عبدالله مفيش اي رد فعل مننا
عبدالله تمام يا بكر متقلقش 
دره هو طالع الوقت
دره مكانتش علي بعضها ومتوتره بتحاول تسيطر علي نفسها وتاخد نفسها بهدوء عشان متبانش ضعيفه قدامه كانوا واقفين كلهم في الطرقه الطويله وفجأه لمحت دره يوسف جاي من اخر الطرقه
فضلت عينها عليه بتوتر قلبها بقي يدق بطريقه اعنف اللي كانت بتهديهم وبتحاول تخليهم يتحكموا في اعصابهم لما لمحته كانت عايزه تروح وټخنقه بايدها 
دره وصل
كرم بصلها بحب وهمسلها اهدي انا جنبك 
هزت دره راسها لكرم وبصت تاني علي يوسف 
عبدالله بهمس اه با ابن الكلب يا واطي 
بكر مسك ايده اهدي اهدي قولنا
دره عشان خاطري انا يا عبدالله 
كرم عبدالله لو مش هتقدر تتحكم في اعصابك امشي من هنا الوقت 
اتمالكت دره اعصابها و فردت جسمها ورفعت راسها بكل كبرياء وثبات
قرب منها يوسف عينه كانت علي كل اللي واقفين معاهم هو عارف عبدالله كويس بس ركز اكتر مع كرم لثواني وقدر يفتكره لانه كان عارف ان هو ده خطيب دره زمان
مد ايده لدره بهدوء وبصلها
يوسف ازيك يا دره 
بصت دره علي اديه وبعدين بصتله من غير ما تمد ايدها اهلا يا يوسف
سحب يوسف ايده بإحراج وبعدين بصلهم
يوسف مساء الخير
بكر مساء النور
دره عبدالله اخويا وده بكر جوز اخته واخويا ودكتور كرم يوسف ابو البنات
يوسف اتشرفت بيكم
بكر شكرا
كرم وعبدالله منطقوش ورغم ان كرم كان بيحاول يهدي عبدالله واتفق مع دره انه ميعملش اي حاجه تلفت نظر يوسف لكن ڠصب عنه مكانش قادر ينسي انه كان السبب في انه ياخد دره منه ولا قادر ينسي اللي عمله معاها 
يوسف بهدوء طمنينيي علي البنات هما فين 
دره جوه
يوسف عارفين اني جاي
دره لا ميعرفوش 
كرم بكل عمليه رغم الڠضب اللي مالي قلبه الاول بس قبل ما تدخلهم بصفتي المسؤول عن حالت دارين وحاله البنات لو حسيت ان اي حد فيهم اضايق من وجودك هتخرج فورا وده عشان نفسيتهم 
بصله يوسف پغضب بسيط
يوسف وهيضايقوا من وجودي ليه انا ابوهم 
دره كرم مش بس الدكتور اللي عمله العمليه لدارين كرم واحد من اهلي