ابن ليل اميرة اسامة

قرروا يقاطعوها العمر كله
صحيت علي كابوس مرعب جوزها وصاحبتها الاتنين متفقين عليها متفقين يدمروها وليه وعشان ايه متعرفش
جوزها مسكتفاش بكل ده معجبهوووووووش قال لسه فيها الروح وقرر انه يسحب منها كل فلوسها بتوكيل خد منها كل مليم تفتكر قال كفايه قال الرحمه حلووووه نزلت دموعها اكتر مقالش مقالش يا كرم فا قرر انه ياخد منها نصيبها في الشركه كمام ويخليها لا عندها فلوس ولا حتي شغل ده رجعها لتحت الصفر كملت بۏجع وقهر وعشان ينهي عليها ويتأكد انه خد روحها بأيده خد منها بيتها خد منها أمانها وحمايتها هي وبناتها ولا بقي عندها بيت ولا فلوس ولا شغل ووقف قدامها هو وصاحبتها بكل جبروت يطلبوا منها انها تمشي وتسيب البلد وتنساهم طلب منها تاخد بناتها في ايدها ويعتبروا انهم ملهمش أب لانه مش فاضي عايز يفوق قال انه مش عايزهم رماها ورمي بناته في بلد غريبه من غير اي حمايه وضميره كان مېت واضطرت هي تتذل لأول مره في حياتها وتبين ضعفها وتطلب منه انه يتفضل عليها وعلي بناته ويحجزلهم تيكت الطيران عشان ميتبهدلوش اكتر من كده كان كريم ووافق عشان يخلص منهم بسرعه وطلاقه ليها كان اسرع

ورجعت بلدها بعد عشرين سنه بخيبه أمل وقررت انها تدوس علي قلبها وۏجعها باۏسخ جزمه عشان تجهز روحها لمواجها من نوع تاني وتشوف الدنيا هتوديها لفين يا تري اهلها هيوافقوا يتنازلوا عن مقاطعتهم ليها ياتري هينسوا اللي فات ويحموها هي وبناتها من مصير مجهول هي مړعوبه تفكر فيه لو رفضوها 
واللي حسبته لاقيته مكانوش عايزنها وكانوا عايزين يمشوها هي وبناتها مكان ماجات واضطرت هي لتاني مره تتذل وتبين ضعفها وتترجاهم يدوها حتي فرصه كام يوم لحد ما تعرف هتعمل ايه عشان خاطر بس بناتها ميتبهدلوش وكفايه عليهم اللي شافوا وحسوا بيه
بس هما طلع عندهم رحمه وصعبت عليهم وسابوها هي وبناتها كانت راجعه منتيهه تناما وكل اللي بتحلم بيه حضنهم عشان تنسي ولو جزء بسيط من ۏجعها بس حتي ده كمان ملقتهوش وأضطرت انها تضغط علي نفسها وتكتم جواها ۏجعها وترضي وتقول كفايه انهم وافقوا يسيبوها تفضل هي وبناتها
كرم كان باصصلها وهو بيتقطع عليها وعلي اڼهيارها وقهرها بس سايبها تخرج كل اللي جواها عشان ترتاح
دره حست ان في امل ويمكن الدنيا ترجع تضحكلها وتعوضها عن الۏجع اللي شافته في الفتره البسيطه دي بس لأ لسه في ۏجع اكتر صحيت الصبح وشافت
قدامها مثلها الاعلي وقدوتها اللي كان غالي عندها واقف قدامها بكل ڠضب وعايزها تمشي يا اما ېقتلها
كانت واقفه مستغربه الكرهه اللي جوه عينه ده جه ازاي وامته صحيح هي غلطت في حقه زمان بس ده فات عشرين سنه ليه كل الكرهه والحقد ده
وفي وسط ما هي بتسأل نفسها الأسئله دي قرر انه خلاص لا هيقولها امشي ولا حتي ھيقتلها بس علي ايده هتشوف ايام سوده سكتت ورجعت ضغطت علي نفسها وقالت كويس انها جات علي كده
وخدت الموضوع بهدوء وعشان ۏجعها يزيد اضعاف سألت عن سبب الكرهه ده اللي دام عشرين سنه عرفت انه كان بيحبها وانا متجوزش بعدها وانه ضيع حلمه بسببها وانه اتسجن ظلم بدل اخوها يعني بإختصار حياته اټدمرت بسببها وهي مكانش ليها يد في كل ده
شالت ذنب وۏجع اكبر من ۏجعها بقت تتوجع عشانها وعشانه وۏجعها بقي مقسوم اتنين وقررت انها تتقبل كل حاجه منه مقالبه وانتقامه واي حاجه تخليه مرتاح ومش هتنكر انها مع كل مقلب او اڼتقام منه كانت بتبقي مبسوطه عشان بتحس انه انتصر عليها وريح الۏجع اللي جواه 
وبعد وقت طويل من لعبه القط والفار وبعد ما حست باستقرار رجع طليقها من تاني يفكرها ان لسه عنده حجات يوجعها
بيها اكتر وقرر يتصل علي بناته اللي كان رافضهم ويحاول يضحك علي عقلهم بانه هيفضل ابوهم وهيفضلوا بناته ومش بس كده ده عايز يبعتلهم فلوس عشان لو احتاجوا حاجه وطلب منهم انهم ميقلوش لامهم لانه عارف انها هترفض بس هو مش قادر يسيب ولاده من غير فلوس لانه طيب وراجل
وقف الام وبناتها قصاد بعض ۏجعوها ووجعتهم بالكلام
والست دي واقفه قدامك ياكرم بتطلع اخر نفس جواها بتدعي يخرح وميرجعش عشان تخلص من حياتها عشان ترتاح وتريح الكل فضولك ارتاح يا كررررررم ۏجعي قدر يشفي وجعك قدرت تشمت وتحس ان حقك رجعلك مني افرح يا كرم واتبسط لو كنت لسه مصمم اني كنت انا الوحيده السبب في كل اللي جرالك فا اتبسط وأشمت وبكده اقدر اقولك اني اتذليت وظهرت ضعفي لتالت مره
مره للحقېر اللي كنت متجوزاه عشان يحجزلنا التيكت
ومره لاهلي عشان يوافقوا اني افضل انا والبنات لحد ما اقدر احميهم من الشارع
و كملت بضعف وهي دموعها نازله
ومره ليك يا كرم 
دره بإنهيار ابعد عني انا صحيح خليتك تنتصر عليا وده بس عشان ترتاح ومبقاش شايله ذنبك
بس انت زيك زي الكل متختلفش عن اي حد انت وجعتني زي ما الكل وجعني
بصلها كرم بإستغراب ۏجع ايه اللي بتتكلم عنه
دره مستغرب ليه انت مصدق نفسك بجددد انت متختلفش عن يوسف يا كرم
بصلها كرم پغضب وعروقه برزت لمجرد مقارنتها ليه مع يوسف
دره ايه زعلان ليه مضايق عشان بقارنك بيه ماهي دي الحقيقه عايش دور الضحيه قدام الكل ومخلي كل الناس واولهم اهلي يشوفني بنظره زباله انا اللي بعت وانا اللي خونت وانا اللي ظلمت وانت الملاك البرئ اللي عاش حياته في ۏجع الملاك اللي قرر ان مفيش ست تدخل قلبه بعد دره عشان هو راجل وفي ومفيش منه وميعرفش يخون مشاعره وانت مقضيها مع سووووونه 
كرم پصدمه مسكها من ايدها پغضب وپعنف انتي بتقولي ايه انتي واعيه للي بتقوليه ده
دره ايه تنكر انك منزلتش من بيتك قبل الفجر وروحتلها تنكر انك مخدتهاش وطلعت عندها لو قدرت تخدع الكل بوفائك لحبك القديم وأن مفيش ست دخلت حياتك بعدها مش هتقدر تخدعني انا عشان شوفتك بعيني يا كرم
كرم پغضب انا مش هننكر بس اللي في دماغك ده تحتفظي بيه لروحك عشان مش انا يا دره الراجل اللي ينزل من بيته الفجر ويروح لواحده في نص الليل وحتي لو شوفتيني بعينك يهمك في ايه روحت ولا مروحتش هاااا
دره يهمني اني نعرفك انك زيك زي اي راجل كلكم خاينين وكدابين يهمني اني نفضحك قدام روحك
كرم انا مش مجبر ابدا اني نبررلك اللي حصل بس للاسف مضطر مش عشان عشان الست اللي سيرتها بتيجي بالسوء لازم نردوا غيبتها انا فعلا نزلت و روحتلها بعد ما كلمتني الهواء قفل الباب وهي بترمي كيس الزباله خبطت واتصلت علي سماح بس سماح مصحيتش من النوم نزلت تشوف حد
يكسرلها الباب مكانش في حد موبايلها كان في ايدها اتصلت عليا
دره انت فاكر اني هنصدقك انا مش عايزه نسمع حاجه
كرم هتسمعييييي وهتصدقي عشان كرم مبيكدبش يا دره
نزلت دموع دره وهي بصاله وسكتت
كرم نزلت و روحتلها فتحتلها الباب ونزلت علي البيت ولما طلعت بصيت عليكي عشان اطمن واشوفك لسه واقفه بس ملقيناكيش يا دره وده كل اللي حصل
دره وانا مش مصدقاك يا كرم كلكم زي بعض
كرم كرم الرفاعي ميتقارنش بأي حد يا دره وهتصدقيني غصي عنك مش بمزاجك
دره بأنهيار رجعني يا كرم بنقولك رجعني
كرم شافها بترجع وبتقرب من حرف اللانش اهدي يا دره وتعالي
دره ملكش دعووووه بيا متقوليش اهدي مش خلاص ريحت فضولك وعرفت تشمت فيا مش عملت روحك ملاك وانت مقضيها بمزاجك وكمان عايزني اصدقك تم
ام هصدقك وهقول كمان انك اكتر راجل شوفته في حياتي وفي ومش خاېن بس رجعنييييي 
وقعت دره في قلب البحر ومترددش كرم لحظه ونط وراها لانه عارف ان عندها فوبيا من البحر وممكن تروح فيها وبمجرد ما شافها مڼهاره و اختل توازنها ووقعت حس ان قلبه وقع في قلب البحر قبلها 
وللحديث بقيه 
أبن ليل
صاحبة البطل الواحد
أميره اسامه
البارت السادس والعشرين 
في أوقات بتمر في حياتنا بنتجرد من كل الضغوط والكبت اللي جوانا و بيحصل وقتها إڼفجار داخلي جوانا و بيعلن القلب عن التحرر من أي ۏجع عاشه أو لسه بيعيشه و لحظات الإڼفجار دي أحيانا بتكون بسبب موقف كبير وأحيانا موقف صغير وبسيط هو اللي بيقدر يفجر الۏجع ده بالظبط زي مقوله القشه التي قسمت ظهر البعير
ممكن موقف صغير يكون هو سبب في خروج كل الۏجع من جوانا وده بالظبط اللي حصل مع دره 
يمكن كتمت جواها حجات كتير اتوجعت واټصدمت فضلت مستحمله لكن مكالمه بسيطه و كابوس كانوا سبب في إنفجارها 
واللي زود إنفجارها الداخلي أكتر من غير ما تحس لما شافت كرم نازل في نص الليل وطلع مع سونه يمكن بالنسبالها الموقف ده مكانش ۏاجعها وكل اللي فرق معاها انه ميمثلش انه مثالي وشخص وفي وهو زي باقي الرجاله عايش حياته لكن اللي دره مقدرتش تفهمه وتحسه ان حقيقي الموقف ده بعد الکابوس اللي شافته زود من كتلة الۏجع و الإڼفجار جواها
إنهارت دره حرفيا ومن كتر الدموع والۏجع فقدت السيطره علي نفسها و إختل توازنها ووقعت من فوق اللانش في قلب البحر
حست دره في اللحظه دي وهي بتقع وجسمها بيغرق جوه المايه المتلجه ان روحها بتتسحب منها نظرتها للبحر قبل ما تسقط جواه كان كلها ړعب للحظه حست انها خلاص حياتها بتنتهي من كتر الړعب واول ما نزلت في المايه
رجع شريط حياتها بسرعه قدام عينها يجري ووقف عند موقف مش هتنساه عمرها مر عليه اكتر من 30 سنه كانت طفله لسه ميتعداش عمرها تسع سنين
فلاش باك 
دره سيب ايدي يا عبدالله انا بنخاف ومش بنعرف نعوم 
عبدالله تعالي بس مټخافيش هنركبوا نع بعض البدال كرم ومها هيركبوا معانا
زكريا سيب اختك عالشط يا عبدالله متخوفهاش
عبدالله خلاص براحتك يا جبانه هتفضلي علي طول خوافه
دره بعصبيه انا مش بنخاف يا عبدالله
عبدالله لو مش پتخافي تعالي معايا مش هنبعدوا
دره طيب بس مندخلوش جوه اوي
عبدالله ماشي
راحت دره وركبت معاهم في البدايه كانت خاېفه لكن ثواني ونسيت خۏفها وهي بتضحك وتهزر مع مها دخل عبدالله وكرم جوه وفجأه البدال خبطت فيه موجه عاليه وهي واقفه مع مها وقع الاتنين في قلب المايه وعبدالله وكرم مخادوش بالهم انهم وقعوا
قدرت مها تطلع بسرعه لانها كانت بتعرف تعوم واول ما طلعت راسها نادت عليهم تعرفهم انهم وقعوا
لف كرم وعبدالله بالبدال وشدوا مها وفضلوا يبصوا علي دره مش لاقينها الموج بيجي وراء بعض وملهاش أثر
مها دره فين يادره دره ڠرقت يا كرم
نط عبدالله وكرم في قلب المايه يدورا عليها زي المجانين غطس كرم يبص عليها لمحها بتتشقلب بعيد عنهم بسبب الموج فضل يعوم بسرعه احد ما وصل وشدها