ابن ليل اميرة اسامة

بيخبوا
ابتسمت دارين بإحراج واول ما لمحت مها جايه وراه برقت عينها وقفلت في وشه ودخلت بسرعه علي جوه 
هيما يابت المجانين بتقفلي في وشي ما شي يا دااا
مها بتكلم روحك يا ولا
هيما ياااا دي نيله 
مها بضحك عليا انا يا صايع
اوعي يا واد تكون فاكر روحك حويط ومش باين عليك يا واد ده انت لو عرفت تخبي اي حاجه مش هتعرف تخبي لهفتك عليها وانت داخل شايلها بين ايدك المستشفي
هيما بإبتسامه حط ايده علي بوئها بسرعه باااااس يخربيتك ايه ڤضيحه
مها بضحك احيه عليا ومحبي ليه يا ولا هي دي حاجه تتخبي
هيما هو انا باين عليا بجد

مها بضحك اه يا مفضوح باين عليك
هيما والله شكل حد من عيالك اللي فتن وبتصيعي عليا يا مها
مها بضحك ودين محمد ما قالوا حاجه انت اللي باين
عليك انت يا ولا مش حاسس بروحك ولا ايه انا بس مش عارفه انت مخبي ليه
هيما كنت قلقان يا مها الوضع بين دره وكرم مكانش تمام ولما الدنيا هديت بينهم شويه مكانش في حاجه واضحه من علاقتهم وبصراحه خۏفت من كرم
مها ليه يا ولا ده اخوك بيحبك و بيعتبرك ابنه مش بس اخوه الصغير ونفسه ومني عينه يفرح بيك وحتي اللي بينه وبين دره لو مكانش اتحسن عمره ما كان هيرفض
هيما عارف يا مها ان عمره ما كان هيرفض وعارف انه بيحبني اكتر من روحه بس خۏفت يزعل خۏفت ارتباطي بيها يأثر فيه وانا عمري ما هنيجي علي سعادة وراحه اخويا ونبقي اناني وقولت نسكت و نهدي علي الحوار لحد ما نشوف الدنيا هتروح بينا لفين وكده كده دارين لسه بتدرس 
مها بحب وافرض يا ولا مكانتش الدنيا هديت وفضلنا مقاطعين بعض كنت هتعمل ايه كنت هتسيبها وتوجعها بعد ما علقتها بيك
هيما لو كنت اضطريت يا مها كنت هنعمل كده بس كنت هنفهما كل حاجه قبل ما نبعد عشان علي الاقل تديني عذري ده اخويا يا مها 
دحل عليهم كرم بهدوء بعد ما جه من غير ما يحسوا 
كرم وتفتكر بقي اخوك يا هيما هيرضي انك تبعد عن البنت اللي حبيتها عشان خاطر الحدوته بتاعته القديمه 
هيما پصدمه كرررم
مها ياريت نص الخلق فيهم حنيه قلبك يا كرم
كرم اوعي يا ولا تكون فاكر اني مش واخد بالي منك ولا تفكر اني مش قافش حوارك من زمان بس كنت مستنيك تيجي تحكيلي
عارف من امته يا هيما يوم ما اتكلمت انا وانت وكان باين عليك انك مضايق وقولتلك قولي فيك ايه واحكيلي ده بعد حوار دره ودانه بعد مشكلتهم يومها انت قولتلي مفيش حاجه بس انا كنت عارف انك حبيتها واتعلقت بيها وكنت عارف انك مش عارف تجيبهالي ازاي وقلقان من رد فعلي انا مرضتش نضغط عليك وقولت نسيبك تتعلق بيها اكتر ونشوف هتفضل مخبي لحد امته بس مكنتش نعرف ان لو انا فضلت علاقتي بدره مش حلوه انك ممكن تسيبها عشاني 
هيما كل حاجه في الدنيا تتعوض الا انت يا اخويا وحتي لو فيها ۏجع قلبي انا راضي بس اشوفك ديما مبسوط
ابتسم كرم وشده لصدره وطبطب علي ضهره بحب ابتسمت مها وطبطبت عليهم هما الاتنين وهي بټعيط 
مها ربنا ما يحرمكم من بعض ابدا يا حبايبي 
ابتسم كرم وبص لهيما
كرم واللي خلق الخلق لا هنجوزهالك يا ولا
هيما بحب يعني مش زعلان عشان خبيت
كرم لا مش زعلان بس في حاجه لازم انت واختك تعرفوها كويس اوي مهما كانت الحاجه اللي انتوا عايزنها انا مش حاببها عمري ما هاجي عليكم عشاني ارضي روحي انا عشانكم مستعد نبلع الزلط ونبقيكم علي روحي
مها من غير ما تقول يا كرم احنا عارفين 
هيما عشان كده خبيت عليك يا كيرو كنت عارف انك هتعمل روحك طاير من الفرحه وانت جواك موجوع ومقدرتش نحطك في الموقف ده ابدا
كرم وانا مش زعلان منك يا هيما 
وعايز نقولك اني قلبي طاير من الفرحه عشانك بس ده بجد انت كمان تعبت في حياتك وواثق ان دارين هتعوضك بس اوعدني تحطها في عينك ومتزعلهاش
هيما نوعدك يا كرم والله عمري ما هنزعلها وعلي فكره دره عارفه
كرم بابتسامه حتي انتي يا شبر ونص بتخبي عليا ماشي 
مها بضحك يعني هتيجي تقولك جوز اخوك لبنتي انت كمان
هيما اوعي تقولها بقي خليها هي تقولك
كرم ماشي يا سيدي متقلقش ومبروك يا ولا
مها بضحك احيه هتبقي عديل اخوك يا ولا
هيما يعني ايه عديله
مها انا عارفه هما بيقولوها كده
كرم سيبك منها دي هبله انا اللي هيجنني الوقت لو اتجوزتوا ولادك انا هبقي عمهم ودره هتبقي ستهم و انا هنبقي لدارين أخو جوزها وجوز امها في نفس الوقت وانت دره هتبقي مرات اخوك وحماتك تصدق بالله دي صلة قرابه عايزه 
الفراعنه تفك رموزها
مها بضحك ولا لو مها جابت عيال ولادها وولاد بنتها هيقربوا ايه لبعض
ضحك هيما ومها وابتسم كرم بهدوء 
كرم لا من الناحيه دي مش هيكون في لغبطه عشان مش هيبقي في ولاد لدره مني 
سكتوا مره واحده وسمعته نجوي ووقفت ساكته 
مها احيه ليه بتقول كده يا كرم عايز تحرم روحك وتحرمنا من اننا نشوف عيالك انت مش عايز من دره عيال ولا ايه
كرم مين قال كده بس انا نفسي يا مها بس مبقاش ينفع خلاص كان زمان
مها وايه اللي منفعوش لا انت عندك 100 سنه ولا هي كبرت انتوا لسه في عز شبابكم وكل واحد فيكم مفارق التلاتينات من كام سنه ايه اللي يمنع
كرم اللي يمنع ان دره عندها عيال طولها وبيتهيألي ممكن الموضوع يبقي صعب عليها وعلي البنات وانا عن نفسي اكتفيت بنصيبي في دره اكتر من كده نبقي طماع يا مها كفايه وجودها معايا ده كان حلم بعيد وربنا حققه منقدرش نطمع في اكتر من كده
هيما ايه اللي انت بتقوله ده انت شوفت البنات عملوا ايه في الوهم عشانها وعشانك وشوفت امبارح رد فعلهم من طلبك لايدها يعني عمرهم ما هيضايقوا لو
دره حملت
كرم لو ممانعوش في اي حاجه دي الحاجه الوحيده اللي ممكن يمانعوا فيها يا هيما انا عارف بنقولك ايه 
نجوي من وراه وعايز تحرمني يا كرم من اني اشوف عيالك اللي طول عمري بنتمناهم من ربنا قبل ما اموت 
بصوا كلهم وراهم 
كرم بعد الشړ عليكي يا امي متقوليش كده
نجوي وانت كمان متقولش كده يا كرم وتوجع قلبي واوعي تفكر تحرمني من اني نشوف عيالك يا كرم
كرم بحب ضمھا واتنهد اقفلي علي الحوار ده يا امي الوقت لسه اصلا بدري عليه
نجوي لا يا كرم مش هنقفل عليه لما جيت قولتلنا انك لسه عايز دره وان هي كمان بتحبك وخاېفه من رد فعلنا انا فرحت من قلبي بجد وكل كلمه قولتهالها امبارح كنت صادقه فيها عشان طول عمري شايفه ان دره ليك وانت ليها
ومترددتش لحظه في اني نظهر فرحتي بس مش هنكدب عليك فكرت في اللي قولته الوقت وقلبي اتقبض خۏفت دره تقولك الشرط ده وانها مش عايزه تحمل عشان بناتها وعارفه انك هتوافقها لانك راضي بيها علي اي حال عشان انت بتحبها بجد لكن اني نسمع منك انت الكلام ده يا كرم
لا مش هنقدر انت لسه صغير يا كرم وادامك الدنيا طويله ولازملك سند من صلبك
سواء واد ولا بت
كرم يعني انا اللي مش عايز يا امي انا نفسي بس انا مش عايز احلم واسرح بخيالي واطمع في الفرحه ولما متحصلش نرجع نتوجع فا بنأقلم روحي
مها وليه متحصلش يا حبيبي انت فاكر ان دره ممكن تطلع بالانانيه دي وبعد ما ستنتها العمر ده كله تحرمك من انك تبقي اب
كرم دره متعرفش حاجه ويمكن الموضوع ده عمرنا ما فتحناه مع بعض اصلا بس انا بتكلم بصوت العقل
نجوي عقل ايه اللي في كلامك يا ابني تحرم نفسك من انك تبقي اب وتقول صوت العقل هي ربنا رزقها بتلات بنات وحقك تكون اب
وهب اكيد عارفه حاجه زي دي كويس 
كرم طيب خلينا نقفلوا الحوار ده الوقت ونسيب كل حاجه تيجي علي مهلها احسن
نجوي حاضر يا كرم بس يكون في علمك مش هنسمحلك انك تعمل كده ولا انك تفتح الموضوع مع دره لو عايزني نسكت يبقي تقفل الموضوع حتي مع دره ونشوف هي ناويه علي ايه
كرم حاضر يا امي متقلقيش وفرفشي بقي عندك بدل العريس اتنين مفيش مبروك للولا ولا ايه
هيما بإبتسامه ايه مش هتباركي يا نوجا
نجوي بإبتسامه ضمت هيما بحب مبروك يا ولا بس هنباركلك اكتر لما الموضوع يكون رسمي 
هيما إن شاء الله با نوجا نفرحوا بس بكرم وبعدين هفرحكم بيا 
نجوي ربنا يفرحكم يا حبايبي ويملأ البيت فرح علي طول 
مها اللهم امين 
في المساء اتصل حسن علي يوسف وقاله ان المكان تمام وجاهز ومستني الاشاره
يوسف اتبسط وبعد ما اتفقوا وعرف كل تفاصيل المكان وانه مناسب قفل معاه لحد ما يرد عليه بالمعاد وطبعا ده واقف علي اتصاله مع سونه الوقت كان متأخر الساعه كانت 12 بليل فا قرر انه يتصل بيها الصبح
ولحد كده خطه دره كانت ماشيه زي ما خطتت بالحرف 
اتصلت دره بسونه وعرفتها ان يوسف اكيد هيكلمها بكره واتفقوا علي كل حاجه واليوم انتهي بخير 
في صباح يوم جديد صحيت سونه علي الضهر بصت في موبايلها لقت يوسف مكلمها مرتين وموبايلها كانت سايلنت ولما مردتش بعتلها رساله
يوسف صباح الخير يا ست سونه لما تشوفي الموبايل كلميني ضروري المكان جهز 
شافت الرساله وزادت ضربات قلبها وبسرعه اتصلت بدره 
دره بصوت نايم الووووو
سونه احيه انتي لسه نايمه لا صحصحي كده والنبي
دره في ايه يا سونه يوسف كلمك ولا ايه
سونه انا لسه صاحبه ولاقيته متصل بيا مرتين بس مسمعتش وبعتلي رساله بيقولي كلميني ضروري لما تشوفي الموبايل وان المكان جهز 
دره طيب حلو اوي خليكي هاديه وبلاش تتوتري وتعملي اللي هنقولك عليه بالحرف 
سونه طيب قولي سمعاكي 
دره هتقفلي معايا وهتبعتيله رساله هتقوليله انك في المستشفي مع بنتك عشان الدكتور بتاعها يطمن عليها ولما هتروحي هتكلميه عشان مش هتعرفي الوقت 
سونه طيب والمفروض اني نعمل روحي روحت بعد قد ايه 
دره بعد العصر علي الساعه خمسه تبعتيله رساله تاني قوليله انك مش مطنشاه بس لما رجعتوا من المستشفي زمايل بنتك جم عشان يطمنوا عليها واول ما يمشوا وتبقي لوحدك هتكلميه 
سونه ونكلمه بعدها فعلا
دره علي الساعه تسعه ونص عشره هتتصلي عليه هو هيقولك كل اللي حسن قاله و هيطلب منك تنفذي الجزء الخاص بيكي وهو انك توديني المكان وانتي هتقولي امين هتقفلي معاه علي انك هتكلمينيي هتغيبي عنه ربع ساعه 
وترجعي تتصلي عليه تقوليله اني قولتلك بكره عشان مش هنقدر ننزل الوقت هيقولك اتصلي وحاولي قوليله انك حاولتي كتير و قولتلك بكره 
سونه طيب في حاجه مهمه هو عارف ان في بينا مشاكل ومش بنطيق ومفيش بينا كلام لو قالي قولتيلها ايه هنقوله ايه
دره بإبتسامه زي ما انا حافظه يوسف هو حافظ دره القديمه هو في مكالمته الاخيره معاكي قالك استعطفي دره وهي هتصدقك وانتي هتعملي كده
سونه لا مش فاهمه هندخلك في سكة استعطاف ودي فهمتها