ابن ليل اميرة اسامة

ما سونه طلعت سندت راسها بتعب وغمضت عينها
وبكر وحسن كمان سندوا راسهم علي ضهر الكنبه
وقعدت دره معاه قدام سندت راسها
علي الكرسي وفضلت بصاله بحب غمضت عينها ورجعت فتحت ومن غير ما تشوف مين شايفهم ولا مين مركز معاهم مسكت ايده وغمضت عينها
بعد حوالي ساعه وصل بيهم كرم تحت البيت اتصلت دره بچاك 
چاك ايوه يا دره
دره نفذ يا چاك واعرض كل حاجه للبيع حتي الڤيلا والعربيات
چاك تمام يا دره اعتبريه حصل فاضل بس تنفذي اخر جزء في الخطه
دره اكيد حالا
قفلت دره معاه واتصلت علي دينا كلهم كلنوا باصين عليها
ردت دينا علي الموبايل 

دينا الووو
دره ها دينا
دينا پصدمه دره
دره مش وقته تتصدمي اسمعيني كويس اقدر اقولك اني حالا رجعت كل حقوقي مش بس كده انا خدت من يوسف اي حاجه بيملكها وتقدري تتصلي بطوني وتعرفي ده هو كلن مغفل وشرب الخطه كلها بس وقتها انا اتفقت معاه اتفقاق قولتله اني مش هقولك وهو عجبه الاتفاق كان عارف انه هيرجعلك علي الحديده ومقرر انه يضحك عليكي وياخد منك كل حاجه زي ما سبق وعملتوا فيا واهو تبقي خساره بسيطه وانتي تبقي الخسرانه الوحيده اوعي تفكري اني بنقولك عشان خاېفه عليكي بالعكس انتي ولا تفرقي معايا بس عشان خطتي تكمل عارفه انك مش هتقدري تعيشي مع يوسف وهو مفلس وهتبعدي عنه وده المطلوب عشان يترمي في الشارع ويبقي عبره حابه تطلعي بنت اصول وتكملي معاه ولو اني اشك كملي مش حابه ابعدي عنه وخدي كل حاجتك 
واه يوم ولا اتنين بالكتير وهتلاقي شريك جديد ليكي والڤيلا كمان هتطردي منها لاني عرضتها للبيع فا نصيحه شوفيلك مكان اول ما تقفلي معايا واه موبايل يوسف معايا مش هياخده لحد ما اطمن انه سافر وابقي طمنيني بقي لما يرجع هتوافقي تكملي ولا هتبعيه 
واتمني تعرفيني هيقولك ايه هيضحك عليكي ويثبت بكلمتين انه لسه بني ادم ومعاه فلوس عشان ياخد منك فلوسك ونصيبك في الشركات ولا هيقولك انه بقي علي الحديده يلا انا كده عملت اللي عليا باي يا دندوووون 
حسن بيتهيألي لو طلبت الطلاق يوسف ھيقتلها ويتجنن 
درهبإبتسامه شړ وهو ده المطلوب وبكده انا ابقي انتقمت بجد ورجعت حقي شرب تاني خطه المغفل وفاكرني هيبقي قلبي عليه وفاكر ان كل هدفي انه يسرق حقها ميعرفش اني عايزه اسړق روحه وروحه
وللحديث بقيه 
أأبن ليل
صاحبة البطل الواحد
أميره اسامه
البارت الثامن والأربعون 
بعد ما دره قفلت مع دينا ونزلوا من العربيه 
لمحتها ديما كانت واقفه في البلكونه دخلت جري علي جوه
ديما مامي جات مامي جات 
زكريا الف حمد وشكر ليك يارب
نبيله فين يا بت قوموني
نجوي براحه يا نبيله الوقت تطلع 
ثواني وكانوا طلعوا كلهم فتحت ديما بسرعه الباب واول ما شافوا دره البنات خدوها في حضنهم 
دارين حضرتك كويسه 
دانه حصلك حاجه
ديما انا خۏفت عليكي اوي
دره بأستغراب مكانتش فاهمه حاجه مش عارفه إذا كان قلقهم ده عشان غابت في الشغل ولا هما كمان عرفوا بصت لكرم وسألته بعينها ابتسم كرم وبعدين بصلهم وضحك عليها 
كرم طمني البنات مالك باصه كده ليه 
عبدالله حمد الله عالسلامه ياقلب اخوكي 
دعاء الف حمد وشكر ليك يارب نورتي الدنيا يا دره 
مها احيه هي مالها مصدومه كده ليه هي حصلها حاجه يا كرم 
كرم ماهي زي الفل قدامكم اهي 
دره هو في ايه ااا انا يعني كنت في شغل 
زكريا بإبتسامه لسه هتخبي علينا يا دره 
نبيله كده يا دره هانت عليكي امك تخبي عليها قوليلي عملك ايه 
كرم ايه يابلبله هيعملها حاجه وانا معاها عيب في حقي دي
دره پصدمه رفعت حاجبها انت كنت قايلهم 
كرم امال نخبي عليهم كانوا قلقانين لما اتأخرتي وبعدين انتي قولتيلهم انك هتشوفيني وترجعي معايا من المستشفي وفجأه لقوني قصادهم نعمل ايه
دره ماشي يا كرم بصت لامها وابوها واخوها بحب اطمنوا انا زي الفل قدامكم اهو
زكريا طيب ادخلي يلا ريحي و احكيلنا يابنتي
دره بصت لكرم تاني بذمتك ينفع القلق اللي هما فيه ده وبعدين قلقت ابوك وامك واخواتك 
رفاعي يابنتي لو مقلقناش عليكي هنقلق علي مين وبعدين احنا كويسين المهم انتي طمنينا 
نجوي متحمليش همنا احنا نمنا شويه ولسه جايين لما كرم قالنا انكم في الطريق خليكي في روحك انتي وطمنينا 
مها احيه تطمنكم ايه ماهي الإجابه باينه علي وشها وبعدين مش كرم معاها يبقي اتحلت
دره بإبتسامه جميله وفرحه بصتلهم وبعدين بصت لأبوها حق بنتك رجع يا زكريا يا جمال
ابتسم زكريا وضمھا بحب
زكريا بت ابوكي بصحيح يا بت قلبي
بصوا البنات لبعض بفرحه 
دانه يعني رجعتي حقك كله يا مامي
بصت دره لكرم وبكر وسونه وبعدين بصتلهم واتنهدت 
دره لا يا دانه اكتر شويه أنا رجعت حقي اللي يوسف خده مني ورجعت حقكم في نصيبه حقكم في كل حاجه عملها فيكم
حقكم في التخلي عنكم حقكم في الخذلان من اقرب حد ليكم حقكم في الۏجع اللي عيشتوا حقكم في كل دمعه نزلت منكم حق دارين في كل حاجه عاشتها وخبيتها 
بصتلها دارين بأبتسامه حزن
دره رجعت حقكم في كل حاجه يملكها ابوكم وهو لسه علي وش الدنيا كان غيركم هياخدها وانتوا الأحق بيها عملت فيه زي ما عمل فينا بالظبط ابوكم هيمشي من هنا وهو مش معاه غير تيكت الطياره
اللي عمله فينا كان لازم يدوقه ويحس بمرارته أتعلمت في حياتي دي إن اللي ميجربش نفس وجعك في موقف معين مش هيحس بيك مهما حكيت ومهما وصفت
ويوسف كان لازم يعيش نفس الموقف كان لازم يجرب نفس مرارة الۏجع عشان دموعنا ووجعنا مفرقش معاه لانه مكانش في مكانا والوقت هو في نفس المكان وجرب نفس الۏجع وحس بيه وبيتهيألي هو خد درس عمره 
وانا الوقت اقدر اقول اني ارتحت ورجعت من تاني دره بتاعت زمان وبيتهيألي انتوا كمان هترجعوا زي ما كنتوا واحسن وهتاخدوا درس عمركم وهتحفظوا كويس أنكم متجوش علي أي بني أدم متستغلوش ضعف اي حد متستغلوش حب شخص ليكم عشان مصالحكم الشخصيه هتفكروا ألف مره قبل ما توجعوا اي حد وهتتعلموا انكم تجربوا الۏجع علي قلبكم قبل ما توجعوا بيه حد عشان تحسوا الۏجع ده ممكن بعمل في ايه 
هتتعلموا
أهم درس في حياتكم أن رد الفعل أقوي بكتير من الفعل
هتخافوا من المظلوم عشان المظلوم يوم ما بيقدر يقف علي رجله ويتخطي وجعه ويقرر يجيب حقه مبيشوفش قدامه وبيبقي عامل زي الإعصار اللي مفيش فعل ممكن يقف قدامه ومهما حاولتوا تفكروا في فعل تاني عمركم ما هتقدروا توصلوا لجبروت رد الفعل 
نبيله الحق صوته عالي يا بنتي
دره والعين بالعين يا امي
عبدالله الله ينور يا دره 
دره لا الله ينور دي متتقاليش انا بس تتقال لبكر ولسونه وحسن اللي وقفوا معايا بقلبهم وتتقال لكرم اللي تقريبا كان علي علم بكل حاجه من غير ما نعرفه
بكر لا يا دره هي متتقالش لكرم بس عشان وصل في الاخر وختمها ختام يليق بالخطه تتقاله عشان هو كان صاحب الخطه
بصت دره لكرم پصدمه ابتسم كرم وغمزلها بهدوء 
دره يعني ايه مش فاهمه 
سونه لا كرم بقي هو اللي يفهمك دي حكايه يطول شرحها 
دره قبل ما اعرف اي حاجه عايزه بس اقول كلمتين انا مش عابزه اي حد فيكم يزعل مني في البدايه اول ما قررت نجيب حقي بجد كان وقتها يوسف لسه في امريكا أتفاجئت بچاك بيقولي ان يوسف طلب رقمي بعد ما عرف اني رافعه عليه قضيه ارجع بيها حقي كان يوم أول عزومه لينا كلنا مع بعض وقتها جالي تليفون من چاك ودخلت اتكلمت في البلكونه
حتي يومها اغلبكم لاحظ اني متغيره ولما سألتيني يا امي قدام الكل وقتها مكنتش حابه اعرف البنات اني رفعت قضيه عليه مكنتش حابه اوجعهم وكنت عايزه اجيبهالهم واحده واحده خصوصا إني مكنتش لسه اعرف موقفهم من يوسف كويس فا قولتلك مفيش حاجه بس كنت قولت لچاك يديله الرقم كنت عايزه اعرف هو عايز ايه مع اني كنت فاهمه ان رفع القضيه تعبه وكنت حاسه انه هيحاول يجر معايا ناعم بعدها بيوم عرفت ان يوسف بعد ما خد الرقم من چاك سافر علي طول وراح الإمارات ويومها كلمني
فضل يتمسكن ويألف في حكايات عشان يستعطفني زي مثلا انه كان متورط مع مستثمر وعليه دين والمستثمر ده كان بيهدده وهو خاف عليا انا والبنات عشان كده قرر يبعدنا بعد ما خد كل حاجه مني قالي انه خدهم عشان يسدله دينه وكان ناوي يرجعلي حقي
كلامه كان في تناقد ويومها صدقت صوت قلبي اللي نطق لأول مره وقالي انه كداب وعشان يثبنتي اكتر واحس ان كدبته ليا معقوله قالي ان الغلطه الوحيده اللي عملها في حقي هي جوازه وحبه لدينا بس الست حتي لو کرهت الراجل كرامتها بتبقي فوق كل حاجه ومقدرتش اتحمل كلامه وقفلت معاه وهو عارف ان مهما يعمل مش هتنازل عن القضيه وهنتقم منه 
وقفلت معاه اتصلت بچاك حكيتله كل حاجه قالي انه كداب وانه من يوم ما انا نزلت وهو بيدور وراء يوسف وبيجمع معلومات عنه ومفيش لا مستثمر ولا في اي حاجه من اللي قاله ولا حتي في شغل شمال هو متورط فيه وان كل ده كدب وزود شحنتي من ناحيته اكتر 
بعدها بكام ساعه حصلت الحاډثه وكلنا اتشغلنا لحد ما الصبح طلع وانا موبايلي مقفول ولما فتحته اتفاجئت ان يوسف بعتلي رسالتين واحده فيهم كانت بعد ما قفلت معاه بيقولي انه جاي علي مصر وكام ساعه يبقي هنا عشان لازم نتكلم ورساله تانيه بعدها بيقولي انه وصل مبقتش عارفه هو جاي ليه جاي بنتقم مني جاي يعمل فيا حاجه عشان حس اني مش هتنازل مهما حصل جاي يأذي البنات
او يساومني عليهم مش هكدب عليكم انا خۏفت بس مخوفتش علي نفسي انا خۏفت علي ولادي نزول يوسف من امريكا من بلد لبلد كلن معناه انه مستعد يعمل اي حاجه بس انا مطولش ولا مليم فضلت بعدها مشغوله مع البنات طول اليوم ومردتش عليه دماغي كانت هتقف
عايزه اتكلم عايزه اقول اي حاجه عايزه حد يفكر معايا بصوت عالي 
بس مقدرتش نقولك يا كرم خۏفت عشان عارفه انك اكيد مش هتتعامل بهدوء خصوصا مع يوسف
عبدالله طب وانا يا دره مقولتليش ليه مقولتيش لاخوكي ليه 
دره عشان نفس السبب يا عبدالله خۏفت عليك عارفه انك متهور زي كرم وعارفه ان يوسف مستتفز وممكن يعمل حاجه عشان يستفزك او يستفز كرم وتحتكوا بيه وهو وقتها هياخدها فرصه ويلبسكم مصېبه ويساومني ما بين انه يتنازل لو انا اتنازلت ووقتها هخسر كل حاجه 
والاهم ياريتها كانت هتيجي علي مساومتي عشان اتنازل عن اي حاجه هيلبسهالكم انا كنت واثقه ان لو انت وكرم احتكيتوا بيوسف مش هيخرج من تحت ايدكم سليم وانا مش مستغنيه عنكم يا عبدالله عشان كده قررت اني نخبي علي الكل بس كنت لسه محتاجه حد معايا ووقتها دعيت ربنا